លោកត្រាំ ស្វាគមន៍ការខិតខំប្រឹងប្រែងរបស់ចិន
ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី២០ មេសា បានស្វាគមន៍ការខិតខំប្រឹងប្រែងរបស់ចិន ដើម្បីទប់ការគំរាមកំហែងរបស់កូរ៉េខាងជើង ក្រោយការព្រមានរបស់សារព័ត៌មា
ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី២០ មេសា បានស្វាគមន៍ការខិតខំប្រឹងប្រែងរបស់ចិន ដើម្បីទប់ការគំរាមកំហែងរបស់កូរ៉េខាងជើង ក្រោយការព្រមានរបស់សារព័ត៌មានផ្លូវការកូរ៉េខាងជើងពីការវាយប្រហារបង្ការមហាខ្លាំងក្លាមួយមក ។
ក្នុងឱកាសនៃសន្និសីទសារព័ត៌មានមួយជាមួយប្រមុខរដ្ឋាភិបាលអីុតាលី លោក PAOLO GENTICONI លោកត្រាំ រៀបរាប់ពីចលនាខុសពីទម្លាប់ខ្លាំងមួយចំនួនរបស់ចិនរយៈពេល២ទៅ៣ម៉ោងចុងក្រោយនេះ ហើយលោកជឿជាក់ថា ប្រធានាធិបតីចិន លោកស៊ី ជីនពីង នឹងសាកល្បងធ្វើការគាបសង្កត់ខ្លាំងលើសម្ព័ន្ធមិត្តកូរ៉េខាងជើង ។
បណ្តាអ្នកទទួលខុសត្រូវអាមេរិកអះអាងប្រាប់រ៉យទ័រថា សហរដ្ឋអាមេរិកកំណត់ឃើញសកម្មភាពខុសពីទម្លាប់ថ្មីមួយនៃកងយន្តហោះទម្លាក់គ្រាប់បែកចិន ដែលនោះអាចជាសញ្ញាប្រកាសអាសន្នមួយ ។ ទោះបីយ៉ាងណា អ្នកទទួលខុសត្រូវទាំងនេះបានសម្រាលរបាយការណ៍ទាំងនោះដោយពន្យល់ថា សកម្មភាពបែបនេះរបស់ចិនអាចមកពីមូលហេតុផ្សេងៗដូចជាសមយុទ្ធការពារជាដើម ។
លោកត្រាំ អះអាងថា សហរដ្ឋអាមេរិកផ្តោតខ្លាំងលើកូរ៉េខាងជើង ដោយលោកបន្តថា ប្រធានាធិបតីចិននឹងធ្វើអ្វីៗតាមដែលលោកអាចធ្វើទៅបាន ៕
ចែករំលែកព័តមាននេះ