រន្ធត់! ហោះដល់អាកាស ស្រាប់តែប្រេះកញ្ចក់យន្តហោះ
តាមប្រភពព័ត៌មាន Metro បានឲ្យដឹងថា យន្តហោះឆ្ពោះទៅ Bristol ត្រូវបានបង្ខំចិត្តចុះចតជាបន្ទាន់ បន្ទាប់ពីកញ្ចក់ខាងមុខរបស់អ្នកបើកយន្តហោះប្រេះនៅកណ្តាលអាកាស ដែល
ព័រទុយហ្គាល៖ តាមប្រភពព័ត៌មាន Metro បានឲ្យដឹងថា យន្តហោះឆ្ពោះទៅ Bristol ត្រូវបានបង្ខំចិត្តចុះចតជាបន្ទាន់ បន្ទាប់ពីកញ្ចក់ខាងមុខរបស់អ្នកបើកយន្តហោះប្រេះនៅកណ្តាលអាកាស ដែលមានរយៈកម្ពស់ដល់ទៅ ៣ម៉ឺនហ្វីត។
យន្តហោះរបស់ក្រុមហ៊ុនអាកាសចរ Thomson មកពី Gran Canaria ត្រូវបានបង្ខំចិត្តចុះចតនៅប្រទេសព័រទុយហ្គាល បន្ទាប់ពីមានការខូចខាតទៅលើកញ្ចក់ខាងមុខរបស់យន្តហោះ នៅរយៈកម្ពស់៣ម៉ឺនហ្វីត ហើយចុះមកហោះត្រឹមតែ១ម៉ឺនហ្វីតមុននឹងចុះដល់ដី កាលពីយប់មិញ។
រូបថតដែលគេថតបានបង្ហាញពីស្នាមប្រេះខូចជាច្រើនទៅលើកញ្ចក់មុខនៅកន្លែងបញ្ជាយន្តហោះ។
អ្នកដំណើរម្នាក់បានប្រាប់ Bristol Post ថា៖ «ដោយសារតែកញ្ចក់ខាងមុខរបស់យន្តហោះប្រេះស្រាំ ទើបយន្តហោះទម្លាក់ខ្លួនពីរយៈកម្ពស់៣ម៉ឺនហ្វីត មកត្រឹមតែ១ម៉ឺនហ្វីត មុននឹងចុះចតដល់ដី។ ពួកយើងនៅរង់ចាំអស់រយៈពេល២ម៉ោងហើយ តាំងពីពេលចុះចតមក។ គ្រប់គ្នាមិនមានបញ្ហាអ្វីឡើយ ទាស់តែពួកយើងមានអារម្មណ៍ឆ្អែតនឹងការហោះហើយមួយនេះ ព្រោះថា គេមិនបានប្រាប់យើងឲ្យដឹងច្បាស់ពីមូលហេតុនៃការចុះចត។ គេគ្រាន់តែប្រាប់ថា យន្តហោះមានបញ្ហាដែលធ្វើឲ្យយើងឆ្លេឆ្លាពេញយន្តហោះ»។
ដោយឡែកខាងក្រុមហ៊ុនហោះហើរ Thomson បានប្រាប់មកកាន់ Metro.co.uk ថា៖ «ក្រុមហ៊ុនអាកាសចរណ៍ Thomson សូមអភ័យទោសចំពោះភាពមិនងាយស្រួល របស់អតិថិជនរបស់យើង ដែលបានធ្វើដំណើរតាមជើងហោះហើរលេខ TOM6133 ហោះចេញពី ព្រលានយន្តហោះ Las Palmas ទៅ Bristol។ តែដោយសារតែការប្រេះស្រាំកញ្ចក់ ជើងហោះហើរត្រូវបានចតនោះ ព្រលានយន្តហោះ Porto ក្នុងប្រទេសព័រទុយហ្គាល់។ ទោះបីជាដូច្នេះក៏ដោយ អ្នកដំណើរទាំងអស់បានទៅដល់ Bristol ដោយសុវត្ថិភាពហើយ។ ជាការពិតណាស់ អតិថិជនពិតជាសំខាន់ចំពោះយើងរាល់គ្នា ហើយពួកយើងចង់ប្រាប់ពួកគាត់ថា វាពិតជាករណីមួយយ៉ាងកម្រដែលកើតមានរឿងបែបនេះឡើង»៕
ចែករំលែកព័តមាននេះ