ប្រាក់ចំណូលរបស់ប្រធានាធិបតីរុស្ស៊ី
អាជ្ញាធររុស្ស៊ីបានប្រកាសពីប្រាក់ចំណូល និងទ្រព្យសម្បត្តិរបស់ខ្លួន ។ យោងតាមការប្រកាសនោះប្រធានាធិបតីរុស្ស៊ីលោកវ្ល៉ាឌីមៀរ ពូទីន មានប្រាក់ចំណូល
អាជ្ញាធររុស្ស៊ីបានប្រកាសពីប្រាក់ចំណូល និងទ្រព្យសម្បត្តិរបស់ខ្លួន ។ យោងតាមការប្រកាសនោះប្រធានាធិបតីរុស្ស៊ីលោកវ្ល៉ាឌីមៀរ ពូទីន មានប្រាក់ចំណូល១៤៨.២០០អឺរ៉ូ នាឆ្នាំកន្លងទៅ ហើយនាយករដ្ឋមន្ត្រីរបស់លោកមានប្រាក់ចំណូល៤៣.៥៧២អឺរ៉ូ ក្នុងឆ្នាំ២០១៦ ។
ការប្រកាសពីចំណូលនិងទ្រព្យសម្បត្តិរបស់ប្រមុខរដ្ឋរុស្ស៊ីត្រូវបានផ្សាយតាមវេបសាយផ្លូវការរបស់វិមានក្រឹមឡាំងដែលតាមវេបសាយនោះថាប្រាក់ចំណូលរបស់លោកពូទីនមានប្រមាណ១៤៨.២០០អឺរ៉ូ (៨,៨៦លានរូប្លិ៍) ក្នុងឆ្នាំ២០១៦ ។
ម្យ៉ាងទៀតលោកពូទីនប្រកាសថា លោកមានផ្ទះ២ ផ្ទះមួយមានទំហំ៧៧ម៉ែត្រក្រឡា ហើយផ្ទះមួយទៀតមានទំហំ១៥៣ម៉ែត្រក្រឡា មានដីមួយកន្លែងទំហំ១.៥០០ម៉ែត្រក្រឡា មានហ្គារ៉ាយមួយ ហើយមានកន្លែងមួយទៀតសម្រាប់់ធ្វើហ្គារ៉ាយ ។ ទ្រព្យសម្បត្តិឯទៀតៗរបស់លោកពូទីនគឺរថយន្ត៣គ្រឿង មួយគ្រឿងធុន LADA NIVA ២គ្រឿងទៀតធុន VOLGA ព្រមទាំងរថយន្តសណ្តោងមួយធុន SKIF ។
ក្នុងផ្ទៃមេដឹកនាំរុស្ស៊ីប្រាក់ចំណូលខ្ពស់ជាងគេបំផុតត្រូវបានប្រកាសដោយលោកស័រហ្គេយ គីរីអេនតូ ។ ឧបនាយករដ្ឋមន្ត្រីទីមួយរុស្ស៊ីរូបនេះ ប្រកាសពីប្រាក់ចំណូលរបស់លោកថាមាន៨៥,៤៨លានរូប្លិ៍ (ប្រមាណ១.៤៣០លានអឺរ៉ូ) ។ លោកឌីមីទ្រី ប៉េស្កូវ អ្នកនាំពាក្យវិមានក្រឹមឡាំងប្រកាសថាលោកមានប្រាក់ចំណូល១២,៨លានរូប្លិ៍ ក្នុងឆ្នាំ២០១៦ (ប្រមាណជា ២១៤.២០០អឺរ៉ូ) ។
ចំណែកនាយករដ្ឋមន្ត្រីលោកឌីមីទ្រី ម៉េដវេដេវ គូសបញ្ជាក់ថា លោកមានចំណូល៨,៥៨លានរូប្លិ៍ (១៤៣.៥៧២អឺរ៉ូ) ក្នុងឆ្នាំ២០១៦ ។ ទ្រព្យសម្បត្តិឯទៀតៗរបស់ប្រមុខរដ្ឋាភិបាលនៅដដែលដូចឆ្នាំ២០១៥ គឺរថយន្ត២គ្រឿង ដីមួយកន្លែងជួលឱ្យគេរយៈពេល៤៩ឆ្នាំ និងផ្ទះមួយទំហំ៣៦៧,៨ម៉ែត្រក្រឡា ៕
ចែករំលែកព័តមាននេះ