ពលរដ្ឋបារាំងជិត៤៧លាននាក់ត្រូវទៅកាន់ការិយាល័យបោះឆ្នោតសម្រាប់ការបោះឆ្នោតប្រធានាធិបតីបារាំងជុំទីមួយនាថ្ងៃទី២៣ មេសា ក្រោមស្ថានភាពមិនច្បាស់លាស់ និងក្រោមការគំរាមកំហែងភេរវកម្ម ។
ពលរដ្ឋបារាំងជិត៤៧លាននាក់ត្រូវទៅកាន់ការិយាល័យបោះឆ្នោតសម្រាប់ការបោះឆ្នោតប្រធានាធិបតីបារាំងជុំទីមួយនាថ្ងៃទី២៣ មេសា ក្រោមស្ថានភាពមិនច្បាស់លាស់ និងក្រោមការគំរាមកំហែងភេរវកម្ម ។
កងកម្លាំងប៉ូលិស និងតម្រួតជាង៥០.០០០នាក់គាំទ្រដោយកងយោធា៧.០០០នាក់ត្រូវបានកេណ្ឌប្រមូល៣ថ្ងៃក្រោយការវាយប្រហារភេរវកម្មបណ្តាលឱ្យស្លាប់ប៉ូលិសម្នាក់នៅវិថី CHAMPS ELYSEES ក្រុងប៉ារីសមក ។
សរុបមានបេក្ខជន១១រូបចូលរួមប្រកួត ។ ក្នុងចំណោមបេក្ខជនទាំងនេះបើយោងតាមការស្ទាបស្ទង់មតិមួយរបស់ HARRIS INTERECTIVE សម្រាប់ទូរទស្សន៍បារាំងចេញផ្សាយនាថ្ងៃទី២០ មេសា បង្ហាញថា លោក EMMANUEL MACRON នៅតែនាំមុខសម្រាប់អ្នកមានបំណងបោះឆ្នោតឱ្យលោកក្នុងការបោះឆ្នោតជុំទីមួយនេះនាំមុខលោកស្រី MARINE LE PEN លោក FRANCOIS FILLON និងលោក JEAN LUC MELENCHON ។
បេក្ខជនប្រធានាធិបតីទាំង១១រូបនោះមាន អ្នកសាធារណរដ្ឋ លោក FRANCOIS FILLON អាយុ៦៣ឆ្នាំ លោក BENOIT HAMON អាយុ៤០ឆ្នាំ គណបក្សសង្គមនិយម លោកស្រី MARINE LE PEN អាយុ៤៨ឆ្នាំ គណបក្សរណសិរ្សជាតិ លោក EMMANUEL MACRON អាយុ៣៩ឆ្នាំ គណបក្ស «EN MARCHE» លោក JEAN LUC MELENCHON អាយុ៦៥ឆ្នាំ គណបក្សឆ្វេងនិយម «LA FRANCE INSOUMISE» លោក FRANCOIS ASSELINEAU នៃគណបក្សសេរីជាតិចង់ឱ្យបារាំងចាកចេញពីសហភាពអឺរ៉ុប លោកស្រី NATHALIE ARTHAUD អាយុ៤៧ឆ្នាំ គណបក្សឆ្វេងនិយមជ្រុលការតស៊ូរបស់កម្មករ លោក JACQUES CHEMINADE អាយុ៧៥ឆ្នាំ លោក NICOLAS DUPONT AIGNAN អាយុ៥៦ឆ្នាំ លោក JEAN LASSALLE អាយុ៦១ឆ្នាំ និងលោក PHILIPPE POUTOU អាយុ៥០ឆ្នាំ ៕
ចែករំលែកព័តមាននេះ