ខេត្តរតនគិរី ៖ សមត្ថកិច្ចឃាត់ខ្លួនជនសង្ស័យ៤នាក់ពាក់ព័ន្ធករណីប្រើប្រាស់នូវសារធាតុញៀននឹងបទល្មើសព្រៃឈើនៅវេលាម៉ោង១១នឹង៣០នាទីព្រឹកថ្ងៃទី១៩ ខែមេសា ឆ្នាំ២០១៧ ដែលកម្លាំងចម្រុះបានចុះឡោមព័ទ្ធលំនៅដ្ឋានមួយកន្លែងដែលលាក់ទុកឈើប្រណិតជាច្រើនម៉ែត្រគូប នៅត្រង់ចំណុចដីឡូត៍ខាងកើតវិរ:៧៩ ស្ថិតក្នុងភូមិ អូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ។
លោក ហួត បូរី អធិការនគរបាលក្រុងបានលុងបានឲ្យដឹងនៅរសៀលថ្ងៃទី២០ ខែមេសា ឆ្នា២០១៧ ថាជនសង្ស័យ៤នាក់ដែលនាំខ្លួនពីកន្លែងលាក់ទុកឈើប្រណិតនោះក្រោយពីធ្វើការត្រួតពិនិត្យឃើញថា មានជាប់ពាក់ព័ន្ធករណីប្រើប្រាស់នូវសារធាតុញៀនមួយករណីទៀត ។ ជនសង្ស័យទាំងនោះរួមមាន ៖ ទី១-ឈ្មោះ អន ឆេង ភេទប្រុស អាយុ២៨ ឆ្នាំជនជាតិខ្មែរ ជាកសិករមានសារជាតិញៀន, ទី២-ឈ្មោះ ចាន់ ធា ភេទប្រុស អាយុ២៤ឆ្នាំ ជាកសិករមានសារជាតិញៀន, ទី៣-ឈ្មោះ អន វិឆ័យ ភេទប្រុស អាយុ៣០ឆ្នាំ ជាអ្នកបើកបរឡានដឹកកៅស៊ូអត់ មានសារជាតិញៀនតែជាប់ពាក់ព័ន្ធបទល្មើសព្រៃឈើ អ្នកទាំង៣នាក់មានទីលំនៅភូមិភ្នំស្វាយ សង្កាត់បឹងកន្សែង ក្រុងបានលុង, ទី៤-ឈ្មោះ ហ៊ាន ប៊ុនហៀរ ភេទ ប្រុស អាយុ២៨ឆ្នាំ រស់នៅភូមិ កណ្តាល ឃុំត្រពាំងគរ ស្រុកជើងព្រៃ ខេត្តកំពង់ចាម ជាជាងបាញ់ថ្នាំឡានអត់មានសារជាតិញៀនតែជាប់ពាក់ព័ន្ធបទល្មើសព្រៃឈើ ។
សមត្ថកិច្ចបញ្ជាក់ថា នេះជានីតិវិធីនៃច្បាប់តុលាការទី១-ជាប់ពាក់ព័ន្ធបទល្មើសព្រៃឈើ និងទី២-រកឃើញករណីប្រើប្រាស់នូវសារធាតុញៀនដោយខុសច្បាប់ ។ បច្ចុប្បន្នជនសង្ស័យទាំង៤នាក់កំពុងឃាត់ខ្លួននៅអធិការដ្ឋាននគរបាលក្រុងបានលុងដើម្បីកសាងសំណុំរឿងបញ្ជូនទៅកាន់សាលាដំបូងខេត្តដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