កូរ៉េខាងជើងព្រមានប្រាប់អាមេរិកពីសង្គ្រាមមួយ
យោងតាមកាសែត RODONG SINMUN របស់បក្សពលករកូរ៉េថា ដោយបរិហារនយោបាយឆ្កួតលីលារបស់សហរដ្ឋអាមេរិក ដែលពុំពិចារណាពីបណ្តាផលវិបាកនៃគ្រោះមហន្តរាយជាយថាហេតុនានា កូរ៉េខាងជើងព្រមានថា
យោងតាមកាសែត RODONG SINMUN របស់បក្សពលករកូរ៉េថា ដោយបរិហារនយោបាយឆ្កួតលីលារបស់សហរដ្ឋអាមេរិក ដែលពុំពិចារណាពីបណ្តាផលវិបាកនៃគ្រោះមហន្តរាយជាយថាហេតុនានា កូរ៉េខាងជើងព្រមានថា ខ្លួននឹងតបតវិញចំពោះការបង្កហេតុនានាតាមរយៈសង្គ្រាមមួយដែលមានគោលដៅបង្រួបបង្រួមកូរ៉េ ។
កាសែតនេះសរសេរថា កូរ៉េខាងជើងនឹងធ្វើសង្គ្រាមដើម្បីបង្រួបបង្រួមកូរ៉េខាងជើង និងកូរ៉េខាងត្បូងក្នុងករណីមានការបង្កហេតុនានារបស់សហរដ្ឋអាមេរិក ។ កាសែតនេះបរិហារនយោបាយឆ្កួតលីលារបស់ក្រុងវ៉ាស៊ីនតោន ដែលពុំពិចារណាដល់បណ្តាផលវិបាកប្រកបដោយគ្រោះមហន្តរាយជាយថាហេតុនានា ។
ក្រុងព្យុងយ៉ាងយល់ថា សម័យកាលដែលសហរដ្ឋអាេមរិកគំរាមកំហែងកូរ៉េខាងជើងជាមួយអាវុធនុយក្លេអ៊ែរមានចាប់តាំងពីយូរយារមកហើយ ។ ម្យ៉ាងវិញទៀត កាសែតនេះនិយាយថា សហរដ្ឋអាមេរិកបន្តគម្រោងកាន់កាប់ភាគខាងជើងនៃឧបទ្វីបកូរ៉េជាមួយជំនួរបស់សម្ព័ន្ធមិត្តជប៉ុន និងកូរ៉េខាងត្បូង ។
កាសែតនេះធ្វើការសន្និដ្ឋានថា ចម្លើយតបចំពោះពួកអ្នកបង្កសង្គ្រាមនឹងជាការវាយប្រហារបង្ការមួយរបស់កូរ៉េខាងជើង និងសង្គ្រាមដ៏ត្រឹមត្រូវមួយដើម្បីបង្រួបបង្រួមមាតុភូមិ ។
យោងតាមសេចក្តីថ្លែងការណ៍ផ្លូវការ និងសេចក្តីរាយការណ៍របស់បណ្តាសារព័ត៌មានកូរ៉េខាងជើងថា ក្រុងព្យុងយ៉ាងមានការព្រួយបារម្ភចំពោះការដាក់ពង្រាយកងនាវាចម្បាំងអាមេរិកមួយកងសំខាន់នាំមុខដោយនាវាផ្ទុកយន្តហោះ USS CARL VINSON ក្នុងដែនទឹកនៃឧបទ្វីបកូរ៉េ ។ កងនាវានេះកំពុងបើកឆ្ពោះមកកាន់សមុទ្រជប៉ុន ហៅសមុទ្រខាងកើត ហើយមកដល់ទីនោះប៉ុន្មានថ្ងៃទៀតមុនដាច់ខែមេសា ។
ដោយបញ្ចប់ដំណើរទស្សនកិច្ចដ៏យូរមួយរបស់លោកនៅតំបន់អាស៊ី-ប៉ាស៊ីហ្វិកក្រោមសញ្ញានៃភាពតានតឹងខ្លាំងនៅឧបទ្វីបកូរ៉េអនុប្រធានាធិបតីអាេមរិក លោក MIKE PENCE វាយតម្លៃកាលពីថ្ងៃទី២២ មេសា ថា វិបត្តិកូរ៉េនៅអាចដោះស្រាយដោយសន្តិវិធីដោយសារការសន្យារបស់ចិន ។ លោកនិយាយថា យើងមានការជឿជាក់ ព្រោះបណ្តាសម្ព័ន្ធមិត្តរបស់យើងក្នុងតំបន់ និងចិនធ្វើការគាបសង្កត់ ហើយវាមានភ័ព្វវាសនាមួយដែលអាចសម្រេចទិសដៅជាប្រវត្តិសាស្ត្រឧបទ្វីបកូរ៉េគ្មានអាវុធនុយក្លេអ៊ែរតាមរយៈមធ្យោបាយដោយសន្តិវិធីនានា ។ យើងទទួលបានការលើកទឹកចិត្តតាមរយៈវិធានការនានាដែលចិនប្រកាន់យកនាពេលបច្ចុប្បន្ន ៕
ចែករំលែកព័តមាននេះ