រាជធានីភ្នំពេញ ៖ ការសម្រេចលុបបំណុលជិត៥ម៉ឺនដុល្លាររបស់តារាសម្តែងស្រីអ្នកនាង សូដា នីតា ពីអ្នកនាង សឿ សុធារ៉ា បានធ្វើអោយមហាជន ជាពិសេសអ្នកសិល្បៈដូចគ្នាបានសម្តែងការអបអរ និងកោតសរសើរនូវទង្វើរបស់អ្នកនាងនាពេលនេះយ៉ាងខ្លាំង។
យ៉ាងណាតារាសម្តែង សូដា នីតា បានបង្ហាញហេតុផលដ៏ចម្បងមួយដែលនាំអោយនាងធ្វើការសម្រេចចិត្តលុបចោលបំណុលដ៏ច្រើនសន្ធឹកសន្ធាប់ពីអ្នកនាង សឿ សុធារ៉ា នាពេលនេះ។ ហេតុផលនោះ គឺដោយសារនាងឃើញការលំបាករបស់អ្នកនាង សឿ សុធារ៉ា កំពុងជួបទុក្ខធំម្តាយស្លា.ប់ ស្ទើរតែគ្មានលុយធ្វើបុណ្យ ហើយក៏កំពុងស្ថិតក្នុងស្ថានភាពគ្រប់គ្រងអារម្មណ៍ខ្លួនឯងស្ទើរមិនបាន ក្រោយជួបទុក្ខផ្ទួនៗបែបនេះ។
តារាសម្តែង សូដា នីតា បានលើកឡើងតាមរយៈសំណេរបង្ហោះតាមហ្វេសប៊ុកបែបនេះថា «ខ្ញុំសុខចិត្តលុបចោលបំណុលទៅប្អូន សឿ សុធារ៉ា មូលហេតុដូចបងប្អូនបានដឹងហើយ ពីការលំបាករបស់គាត់ ហើយក៏ឃើញការរងទុក្ខនៃការបាត់បង់ម្តាយទៀត ខ្ញុំក៏លំបាកដែរ តែឃើញគាត់ក៏លំបាក នាងខ្ញុំយល់អារម្មណ៍មួយនោះខ្លាំងណាស់»។
អ្នកនាងបញ្ជាក់ថា «បើនាងខ្ញុំឃើញសភាពគាត់មិនប្រក្រតី និយាយវិលវ៉ល់ មិនដឹងមុខក្រោយចឹងហើយ នៅទាមទារបំណុលគាត់ទៀត ប្រៀបបីដូចជាបង្ខំអោយគាត់អាចគិតខ្លី រឿងអីផ្សេងទៀតក៏មិនដឹង! ។ មូលហេតុខាងលើនេះ គឺជាដើមហេតុដែលនាងខ្ញុំសុខចិត្ត សំរេចចិត្តប្រកាសលើកលែងបំណុលជិត៥ម៉ឺនដុល្លារ»។
យ៉ាងណាបើតាមតារាសម្តែង សូដា នីតា ថា «នាងអរគុណបងប្អូនទាំងអស់គ្នា ដែលបាន like connect shear ពីការប្រកាសការលើកលែងបំណុលទៅប្អូន សឿ សុធារ៉ា ការពិតនាងខ្ញុំក៏មិនមែនមានអីដែរ ហើយក៏កំពុងពិបាកដែរ រឿងលុយជាច្រើនកន្លងមក (កូនបោ.កតុងទីនមិនសង)»។ នាងបន្តថា «ខ្ញុំរស់នៅពិតជាមានការចែករំលែកពិតមែនទៅមនុស្ស១ចំនួន តែមានមនុស្ស១ចំនួនរស់នៅមិនគិតការចែករំលែកមកខ្ញុំទេ គេរស់គិតមានបាន គិតសល់តែអាត្មាអញ អ្នកណាស្លា.ប់មិនខ្វល់ ខ្វល់តែលុយចូលក្នុងហោប៉ៅគេ ខ្ញុំអត់គិតអត់ចង់បានចឹងទេ ព្រោះស្លា.ប់ទៅអត់បានយកអីទៅទេ មានតែបុណ្យ និងបាប ស្ពាយទៅតាមខ្លួនទទួលកម្មបុណ្យដែលបានសាងតែប៉ុណ្ណោះ»។
