ដើរទិញអេតចាយកម្រឆាប់មានពេកប្តូររបរលក់ថ្នាំញៀនវិញម្តង
រាជធានីភ្នំពេញ ៖ ស្ត្រីម្នាក់ជាអ្នកដើរទិញលក់អេតចាយម្នាក់ត្រូវបានសមត្ថកិច្ចខណ្ឌមានជ័យសហការជាមួយសមត្ថកិច្ចប៉ុស្តិ៍ស្ទឹងមានជ័យធ្វើការឃាត់ខ្លួននៅ
រាជធានីភ្នំពេញ ៖ ស្ត្រីម្នាក់ជាអ្នកដើរទិញលក់អេតចាយម្នាក់ត្រូវបានសមត្ថកិច្ចខណ្ឌមានជ័យសហការជាមួយសមត្ថកិច្ចប៉ុស្តិ៍ស្ទឹងមានជ័យធ្វើការឃាត់ខ្លួននៅ
រាជធានីភ្នំពេញ ៖ ស្ត្រីម្នាក់ជាអ្នកដើរទិញលក់អេតចាយម្នាក់ត្រូវបានសមត្ថកិច្ចខណ្ឌមានជ័យសហការជាមួយសមត្ថកិច្ចប៉ុស្តិ៍ស្ទឹងមានជ័យធ្វើការឃាត់ខ្លួននៅចំណុចផ្ទះជួលគ្មានលេខ ស្ថិតតាមបណ្តោយផ្លូវវេងស្រេង ក្នុងភូមិទ្រា៤ សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង១០ព្រឹកថ្ងៃទី២០ ខែមេសា ឆ្នាំ២០១៧ ពាក់ព័ន្ធនឹងការជួញដូរសារធាតុញៀនខុសច្បាប់ ។ ស្ត្រីជាជនសង្ស័យមានឈ្មោះ ស៊ុន ស្រីពៅ អាយុ៣៥ឆ្នាំ មុខរបរដើរទិញលក់អេតចាយស្នាក់នៅផ្ទះជួលទីតាំងឃាត់ខ្លួនមានស្រុកកំណើតនៅស្រុកព្រះស្តេច ខេត្តព្រៃវែង ។
មន្ត្រីនគរបាលឱ្យដឹងថា មុនឈានដល់ការឃាត់ខ្លួនកម្លាំងនគរបាលបានស្រាវជ្រាវតាមដានរហូតទទួលដំណឹងពីទីតាំងរបស់ជនសង្ស័យពិសេសមានការសហការចូលរួមយ៉ាងល្អពីម្ចាស់ផ្ទះជួលទើបនៅវេលាព្រឹកថ្ងៃខែឆ្នាំខាងលើកម្លាំងនគរបាលបានចុះទៅដល់ក្នុងបន្ទប់ជនសង្ស័យ រួចឆែកឆេរក៏ប្រទះឃើញមានថ្នាំញៀន និងឧបករណ៍ប្រើប្រាស់មួយចំនួនទើបសម្រេចឃាត់ខ្លួនស្ត្រីរូបនោះភ្លាមៗបញ្ចូនមកកាន់ប៉ុស្តិ៍រដ្ឋបាលនគរបាលស្ទឹងមានជ័យដើម្បីសាកសួរនាំបន្ថែម ។
ក្នុងការចាប់ខ្លួនសមត្ថកិច្ចរកឃើញមានថ្នាំញៀនក្រាមសថ្លាហៅម៉ាទឹកកកចំនួន២កញ្ចប់ធំ ឧបករណ៍ប្រើប្រាស់២កំប្លេរ ជញ្ចីងថ្លឹង១គ្រឿង និងថង់សម្រាប់វេចខ្ចប់មួយចំនួនធំផងដែរ ។ បច្ចុប្បន្នជនសង្ស័យរួមជាមួយវត្ថុតាងត្រូវបានឃុំខ្លួនបណ្តោះអាសន្ននៅប៉ុស្តិ៍នគរបាលមូលដ្ឋានរងចាំកសាងសំណុំរឿងបញ្ចូនទៅសាលាដំបូងរាជធានីភ្នំពេញដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