ខេត្តកំពង់ស្ពឺ ៖ បុរសម្នាក់ដែលគេស្គាល់ថា ជាមេការដើរប្រមូលទិញឈើប្រណីតពីប្រជាពលរដ្ឋ ក៏ដូចជាក្រុមឈ្មួញតូចតាចនៅខេត្តពោធិ៍សាត់ និងខេត្តកំពង់ស្ពឺ ឱ្យមេឈ្មួញធំៗប្រចាំខេត្តកំពង់ស្ពឺ យកទៅលក់បន្តនៅ
ខេត្តកំពង់ស្ពឺ ៖ បុរសម្នាក់ដែលគេស្គាល់ថា ជាមេការដើរប្រមូលទិញឈើប្រណីតពីប្រជាពលរដ្ឋ ក៏ដូចជាក្រុមឈ្មួញតូចតាចនៅខេត្តពោធិ៍សាត់ និងខេត្តកំពង់ស្ពឺ ឱ្យមេឈ្មួញធំៗប្រចាំខេត្តកំពង់ស្ពឺ យកទៅលក់បន្តនៅក្រៅប្រទេសនោះ ត្រូវបានសមត្ថកិច្ចឃាត់ខ្លួនតាមអំណាចដីការបស់តុលាកាហើយ ។
ការឃាត់ខ្លួនមេការដើរប្រមូលទិញឈើប្រណីតនេះ បានធ្វើឡើងកាលពីវេលាម៉ោង៤និង២០នាទីរសៀលថ្ងៃទី១៩ ខែមេសា នៅម្តុំផ្សារត្រពាំងក្រឡឹង ឃុំគិរីវ័ន ស្រុកភ្នំស្រួច ។
តាមប្រភពពីមន្ត្រីសមត្ថកិច្ចស្រុកភ្នំស្រួច បានឱ្យដឹងថា បុរសជាមេការដែលត្រូវបានឃាត់ខ្លួននេះ ឈ្មោះ វាសនា ផាន់ថានា ហៅស្នា អាយុ៣៣ឆ្នាំ មានទីលំនៅក្នុងភូមិផ្សារកន្ទួត ឃុំសង្កែសាទប ស្រុកឱរ៉ាល់ ។
ប្រភពដដែលបន្តថា ការឃាត់ខ្លួនមេការរូបនេះ គឺយោងតាមដីកាបង្គាប់ឱ្យចាប់ខ្លួនរបស់លោក ស៊ឹង វុទ្ធី ចៅក្រមស៊ើបសួរសាលាដំបូងខេត្ត ពីបទដឹកជញ្ជូនផល-អនុផលព្រៃឈើដោយ
គ្មានលិខិតអនុញ្ញាត និងប្រមូលផល-អនុផលព្រៃឈើដោយគ្មានលិខិតអនុញ្ញាត ។
បន្ទាប់ពីក្រុមសមត្ថកិច្ចបានធ្វើការបង្ក្រាបជាបន្តបន្ទាប់កាលពីពេលកន្លងមក និងធ្វើការស្រាវជ្រាវឃើញថា មានការពាក់ព័ន្ធនឹងឈ្មោះស្នា នេះជាអ្នកដើរប្រមូលទិញ ទើបសាលាដំបូងខេត្ត ចេញដីកាឱ្យចូលខ្លួនដើម្បីសាកសួរ ។ ប៉ុន្តែ ដោយជននេះមិនចូលខ្លួន ទើបចេញដីកាឱ្យចាប់ខ្លួនតែម្តង ដោយឱ្យសមត្ថកិច្ចខេត្តកំពង់ស្ពឺជាអ្នកចាប់ ។
តាមការបង្ហើបឱ្យដឹងថា ក្រុមឈ្មួញបានកាប់ឈើនៅក្នុងតំបន់ដែនជម្រកសត្វព្រៃភ្នំឱរ៉ាល់ ជាតំបន់អភិរក្សនិងការពារដោយព្រះរាជក្រឹត្យ ហើយលោក ខន សុខខុន ជានាយកដែនជម្រកសត្វពេលនេះអត់មានកិត្តិយស អត់មានសមត្ថភាពចាប់ទេ ដេករាប់លុយតែម្តង ៕
ចែករំលែកព័តមាននេះ