នេនអាយុ១៣ឆ្នាំក្លាយខ្លួនជាជនចាប់រំលោ.ភក្មេងស្រីអាយុ៨ឆ្នាំ
ខេត្តព្រៃវែង ៖ លោកនេនមួយអង្គត្រូវបានចៅអធិការវត្តចាប់បកស្បង់ចីវរផ្សឹកឱ្យទៅជាហីនភេទវិញ(គ្រហស្ថ) បន្ទាប់ពីលួងលោមក្មេងស្រីអាយុ៥ឆ្នាំយកទៅរំលោ.ភ
ខេត្តព្រៃវែង ៖ លោកនេនមួយអង្គត្រូវបានចៅអធិការវត្តចាប់បកស្បង់ចីវរផ្សឹកឱ្យទៅជាហីនភេទវិញ(គ្រហស្ថ) បន្ទាប់ពីលួងលោមក្មេងស្រីអាយុ៥ឆ្នាំយកទៅរំលោភសេពសន្ថវៈតែមិនបានសម្រេចក៏ប្រើម្រាមដៃបៀតបៀនទ្វារមាសរលត់ចេញឈាមធ្វើឱ្យនាងតូចឈឺផ្សារស្រែកយំនៅក្នុងព្រះវិហារកាលពីថ្ងៃទី១៤ មេសា វេលាម៉ោង៣និង៣០នាទីរសៀល ស្ថិតនៅវត្តជ្រោយមានជ័យ ក្នុងឃុំព្រែកតាសរ ស្រុកពោធិ៍រៀង ។
តាមសមត្ថកិច្ចបានឲ្យដឹងថា ក្មេងស្រីរងគ្រោះអាយុ៥ឆ្នាំ រីឯលោកនេនជាប់ចោទឈ្មោះ មឿន លីហឿន អាយុ១៣ឆ្នាំ គង់នៅក្នុងវត្តជ្រោយមានជ័យ ។
លោក ពៅ ជីវី ស្នងការរងខេត្តបានឲ្យដឹងថា នៅមុនពេលកើតហេតុ ក្មេងស្រីរងគ្រោះកំពុងលេងនៅនឹងរោងបុណ្យក្នុងវត្ត ពេលនោះលោកនេនខាងលើបានឱ្យលុយចំនួន៥០០០រៀលទៅទិញប៉េងប៉ោងយកមកផ្លុំលេង ។ នៅពេលទិញប៉េងប៉ោងបានហើយ លោកនេននោះបានហៅក្មេងស្រីរងគ្រោះចូលទៅក្នុងព្រះវិហារដែលជាកន្លែងស្ងាត់ រួចក៏ធ្វេីសកម្មភាពរំលោភសេពសន្ថវៈទៅលើក្មេងស្រី តែការរួមរ័កនោះមិនបានសម្រេចទេក៏យកចង្អុលដៃទៅបៀតបៀនប្រដាប់ភេទក្មេងស្រីរហូតហូរឈាមធ្វើឱ្យនាងតូចឈឺផ្សាក៏បានស្រែកយំ ហើយលោកនេននោះក៏បានរត់គេចចេញពីកន្លែងកេីតហេតុទៅសម្ងំក្នុងកុដិបាត់ ។
ជុំវិញករណីនេះលោកស្នងការរងបានបញ្ជាក់ថា ក្រោយពេលកើតហេតុព្រះសង្ឃក្នុងវត្ត បានចាប់លោកនេននោះផ្សឹករួចប្រគល់ទៅឱ្យអាជ្ញាធរចាត់ការតាមផ្លូវច្បាប់ ។ ប៉ុន្តែដោយសារជនសង្ស័យក៏ស្ថិតនៅក្នុងវ័យអនីតិជន ទើបលោកឆ្លងយោបល់ទៅព្រះរាជអាជ្ញាសិនមុននឹងបន្តនីតិវិធី ។
លោក មាស សុភក្កិ ព្រះរាជអាជ្ញាអមសាលាដំបូងខេត្តព្រៃវែង បានឲ្យដឹងថា ក្នុងករណីនេះជនសង្ស័យនៅក្នុងវ័យ១៣ឆ្នាំជាអនីតិជន ហេតុនេះគឺពុំអាចឃុំខ្លួនបានទេគឺគ្រាន់តែធ្វើការអប់រំហើយដោះលែងឲ្យមានសេរីភាពវិញ ៕
ចែករំលែកព័តមាននេះ