ខេត្តកំពង់ឆ្នាំង ៖ ក្រោយបុណ្យចូលឆ្នាំថ្មីមិនបានប៉ុន្មានថ្ងៃផងនៅលើផ្លូវជាតិលេខ៥ ត្រង់ភូមិសាស្ត ស្រុករលាប្អៀរ គេសង្កេតឃើញសមត្ថកិច្ចនគរបាលខេត្តកំពង់ឆ្នាំងស្ទាក់ចាប់រថយន្តដឹកសំពីងសំពោងជាច្រើន គ្រឿងដើម្បីឱ្យមកទទួលផាកពិន័យតាមច្បាប់ចរាចរណ៌ និងរើឥវ៉ាន់ចេញដើម្បីដាក់សាងរថយន្តផ្សេងទៀត ទើបឱ្យបន្តទៅមុខទៀត ។ ជាក់ស្តែងនៅព្រឹកថ្ងៃទី២០ ខែមេសា ឆ្នាំ២០១៧ រថយន្តដឹកសំពីងសំពោងចំនួន៨គ្រឿងត្រូវបានសមត្ថកិច្ចនគរបាលខេត្តស្ទាក់ចាប់មកអប់រំ ផាកពិន័យ និងរើឥវ៉ាន់ចេញសាងរថយន្តផ្សេងទៀតទើបបន្តឱ្យធ្វើដំណើរទៅមុខទៀត ។
ជុំវិញការរឹតបណ្តឹងច្បាប់ចរារណ៍នេះដែរលោក ក្រឹង សំណាង នាយរងការិយាល័យចរាចរណ៌ផ្លូវគោកនៃស្នងការដ្ឋានគរបាលខេត្តបានឱ្យដឹងថា ជាគោលការរបស់សមត្ថកិច្ចនគរបាលក្នុងការរឹតបណ្តឹងច្បាប់ចរាចរណ៌ផ្លូវគោកសមត្ថកិច្ចបានដាក់កម្លាំងត្រួតពិនិត្យតាមដងផ្លូវ បើឃើញរថយន្តដឹកសំពីងសំពោងយើងនឹងហៅឃាត់នាំមកកាន់ការិយាល័យហើយធ្វើការអប់រំ ផាកពិន័យ និងឱ្យរើឥវ៉ាន់ដែលសំពីងសំពោងនោះចេញអស់ ទើបឱ្យបន្តដំណើរទៅមុខទៀត តែបើម្ចាស់រថយន្តមិនធ្វើតាមទេយើងនឹងឃាត់រថយន្តនោះទុករយៈពេល៣ ថ្ងៃនិងធ្វើទៅតាមនីតិវិធីច្បាប់ ។ ក្នុងនាមលោកជាមន្ត្រីនគរបាលជំនាញសូមអំពាវនាវដល់អ្នកបើកបរយានយន្តទាំងអស់សូមគោរពច្បាប់ចរាចរណ៌ទាំងអស់គ្នាដោយសូមកុំដឹកសំពីងសំពោង កុំតកន្ទុយ និងកុំដាក់លើដំបូលជាដើម ដែលឱ្យបង្ករឱ្យគ្រោះថ្នាក់ និងសូមចាំថា ពេលកើតគ្រោះថ្នាក់មិនមែនកើតឡើងតែអ្នកដឹកសំពីងសំពោងនោះទេគឺរងគ្រោះដល់អ្នកដែលធ្វើដំណើរផ្សេងទៀត ៕
ចែករំលែកព័តមាននេះ