តិចនាំគ្នាផ្ញើសារ Mark Zuckerburg ទៅកាន់មនុស្ស២៥នាក់ទៅ?
សារមួយអត់ដឹងចេញពីប្រភពណាមកពិតប្រាកដ បានបំពុលពេញហ្វេសប៊ុក សម័យនេះទៅហើយ នៅមានអ្នកចាញ់បោកគេតាមបណ្តាញ
សារមួយអត់ដឹងចេញពីប្រភពណាមកពិតប្រាកដ បានបំពុលពេញហ្វេសប៊ុក សម័យនេះទៅហើយ នៅមានអ្នកចាញ់បោកគេតាមបណ្តាញសង្គមហ្វេសប៊ុកមួយនេះទៀតមែនទេ ? ប្រសិនបើអ្នកបានផ្ញើសារមួយនឹងទៅកាន់មិត្តភក្តិអ្នក ច្បាស់ណាស់អ្នកប្រាកដជាចាញ់បោកគេហើយ ។
សួរថា ចុះបើផ្ញើសារមួយនឹងតើវាខាតបង់អ្វី ? ចំលើយនោះគឺថា វាមិនខាតបង់អ្វីនោះទេសម្រាប់អ្នក ប៉ុន្តែវាអាចចំណេញដល់ជនខិលខូចមួយចំនួនតូច ដែលអាចបង្កប់កូដសម្ងាត់ក្នុងសារ ដើម្បីផលប្រយោជន៍អ្វីមួយ ម្យ៉ាងទៀត ក៏រំខានដល់មិត្តភក្តិយើងបន្តបន្ទាប់គ្នារហូតដល់២៥នាក់ ហើយ២៥នាក់អាចរំខានដល់មនុស្ស៦២៥នាក់ទៀត ។ល។(ឧទាហរណ៍: ចុះបើគិតជាលុយដែលគេកាត់ថ្លៃក្នុងការប្រើអ៊ីនធើណែតម្នាក់៣សេន គុណនឹង៣៩០,៦២៥នាក់ ស្មើ១១៧,១៨.៧៥ដុល្លារ ។ល។និង។ល។)
សូមជម្រាបថា បើអ្នកលេង ឫមិនលេងលើបណ្តាញសង្គមហ្វេសប៊ុក ប្រព័ន្ធប្រតិបត្តិការវាដឹងច្បាស់ណាស់ វាអាចអោយយើងដឹងតាម Notifications គណនីយើងផ្ទាល់ មិនចាំបាច់ដល់លោក Mark Zuckerburg ផ្ញើសារអោយយើង ហើយប្រាប់អោយយើងផ្ញើសារតៗគ្នារហូតដល់២៥នាក់នោះទេ យឺតណាស់។
មួយវិញទៀត បើថា មានអ្នកលេងច្រើនវាដំណើរការយឺតនោះ សូមបញ្ជាក់ថា មជ្ឍមណ្ឌលដែលផ្ទុកទិន្នន័យមកពីទូទាំងពិភពលោករបស់ហ្វេសប៊ុក គឺស្ថិតនៅកន្លែងដែលត្រជាក់បំផុតក្នុងពិភពលោក មិនអាចដូចតាមតែការនឹកស្មាននោះឡើយ ។
ដោយស្ថិតនៅជាយម្ខាងនៃតំបន់ត្រជាក់បំផុត Arctic Circle ក្រុង Lulea ប្រទេស Sweden មជ្ឍមណ្ឌលផ្ទុកទិន្នន័យរបស់ហ្វេសប៊ុក ចុងក្រោយបង្អស់(មួយកន្លែង) ត្រូវបានរត់ដោយថាមពលអគ្គីសនី ជាមួយនឹងការទាញថាមពលពីកង្ហារខ្យល់ ស្របពេលដែលសីតុណ្ណភាពតំបន់នោះត្រជាក់ផង រាល់បន្ទប់ក្នុងមជ្ឍមណ្ឌលផ្ទុកទិន្នន័យទាំងមូល មានសីតុណ្ហភាពល្មម បើទោះបីជា Server ទាំងអស់បានបញ្ជេញកម្តៅព្រមៗគ្នាក៏ដោយ ។ លើសពីនេះរាល់សម្ភារៈទាំងអស់ អាចដំណើរការដោយខ្លួនឯងសារជាថ្មីបាន ពោលគឺមិនចាំបាច់មានមនុស្សច្រើនដើម្បីអង្គុយមើលឡើយ ៕
សូមផ្ញើអត្ថបទកោះសន្តិភាពមួយនេះទៅមនុស្ស២៥នាក់ ដែលអ្នកបានផ្ញើសារអោយមុននេះផង កុំអោយចាញ់បោកគេទៀត អរគុណ!!!
ចែករំលែកព័តមាននេះ