ត្រីមាសទី1ឆ្នាំនេះ ពន្ធដារប្រមូលចំណូលបានជាង768លានដុល្លារ កើនជាង92%
រាជធានីភ្នំពេញ ៖ នៅក្នុងត្រីមាសទី១ ឆ្នាំ២០១៧នេះ ចំណូលពន្ធអាករគ្រប់ប្រភេទដែលអគ្គនាយកដ្ឋានពន្ធដារប្រមូលបាន មានចំនួន៣.០៧៤ពាន់លានរៀល ស្មើប្រមាណ
រាជធានីភ្នំពេញ ៖ នៅក្នុងត្រីមាសទី១ ឆ្នាំ២០១៧នេះ ចំណូលពន្ធអាករគ្រប់ប្រភេទដែលអគ្គនាយកដ្ឋានពន្ធដារប្រមូលបាន មានចំនួន៣.០៧៤ពាន់លានរៀល ស្មើប្រមាណ
រាជធានីភ្នំពេញ ៖ នៅក្នុងត្រីមាសទី១ ឆ្នាំ២០១៧នេះ ចំណូលពន្ធអាករគ្រប់ប្រភេទដែលអគ្គនាយកដ្ឋានពន្ធដារប្រមូលបាន មានចំនួន៣.០៧៤ពាន់លានរៀល ស្មើប្រមាណ៧៦៨,៦២លានដុល្លារអាមេរិក ស្មើនឹង៤៤,៨០% នៃផែនការ ។ បើធៀបនឹងរយៈពេលដូចគ្នានៅឆ្នាំ២០១៦ ការអនុវត្តប្រមូលចំណូលពន្ធអាករគ្រប់ប្រភេទក្នុងត្រីមាសទី១ឆ្នាំនេះ កើនទ្បើងចំនួន១.៤៧៤,៨៤ពាន់លានរៀល (ប្រមាណ៣៦៨,៧១លានដុល្លារអាមេរិក) ឬស្មើនឹងអត្រាកំណើន៩២,២០% ។ នេះបើយោងតាមសេចក្តីប្រកាសព័ត៌មានរបស់អគ្គនាយកដ្ឋានពន្ធដារ ក្នុងកិច្ចប្រជុំបូកសរុបលទ្ធផលគ្រប់គ្រងប្រមូលចំណូលពន្ធប្រចាំខែមីនា និងប្រចាំត្រីមាសទី១ ឆ្នាំ២០១៧ ដែលរៀបចំនៅសាលាជាតិពន្ធដារ កាលពីព្រឹកថ្ងៃទី២០ មេសា ម្សិលមិញនេះ ។
ថ្លែងនាឱកាសនោះ លោក គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ឲ្យដឹងថា សម្រាប់ខែមីនា ឆ្នាំ២០១៧ អគ្គនាយកដ្ឋានពន្ធដារប្រមូលពន្ធអាករគ្រប់ប្រភេទបានចំនួន ១.៦៦៨.១៧៦,៧៩លានរៀល (ប្រមាណ៤១៧,០៤លានដុល្លារ) ។ ក្នុងត្រីមាសទី១ ឆ្នាំ២០១៧នេះ អគ្គនាយកដ្ឋានពន្ធដារសង្កេតឃើញថា មានការកើនទ្បើងផងដែរនូវចំណូលពន្ធអាករតាមប្រភេទពន្ធ និងសកម្មភាពអាជីវកម្មសំខាន់ៗមួយចំនួនដូចជា ៖ ពន្ធលើប្រាក់ចំណូលកើនទ្បើង៤០,៦០%, ពន្ធលើប្រាក់បៀវត្សកើនទ្បើង៤៩,៤០%, អាករលើតម្លៃបន្ថែមកើនទ្បើង៨០,៧០% និងអាករពិសេសកើនទ្បើង១៧,១២% ។ ចំណែកចំណូលពន្ធអាករតាមសកម្មភាពអាជីវកម្ម ក៏បានកើនទ្បើងស្ទើរគ្រប់ប្រភេទអាជីវកម្មផងដែរ ពិសេស វិស័យផលិតយានយន្ត, កសិកម្ម, ស្រាវជ្រាវ និងរុករករ៉ែ និងវិស័យសិក្សាអប់រំ ។ល។
នៅក្នុងឱកាសនោះដែរ លោកទេសរដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដែលបានអញ្ជើញជាអធិបតី បានផ្តាំផ្ញើដល់មន្ត្រីពន្ធដារទាំងអស់ត្រូវអនុវត្តយ៉ាងខ្ជាប់ខ្ជួននូវតួនាទី និងភារកិច្ចរបស់ខ្លួន ស្របតាមយុទ្ធសាស្ត្រកៀរគរចំណូលរយៈពេលមធ្យម ២០១៤-២០១៨ និងកម្មវិធីកំណែទម្រង់ហិរញ្ញវត្ថុសាធារណៈ ព្រមទាំងច្បាប់ និងបទប្បញ្ញត្តិស្តីពីពន្ធដារ ក្នុងនោះអគ្គនាយកដ្ឋានពន្ធដារបានអនុវត្តការងារកែទម្រង់ដូចជា ១-រដ្ឋបាលសារពើពន្ធ ជាអាទិ ការចុះបញ្ជីអ្នកជាប់ពន្ធ, ការផ្តល់សេវាអ្នកជាប់ពន្ធ, ការចាត់ចែងលិខិតប្រកាស, ការធ្វើសវនកម្ម, ការប្រមូលបំណុលពន្ធ និងបណ្តឹងតវ៉ា, ការពង្រឹងការគ្រប់គ្រងនិងរចនាសម្ព័ន្ធ ការគ្រប់គ្រងធនធានមនុស្ស និង២-គោលនយោបាយសារពើពន្ធ គ្រប់អង្គភាពត្រូវបន្តខិតខំពង្រឹងការអនុវត្តច្បាប់ វិន័យការងារ និងមានភាពទន់ភ្លន់ម៉ឺងម៉ាត់ក្នុងការឆ្លើយតបទៅកាន់អ្នកជាប់ពន្ធ ធ្វើយ៉ាងណាឱ្យអ្នកជាប់ពន្ធសប្បាយចិត្ត មិនសម្តែងការរអ៊ូរទាំ និងផ្តល់កិច្ចសហការល្អក្នុងការបង់ពន្ធជូនរដ្ឋ ៕
ចែករំលែកព័តមាននេះ