រាជធានីភ្នំពេញ ៖ ប្ដីប្រពន្ធ១គូដោយសារការរស់នៅមិនចុះសម្រុង និងគ្នា គ្មានសុភមង្គលព្រោះតែបុរសជាប្ដីគិតតែពីដើរលេងផឹកស៊ី រួចវា.យប្រពន្ធស្ទើររាល់ថ្ងៃទើបឈានដល់ការរស់នៅបែកគ្នាអស់រយៈពេល៧ខែមកហើយ។
មិនតែប៉ុណ្ណោះ ស្ត្រីជាប្រពន្ធបានសុំលែងលះគ្នានៅត្រឹមភូមិ និងឃុំថែមទៀតផង ប៉ុន្តែប្ដីមិនព្រមផ្ដិតមេដៃលែងលះឡើយលុះដល់ពេលចុងក្រោយប្ដីកំណាចបានចាប់ក្រៀកប្រពន្ធ រួចចាក់ជាច្រើនកាំបិត បណ្ដាលឲ្យស្លា.ប់បាត់បង់ជីវិតភ្លាមៗនៅនឹងកន្លែងបន្ទាប់មកជននេះក៏បានចាក់សម្លា.ប់ខ្លួនឯងតាមក្រោយ ប៉ុន្តែមិនស្លា.ប់ឡើយ គ្រាន់តែរងរបួសធ្ងន់ប៉ុណ្ណោះ។
អំពើឃា.តកម្មប្ដីចាក់សម្លា.ប់ប្រពន្ធនេះបានកើតឡើងកាលពីវេលាម៉ោង៥ល្ងាច ថ្ងៃទី៥ ខែវិច្ឆិកា ឆ្នាំ២០២២ នៅតាមផ្លូវបេតុងភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា ស្ត្រីជាប្រពន្ធឈ្មោះ ផេង សុភាង អាយុ៣៦ឆ្នាំ មុខរបរកម្មការិនីរោងចក្រ មានស្រុកកំណើតនៅភូមិព្រៃត្រឡាច ឃុំព្រៃត្រឡាច ស្រុករុក្ខគីរី ខេត្តបាត់ដំបង។ចំណែកបុរសជាប្ដីដែលមិនបានផ្ដល់សុភមង្គលឲ្យប្រពន្ធ ហើយថែមទាំងចាក់សម្លា.ប់ប្រពន្ធថែមទៀតនោះពុំទាន់ត្រូវបានស្គាល់អត្តសញ្ញាណនៅឡើយទេ ។
ជននេះរងរបួសធ្ងន់ធ្ងរដោយយកកាំបិតចាក់ពោះខ្លួនឯងប៉ុនប៉ងបញ្ចប់ជីវិតតាមក្រោយ បន្ទាប់ពីចាក់សម្លា.ប់ប្រពន្ធរួចមក ហើយត្រូវបាននគរបាលវាយខ្នោះដៃរួចបញ្ជូនទៅសង្គ្រោះបន្ទាន់។
ប្រភពដដែលបានប្រាប់ឲ្យដឹងទៀតថា កន្លងមកបុរសជាប្ដីតែងតែដើរផឹកសុីស្រវឹងហើយវា.យធ្វើបាបប្រពន្ធស្ទើររាល់ថ្ងៃជាហេតុធ្វើឲ្យការរស់នៅជាមួយគ្នាមិនចុះសម្រុងឡើយហើយឈានដល់ការរស់នៅបែកគ្នារយៈពេល៧ខែមកហើយ។
ចំណែកស្ត្រីជាប្រពន្ធដោយអត់ទ្រាំលែងបានតទៅទៀតក៏សម្រេចចិត្តសុំលែងលះនៅត្រឹមភូមិឃុំ ព្រោះគិតថា បើយកគ្នាជាប្ដីប្រពន្ធតទៅទៀតដូចរស់នៅឱបភ្នំភ្លើងដូច្នោះដែរ។
ប្រភពខាងលើបានប្រាប់បន្ថែមទៀតថា ប៉ុន្តែរូបនេះប្ដីមិនព្រមផ្ដិតមេដៃលែងលះនោះឡើយ និងតែងតែប្រច័ណ្ឌរកររឿងប្រពន្ធជាញឹកញាប់ថែមទៀតផង ហើយនៅវេលាល្ងាចថ្ងៃកើតហេតុ បន្ទាប់ពីប្រពន្ធចេញពីធ្វើការដល់ផ្ទះជួលប្ដីកំណាចរូបនេះបានទៅរករឿងទៀត។ខណៈនោះបង្កជាជម្លោះប្រវា.យប្រតប់គ្នាហើយជនកំណាចបានចាប់ក្រៀកប្រពន្ធអូសចេញពីផ្ទះជួលដើរតាមផ្លូវ រួចយកកាំបិតចុងស្រួចចាក់ប្រពន្ធជាច្រើនកាំបិតបណ្ដាលឲ្យដួលប្រកាច់ស្លា.ប់ភ្លាមៗនៅនឹងកន្លែងតែម្ដង។
ប្រភពព័ត៌មានមួយនេះបានបញ្ជាក់ប្រាប់ឲ្យដឹងថា បន្ទាប់មកទើបប្ដីជាឃា.តកររូបនោះប្រើកាំបិតដដែលចាក់ពោះ
ខ្លួនឯងប៉ុនប៉ងសម្លា.ប់ខ្លួនតាមក្រោយដែរ ប៉ុន្តែមិនស្លា.ប់គ្រាន់តែរងរបួសធ្ងន់ និងដួលដេកនៅជិតនោះដែរ។
ក្រោយពេលកើតហេតុភ្លាមៗ កម្លាំងនគរបាលបានចុះទៅអន្តរាគមន៍វា.យខ្នោះដៃជនកំណាចខាងលើ រួចបញ្ជូនទៅសង្គ្រោះបន្ទាន់ ហើយពុំដឹងថា ជននេះអាចរួចផុតពីសេចក្ដីស្លា.ប់ឬអត់នោះទេ៕
ចែករំលែកព័តមាននេះ