ជាការកត់សម្គាល់ កាលពីពេលកន្លងទៅ តារាសម្តែង សូដា នីតា ក៏ធ្លាប់បានទម្លាយពីការអះអាងរបស់អ្នកនាង សឿ សុធារ៉ា ពីការពិបាកចិត្តរហូតចង់សម្លា.ប់ខ្លួន ដោយសារបំណុលរួមរឹត ខណៈពេលដែលរូបនាងបានប្រកាសជាសាធារណៈអោយ សឿ សុធារ៉ា ចេញមុខដោះស្រាយបំណុល មុនពេលនាងមានវិធានការតាមផ្លូវច្បាប់។
រឿងរ៉ាវខាងលើនេះតារាសម្តែង សូដា នីតា បានសរសេរបង្ហោះតាមគណនេយ្យហ្វេសប៊ុកខ្លួនថា «នាងខ្ញុំសូមប្រកាសរកអ្នកនាង សឿ សុធារ៉ា ចេញមុខមកដោះស្រាយជាមួយខ្ញុំជាបន្ទាន់ មុននឹងដីកាកោះហៅ ឬមិនចង់ឲ្យគេទៅអញ្ជើញទៅប៉ុស្ដិ៍ប៉ូលិសដល់កន្លែងថត សូមកុំថាខ្ញុំកាច ព្រោះអ្នកនាងជាមនុស្សមិនទទួលខុសត្រូវ ឆាប់ចេញមុខមកជាបន្ទាន់ បើមិនចង់ល្បីមុនថតរឿងថ្មីចប់! ការទ្រាំរបស់មនុស្ស គឺមានកំណត់អ្នកនាងប្អូន»។
អ្នកនាងបញ្ជាក់ទៀតថា «សឿ សុធារ៉ា ជំពាក់លុយតុងទីនគេ ហើយខ្ចីនាងជិត៤ម៉ឺនដុល្លារទៅសងគេ តែពេលនេះនាងឆាត បែរជាមិនព្រមតប ហើយថានាងកំពុងកើតរោគចិត្ត និងសូមឲ្យរូបនាងដែលជាម្ចាស់បំណុលបំភ្លេចលុយនោះចោលចុះ»។ នាងថា «ខ្ញុំឆាតលែងលើក តេមិនតប មើលមិនឆ្លើយ តែដល់ពេលតបនិយាយថា (បងខ្ញុំកើតរោគចិត្ត មានប័ត្រចេញពីពេទ្យ «លុយបង ខ្ញុំអស់លទ្ធភាពហើយបង ខ្ញុំចង់ឆ្កួត ខ្ញុំចង់សម្លា.ប់ខ្លួន សូមបងបំភ្លេចចោលចុះ»)។
ខាងលើនេះ ជាពាក្យសម្តីដែលអ្នកនាង សឿ សុធារ៉ា បាននិយាយមកកាន់តារាសម្តែង សូដា នីតា ដែលស្ថានភាពនាពេលនោះ ក៏មិនខុសពីស្ថានភាពរបស់អ្នកនាង សឿ សុធារ៉ា នាពេលនេះដែរ ក្នុងពេលអ្នកនាងកំពុងតែវ័ណ្ឌ.កបំណុលដោះមិនទាន់រួចផង ក៏មកជួបទុក្ខធំមួយទៀតដោយម្តាយស្លា.ប់ចំពេលដែលខ្លួនកំពុងគ្មានលុយទៀត។
គួររំលឹកថា ៖ តារាសម្ដែង សូដានីតា ប្រកាសមិនយកបំណុលជិត ៥ម៉ឺនដុល្លារ ពី សឿ សុធារ៉ា ហើយផ្ញើលុយ ៥០ដុល្លារ ចូលបុណ្យសពម្តាយ ៕
ចែករំលែកព័តមាននេះ