ទីភ្នាក់ងារព័ត៌មានអារ៉ាប៊ី សាអ៊ូឌីត SPA រាយការណ៍ថា ឧទ្ធម្ភាគចក្រធុន BLACK HAWK មួយគ្រឿងរបស់កងទ័ពអារ៉ាប៊ី សាអ៊ូឌីត បានធ្លាក់កាលពីថ្ងៃទី១៨ មេសា នៅយេម៉ែន បណ្តាលឱ្យស្លាប់ទាហាន១២នាក់ជិះក្នុងនោះ ។
គ្រោះថ្នាក់នេះកើតមាននៅខេត្ត MARIB ភាគខាងកើតរដ្ឋធានីសាណា ។ យោងតាមក្រសួងការពារប្រទេសយេម៉ែនថា ឧទ្ធម្ភាគចក្រនេះត្រូវបាញ់ធ្លាក់ដោយសារគ្នាឯងបាញ់ច្រឡំមកពីការខុសឆ្គងនៃការផ្តល់ទិន្នន័យរបស់ផ្នែកការពារអាកាស ។
នេះជាតុល្យការធ្ងន់ធ្ងរបំផុតមួយសម្រាប់កងទ័ពអារ៉ាប៊ីសាអ៊ូឌីត ចាប់តាំងពីខ្លួនចូលប្រឡូកក្នុងសង្គ្រាមប្រឆាំងចលនាស៊ីអីុតហ៊ូធី យេម៉ែនពីខែមីនា ឆ្នាំ២០១៥ មក ដើម្បីប៉ុនប៉ងដណ្តើមអំណាចឱ្យប្រធានាធិបតីយេម៉ែន លោក ABD RABBO MANSOUR HADI វិញ ។ នាឆ្នាំនេះដែរ ទាហានអារ៉ាប៊ី សាអ៊ូឌីត អេមីរ៉ាត់ អារ៉ាប់រួម និងបារ៉ែន ៦០នាក់បានត្រូវស្លាប់ដោយសារមីស៊ីលមួយគ្រាប់បាញ់ចេញដោយពួកហ៊ូធី ប្រឆាំងមូលដ្ឋានយោធាមួយនៅខេត្ត MARIB ដែរ ៕
ចែករំលែកព័តមាននេះ