ការដ្ឋានបា.ញ់កិនថ្មមួយកន្លែងក្បែរព្រំដែន មានការតវ៉ាពីប្រជាពលរដ្ឋ
ខេត្តបន្ទាយមានជ័យ ៖ ស្នងការនគរបាលខេត្តដឹកនាំកម្លាំងចុះទៅពិនិត្យការដ្ឋានបា.ញ់ថ្ម និងកិនថ្មមួយកន្លែងក្បែរព្រំដែនកាលពីក្រុមហ៊ុនចិនធ្វើគ្មានការតវ៉ា
ខេត្តបន្ទាយមានជ័យ ៖ ស្នងការនគរបាលខេត្តដឹកនាំកម្លាំងចុះទៅពិនិត្យការដ្ឋានបា.ញ់ថ្ម និងកិនថ្មមួយកន្លែងក្បែរព្រំដែនកាលពីក្រុមហ៊ុនចិនធ្វើគ្មានការតវ៉ា
ខេត្តបន្ទាយមានជ័យ ៖ ស្នងការនគរបាលខេត្តដឹកនាំកម្លាំងចុះទៅពិនិត្យការដ្ឋានបាញ់ថ្ម និងកិនថ្មមួយកន្លែងក្បែរព្រំដែនកាលពីក្រុមហ៊ុនចិនធ្វើគ្មានការតវ៉ា ក្រោយពេលលក់ឲ្យក្រុមហ៊ុនខ្មែរធ្វើតវ៉ាប៉ះពាល់ផ្ទះសម្បែង និងបរិស្ថានកាលពីថ្ងៃទី២០ ខែមេសា ឆ្នាំ២០១៧ ស្ថិតស្រុកម៉ាឡៃ។ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានប្រាប់ថា ក្រោយពេលដែលទទួលបណ្តឹងពីប្រជាពលរដ្ឋបានចោទប្រកាន់ក្រុមហ៊ុនរបស់លោក យឿម គង់ បានបាញ់ថ្មធ្វើឲ្យប៉ះពាល់ផ្ទះសម្បែងប្រជាពលរដ្ឋមានប្រេះស្រាំ និងធ្លុះធ្លាយដំបូលដោយដុះថ្មបាញ់ និងម៉ាស៊ីនកិនថ្មហុយប៉ះពាល់បរិស្ថានដល់ការរស់នៅរបស់បងប្អូនប្រជាពលរដ្ឋរស់នៅក្បែរការដ្ឋាន។
លោកបានបញ្ជាក់ថា ក្រោយទទួលបណ្តឹងលោកបានដឹកនាំកម្លាំងជំនាញសហការជាមួយអាជ្ញាធរមូលដ្ឋាន និងម្ចាស់ការដ្ឋាន និងប្រជាពលរដ្ឋបានចូលរួមពិនិត្យស្ថានភាពទាំងអស់គ្នា តើផលប៉ះពាល់មានកត្តាអ្វីខ្លះ ដែលប្រជាពលរដ្ឋថាប៉ះពាល់នោះ។ ក្រោយពេលចុះពិនិត្យឃើញថា ការដ្ឋាននេះជាការដ្ឋានចាស់របស់ក្រុមហ៊ុនចិនដែលធ្វើសម្រាប់កសាងផ្លូវរួចរាល់ ហើយលក់ឲ្យក្រុមហ៊ុនលោក យឿម គង់។ លោកឧត្តមសេនីយ៍ទោ អាត់ ខែម បានបញ្ជាក់ថាការដ្ឋាននេះកាលពីក្រុមហ៊ុនចិននៅធ្វើមិនដែលមានប្រជាពលរដ្ឋណាមួយប្តឹងតវ៉ាឡើយ រហូតកសាងផ្លូវរួចរាល់ ហើយលក់ឲ្យក្រុមហ៊ុនលោក យឿម គង់ ចាប់ផ្តើមដំណើរការដ្ឋានបាញ់ថ្ម និងកិនថ្ម ប្រជាពលរដ្ឋនាំគ្នាប្តឹងការដ្ឋានដោយចោទថា បាញ់ថ្មប៉ះពាល់ដំបូល និងប្រេះស្រាំផ្ទះសម្បែង ហើយម៉ាស៊ីនកិនថ្មហុយប៉ះពាល់បរិស្ថានទៅវិញ។
