ជនបរទេសដេកស្លា.ប់ក្នុងបន្ទប់ម្នាក់ឯង ហើមស្អុយទើបដឹង
ខេត្តព្រះសីហនុ ៖ ជនបរទេសម្នាក់ត្រូវបានគេប្រទះឃើញដេកស្លា.ប់ម្នាក់ឯងក្នុងបន្ទប់កាលពីវេលាម៉ោង៣និង៤៥នាទីរសៀល នៅក្រុម៣ ភូមិ៣ សង្កាត់លេខ៤ ក្រុងព្រះសីហនុ
ខេត្តព្រះសីហនុ ៖ ជនបរទេសម្នាក់ត្រូវបានគេប្រទះឃើញដេកស្លា.ប់ម្នាក់ឯងក្នុងបន្ទប់កាលពីវេលាម៉ោង៣និង៤៥នាទីរសៀល នៅក្រុម៣ ភូមិ៣ សង្កាត់លេខ៤ ក្រុងព្រះសីហនុ
ខេត្តព្រះសីហនុ ៖ ជនបរទេសម្នាក់ត្រូវបានគេប្រទះឃើញដេកស្លាប់ម្នាក់ឯងក្នុងបន្ទប់កាលពីវេលាម៉ោង៣និង៤៥នាទីរសៀល នៅក្រុម៣ ភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ ចំណុចផ្ទះជួល បន្ទប់លេខ៨ ជាន់ផ្ទាល់ដី (គ្មានយីហោ) ជាប់បឹងកាឡូមានរិទ្ធ មុខផ្ទះសំណាក់ ហាច ហ៊ុន។ យោងតាមសមត្ថកិច្ចមូលដ្ឋានបានឲ្យដឹងថា នៅថ្ងៃទី២០ ខែមេសា ឆ្នាំ២០១៧ វេលាម៉ោង៣និង៤៥នាទី នៅក្រុម៣ ភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ ចំណុចផ្ទះជួល បន្ទប់លេខ៨ ជាន់ផ្ទាល់ដី (គ្មានយីហោ) ជាប់បឹងកាឡូមានរិទ្ឋ មុខផ្ទះសំណាក់ ហាច ហ៊ុន មានករណីជនបរទេស ០១នាក់(ស្លាប់)។
ម្ចាស់ផ្ទះជួលឈ្មោះ ឈួន យ៉េន អាយុ៤៩ឆ្នាំ បានរៀបរាប់ថា ជនរងគ្រោះ(សាកសព) បានមកជួលបន្ទប់លេខ៨ ស្នាក់នៅកាលពីថ្ងៃទី២៨ ខែមីនា ឆ្នាំ២០១៧ ពេលនោះរូបគាត់កំពុងនៅប្រទេសថៃ មិនទាន់បានធ្វើកិច្ចសន្យាជួល និងថតចម្លងលិខិតឆ្លងដែននៅឡើយ។ លុះដល់ថ្ងៃទី២០ មេសា ២០១៧ វេលាម៉ោង ២និង៣០នាទីរសៀល ខណៈដែលគាត់ (ឈួន យ៉េន) កំពុងបោសសម្អាតខាងមុខបន្ទប់ ស្រាប់តែធុំក្លិនស្អុយភាយចេញមកក្រៅ ក៏បង្ហើបបង្អួចមើល ស្រាប់តែឃើញជនរងគ្រោះ (សាកសព) ដេកស្លាប់លើគ្រែ ដោយមានសភាពហើមប៉ោង និងមានរុយរោមបាត់ទៅហើយ។
ជនរងគ្រោះ(សាកសព) មានឈ្មោះ LONNS TROM ROGER ភេទប្រុស អាយុ៤៤ឆ្នាំ ជនជាតិស្វីស កាន់លិខិតឆ្លងដែនលេខ ៩២៣០៥៦៤៥។ ឆ្លងតាមការត្រួតពិនិត្យ និងសន្និដ្ឋានជំហានដំបូងរបស់លោកវេជ្ជបណ្ឌិត សែ ជូសិទ្ធិជោត រួមនឹងសមត្ថកិច្ចបច្ចេកទេសវិទ្យាសាស្ត្រ បានសន្និដ្ឋានថា ជនរងគ្រោះ(សាកសព) ស្លាប់ដោយសារគាំងបេះដូង។ បច្ចុប្បន្ន សាកសព បានបញ្ជូនយកទៅរក្សាទុក បណ្តោះអាសន្ន នៅសាលតម្កល់សព នៃមន្ទីរពេទ្យបង្អែកខេត្តព្រះសីហនុ ដើម្បីដំណើរការនីតិវិធីបន្ត៕
ចែករំលែកព័តមាននេះ