កា.ប់ប្រហារចំកញ្ចឹងក សម្លា.ប់ច្រកបាវប្លុងចោល មិនស្គាល់អត្តសញ្ញាណ
ខេត្តពោធិ៍សាត់ ៖ កាលពីព្រឹកថ្ងៃទី១៩ មេសា មានការភ្ញាក់ផ្អើលនៅភូមិព្រៃដំរី ឃុំបឹងខ្នារ ស្រុកបាកាន ដោយសារតែប្រជាពលរដ្ឋបានប្រទះឃើញ
ខេត្តពោធិ៍សាត់ ៖ កាលពីព្រឹកថ្ងៃទី១៩ មេសា មានការភ្ញាក់ផ្អើលនៅភូមិព្រៃដំរី ឃុំបឹងខ្នារ ស្រុកបាកាន ដោយសារតែប្រជាពលរដ្ឋបានប្រទះឃើញ
ខេត្តពោធិ៍សាត់ ៖ កាលពីព្រឹកថ្ងៃទី១៩ មេសា មានការភ្ញាក់ផ្អើលនៅភូមិព្រៃដំរី ឃុំបឹងខ្នារ ស្រុកបាកាន ដោយសារតែប្រជាពលរដ្ឋបានប្រទះឃើញសាកសពបុរសម្នាក់ ត្រូវគេសម្លាប់ច្រកបាវយកទៅប្លុងចោលចម្ងាយប្រមាណ ៣០ម៉ែត្រ ពីផ្លូវគ្រួសក្រហមខាងជើងភូមិ ។ ក្រោយពេលប្រទះឃើញសាកសព សមត្ថកិច្ចគ្រប់ជំនាញបានសហការចុះត្រួតពិនិត្យ និងរកឃើញថា សពមានសភាពស្អុយរលួយ និងមានស្នាមកាប់ត្រង់កញ្ចឹងកពីក្រោយ ។
ទោះបីជាបែបណាជនរងគ្រោះនៅមិនទាន់ត្រូវបានស្គាល់អត្តសញ្ញាណនៅឡើយទេ ក៏ប៉ុន្តែសមត្ថកិច្ចបានសន្និដ្ឋានជាជំហានដំបូងថា ជាអំពើឃាតកម្មយ៉ាងព្រៃផ្សៃ ។ ទោះជាយ៉ាងណាក្តីសមត្ថកិច្ចបាននិងកំពុងធ្វើការស៊ើបអង្កេត ស្រាវជ្រាវលើករណីនេះ ដើម្បីវែកមុខឃាតករ ។
ការសម្លាប់ដោយច្រកសាកសពក្នុងបាវបែបនេះ មិនមែនជាករណីប្លន់សម្លាប់ឡើយ តែជាការសម្លាប់ដោយឃាតកម្មដែលឃាតករអាចមានគម្រោងការមុនរួចមកហើយ ។ សាកសពអាចត្រូវគេសម្លាប់ពីកន្លែងណាមួយ ហើយយកមកប្លុងចោលនៅកន្លែងប្រទះឃើញនេះ រហូតមានសភាពហើមស្អុយរលួយទៅហើយទើបអ្នកស្រុកដឹង ។
តាមប្រភពព័ត៌មានថា នាយប៉ុស្តិ៍នគរបាលរដ្ឋបាលបានប្រាប់អ្នកយកព័ត៌មានថា សពនោះ ជាបុរស អាយុប្រមាណជាង៦០ឆ្នាំ គ្មានសម្លៀកបំពាក់ ត្រូវបានគេសម្លាប់ហើយញាត់ច្រកចូលក្នុងបាវ ។
បើតាមស្ត្រីម្នាក់ជាម្ចាស់ចម្ការឈ្មោះ ឈន កង អាយុ៥២ឆ្នាំ រស់នៅភូមិកើតហេតុខាងលើនិយាយថា កាលពីវេលាម៉ោងប្រហែល៩ព្រឹកថ្ងៃ១១ ខែមេសា គាត់បានឃើញមនុស្សប្រុស៣នាក់ពីចម្ងាយ បើកគោយន្តមួយគ្រឿងមកពីទិសខាងជើងតាមផ្លូវក្រួសក្រហម មកឈប់ក្បែរក្បាលដីចម្ការរបស់គាត់ត្រង់កន្លែងកើតហេតុនោះ ហើយបោះការុងពណ៌ក្រហមទម្លាក់ចោល ។ បន្ទាប់មក ក៏បើកគោយន្តទៅទិសខាងជើងវិញបាត់ទៅ ខណៈគាត់កំពុងបេះបន្លែនិងមិនបានចាប់អារម្មណ៍ទេ ហើយក៏បានប្រាប់អ្នកភូមិដែរ តែគេក៏មិនចាប់អារម្មណ៍ទៀត។
លុះនៅថ្ងៃកើតហេតុខាងលើ គាត់រួមជាមួយអ្នកភូមិ២នាក់ទៀត ក៏បានមកចម្ការគាត់ ហើយនាំគ្នាទៅមើលការុងដែលគេបោះចោលនោះ។ ពេលស្រាយការុងមើល ក៏ឃើញសពមនុស្ស ទើបមានការភ្ញាក់ផ្អើលដល់សមត្ថកិច្ចជំនាញមកពិនិត្យ ។
មិនទាន់មានប្រភពណាមួយបង្ហើបឱ្យដឹងនៅឡើយទេ តើការសម្លាប់នេះជារឿងគំនុំឬជាការសម្លាប់បំបិទមាត់ ។ មន្ត្រីប៉ូលិសម្នាក់និយាយថា ប្រសិនបើស្គាល់អត្តសញ្ញាណអាចនឹងរកឃាតករឃើញ ។ បើប្រជាជនណាមានបាត់សមាជិកគ្រួសារ អាចទៅទំនាក់ទំនងជាមួយនគរបាលស្រុក ប្រាកដនៅមានពន្លឺមិនខាន ៕
ចែករំលែកព័តមាននេះ