លោកបានបញ្ជាក់ថា ក្រោយពេលចុះពិនិត្យឃើញថា ប្រជាពលរដ្ឋដែលប្តឹងម្ចាស់ការដ្ឋានមានអ្នកនៅក្រោយខ្នងញុះញង់ប្រជាពលរដ្ឋដើម្បីមានការតវ៉ាកើតឡើងព្រោះការដ្ឋាននេះកាលក្រុមហ៊ុនចិននៅធ្វើគ្មានការតវ៉ាទើបតែលក់ឲ្យក្រុមហ៊ុនខ្មែរធ្វើប្តឹងតវ៉ាទៅវិញ។ ហើយជាក់ស្តែងថាប៉ះពាលដុំថ្ម និងប្រេះស្រាំផ្ទះគឺកន្លែងធ្វើការរបស់ក្រុមហ៊ុនមានកុំព្យូរទ័រ និងការិយាល័យថ្មដូចជាគ្មានអ្វីប៉ះពាល់ ហើយប្រជាពលរដ្ឋនៅក្បែរផ្ទះភាគតិចច្រើនជាខ្ទូមចាំចំការប្រជាពលរដ្ឋ។
ប្រជាពលរដ្ឋបានបញ្ជាក់ថា មូលហេតុដែលពួកគាត់ប្តឹងតវ៉ាក្រុមហ៊ុនរបស់លោក យឿម គង់ នេះព្រោះក្រុមហ៊ុនមិនគោរពសិទ្ធិរបស់បងប្អូនប្រជាពលរដ្ឋរស់នៅជិតខាងឡើយ ដូចបាញ់ថ្មធ្លាក់ដាក់ដំបូលធ្លាយប្រាប់មិនសង និងការបាញ់ផ្ទុះយកថ្មភ្នំញ័រ បណ្តាលឲ្យប៉ះពាល់ផ្ទះសម្បែងប្រជាពលរដ្ឋមានប្រេះស្រាំ ហើយម៉ាស៊ីនកិនថ្មហុយដាក់ផ្ទះប្រជាពលរដ្ឋប៉ះពាល់បរិស្ថាន សុំឲ្យក្រសួងរ៉ែ និងថាមពលត្រូវបិទអាជ្ញាប័ណ្ណក្រុមហ៊ុនបញ្ឈប់ឲ្យដំណើរការ។
តំណាងក្រុមហ៊ុនការដ្ឋានកិនថ្មបានបញ្ជាក់ថា ការដ្ឋាននេះមានច្បាប់អនុញ្ញាតមានខេត្ត និងក្រសួងជំនាញ ហើយការដ្ឋាននេះទិញធ្វើបន្តពីក្រុមហ៊ុនចិនដែលម៉ៅកសាងផ្លូវដែលរួច។ កាលពីក្រុមហ៊ុននៅធ្វើដូចជាគ្មានការតវ៉ាក្រោយពេលក្រុមហ៊ុនចិនលក់ឲ្យខ្មែរធ្វើមិនទាន់ដំណើរបានប៉ុន្មានផងប្តឹងថាប៉ះពាល់ផ្ទះសម្បែង និងបរិស្ថានទៅវិញ រឿងនេះពិតមានអ្នកនៅក្រោយខ្នងមានការញុះញង់តវ៉ាគឺជាសិទ្ធិរបស់បងប្អូនប្រជាពលរដ្ឋ៕
ចែករំលែកព័តមាននេះ