បន្ទាប់ពីទទួលភាពជោគជ័យខ្លាំងនៅរាជធានីភ្នំពេញជាច្រើនឆ្នាំមកនោះ មជ្ឈមណ្ឌលកែសម្ផស្ស «ឌែរម៉ូគ្លីនិក» ដែលជាគ្លីនិកមួយ មានតារាៗឧស្សាហ៍ទៅថែរក្សាសម្ផស្ស ក៏ដូចជាកែសម្ផស្ស បានប្រកាសបើកសាខាថ្មីរបស់ខ្លួនមួយទៀត នៅក្នុងខេត្តសៀមរាប ក្រោមទុនវិនិយោគជាង១លានដុល្លារ ។
កាលពីថ្ងៃទី១០ មេសា កន្លងទៅ លើទឹកដីខេត្តសៀមរាប ម្ចាស់គ្លីនិកធ្វើពិធីក្រុងពាលី ជួសជុលសាងសង់លើផ្ទះវីឡាមួយកន្លែង និងយកអំណោយមួយចំនួនទៅចែកដល់ពលរដ្ឋក្រីក្រជិត១០០គ្រួសារផងដែរ ។ តាមការលើកឡើងពីអ្នកស្រីហូវ ដាណេ ជាអគ្គនាយិកា មជ្ឈមណ្ឌលកែសម្ផស្សដែលស្ថិតនៅលើទឹកដីសៀមរាបនេះ ក៏ព្រោះតែគាត់សម្លឹងឃើញថា ប្រជាជនក្នុងខេត្តមួយនេះមានសេដ្ឋកិច្ចធូរធាខ្លាំង រស់នៅបែបស៊ីវិល័យ មិនចាញ់អ្នកនៅរាជធានីភ្នំពេញនោះឡើយ ហើយម្យ៉ាងទៀត ដោយមានសំណូមពរច្រើនពីអតិថិជនតែម្ដង។
បន្ទាប់ពីធ្វើការជួសជុល និងនាំមកឧបករណ៍មកបំពាក់រួច នឹងបើកសម្ពោធក្នុងអំឡុង៣ខែបន្ទាប់ ។ ទីតាំង និងការបំពាក់ឧបករណ៍ ក៏ដូចជាគ្រូពេទ្យជំនាញ អ្នកស្រី ហូវ ដាណេ បញ្ជាក់ប្រាប់ថា មិនចាញ់ឌែរម៉ូគ្លីនិកនៅភ្នំពេញឡើយ។
ចែករំលែកព័តមាននេះ