តារាចម្រៀងអ្នកនាង យក់ ថិតរដ្ឋា បានធ្វើការជះពាក្យសម្តីទៅកាន់ម្ចាស់គណនីហ្វេសប៊ុកដែលចូលទៅខំមិនរិះគន់ទៅលើរូបសម្រស់របស់នាងនាពេលនេះ។ ម្ចាស់គណនីហ្វេសប៊ុកដែលមានឈ្មោះថា
រាជធានីភ្នំពេញ ៖ តារាចម្រៀងអ្នកនាង យក់ ថិតរដ្ឋា បានធ្វើការជះពាក្យសម្តីទៅកាន់ម្ចាស់គណនីហ្វេសប៊ុកដែលចូលទៅខំមិនរិះគន់ទៅលើរូបសម្រស់របស់នាងនាពេលនេះ។ ម្ចាស់គណនីហ្វេសប៊ុកដែលមានឈ្មោះថា «Pisey keo» បានចូលទៅខំមិនពីក្រោមរូបភាពដែលតារាចម្រៀងរូបនេះបង្ហោះថា «យក់ថិតរដ្ឋា ថតរូបមិនដែលថាមានភាពទាក់ទាញឣាក្រក់មើលណាស់»។
តាមរយៈពាក្យពេចន៍ខំមិនខាងលើនេះ យក់ ថិតរដ្ឋា ក៏បានឆ្លើយតបយ៉ាងចាក់ដោតទៅវិញថា «Pisey Keo ចាអរគុណ ព្រោះមិនចេះសម្ដែងដូចគេ ចិត្តពិត បេះដូងពិត ហើយមិន edit ចឹងបានមើលទៅឃើញអត់ស្អាតដូចគេ បញ្ចក់ធម្មតា សម្រស់ធម្មជាតិ មិនឈ្នះសម្រស់គេកែកុនហើយទេ តែស្អាតបានយូរ មើលបានយូរមិនងា.យចាស់ អរគុណចំពោះការ comments សំខាន់អោយតែប្តី នឹងក្រុមគ្រួសារ និងមិត្តភក្តិស្រឡាញ់នឹងនៅតែចូលចិត្តខ្ញុំចប់ ចិត្តនឹងបេះដូង គឺវាសំខាន់ជាងសម្រស់ ព្រោះងា.ប់ទៅ គឺដុតចោលដូចតែគ្នាទេ»។
នាងបន្ថែមថា «អារម្មណ៍ពិតរបស់ខ្ញុំ មុនដំបូងពិតជាខឹងនឹងគេខ្លាំងណាស់ តែដល់ចុងក្រោយគិតថា យី ! យើងប្រហែលជាមិនចេះថែរក្សាសម្រស់មែនទេដឹង បានជាគាត់ថាអោយយើងចឹង បើគាត់មិនខ្វល់ពីយើង ពួកគាត់មិន comment ចឹងទេ តែនេះប្រហែលគាត់ចង់អោយខ្ញុំដូចកាលពី ២០ ៣០ ឆ្នាំមុន កាលដែលខ្ញុំមិនទាន់មានកូនមួយគ្រា.ប់ ពិតជាអរគុណណាស់បងប្អូនដែលនៅចងចាំរូបខ្ញុំ និងចង់អោយខ្ញុំល្អ នឹងនៅតែស្អាតទាំងសម្រស់នឹងរូបរាង»។
យ៉ាងណាក្រោយមានការឆ្លើយឆ្លងពាក្យសម្តីខាងលើនេះ គេក៏ឃើញមានទស្សនិកជនអ្នកគាំទ្ររបស់អ្នកនាង យក់ ថិតរដ្ឋា ជាច្រើនបានចូលទៅខំមិន ដោយសម្តែងការគាំទ្រនូវការលើកឡើង និងការឆ្លើយតបរបស់តារាចម្រៀងរូបនេះផងដែរ៕
ចែករំលែកព័តមាននេះ