ផ្ទះ២ខ្នងនៅក្បែរស្ថានីយអគ្គិសនីខេត្តបន្ទាយមានជ័យ ត្រូវបានភ្លើងឆាបឆេះ
ខេត្តបន្ទាយមានជ័យ ៖ យ៉ាងហោចណាស់ផ្ទះចំនួន២ខ្នងធ្វើអំពីឈើលើប្រក់ស័ង្កសី ថ្មក្រោម ដែលមានទំហំប្រហែល១២ម៉ែត្រគុណ៦ម៉ែត្រ ស្ថិតនៅផ្លូវលេខ៤
ខេត្តបន្ទាយមានជ័យ ៖ យ៉ាងហោចណាស់ផ្ទះចំនួន២ខ្នងធ្វើអំពីឈើលើប្រក់ស័ង្កសី ថ្មក្រោម ដែលមានទំហំប្រហែល១២ម៉ែត្រគុណ៦ម៉ែត្រ ស្ថិតនៅផ្លូវលេខ៤
ខេត្តបន្ទាយមានជ័យ ៖ យ៉ាងហោចណាស់ផ្ទះចំនួន២ខ្នងធ្វើអំពីឈើលើប្រក់ស័ង្កសី ថ្មក្រោម ដែលមានទំហំប្រហែល១២ម៉ែត្រគុណ៦ម៉ែត្រ ស្ថិតនៅផ្លូវលេខ៤ ស្ថិតក្នុងភូមិសូភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ជាប់នឹងរបងខាងក្រោយ ស្ថានីយអគ្គិសនីខេត្ត ត្រូវបានអគ្គិភ័យឆាបឆេះអស់ទាំងស្រុង ខណៈដែលកូនម្ចាស់ផ្ទះបានកំពុងធ្វើត្រាក់ទ័រនៅខាងមុខផ្ទះ ដំបូងភ្លើងបានផ្តើមឆេះចេញពីផ្ទះរបស់ឈ្មោះ សួន ចន្ធី ហៅហោ ភេទប្រុស អាយុ៦៥ឆ្នាំ។
ហេតុការណ៍អគ្គិភ័យបង្កឲ្យមានការភ្ញាក់ផ្អើលនេះ បានកើតឡើងនៅវេលាម៉ោង២និង១០នាទីរសៀល ថ្ងៃទី១៨ ខែមេសា ឆ្នាំ២០១៧ ហើយបន្ទាប់មកភ្លើងបានរាលដាលបង្កឲ្យឆាបឆេះផ្ទះវីឡាមួយខ្នងទៀតនៅក្បែរជាប់គ្នា អស់ផ្នែកខាងលើមួយចំនួន ផ្ទះវីឡាម្ចាស់ជាអ្នកទទួលធ្វើម្ហូបការ និងបុណ្យ ឈ្មោះ ជា គុយឡេង ហៅតាដាវ ភេទប្រុសអាយុ៥០ឆ្នាំ។ ប៉ុន្តែត្រូវបានរថយន្តពន្លត់អគ្គិភ័យរបស់ស្នងការដ្ឋានខេត្តបន្ទាយមានជ័យចំនួន៣គ្រឿង ដឹកនាំបញ្ជាកម្លាំងផ្ទាល់ដោយលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានចេញទៅជួយធ្វើអន្តរាគមន៍បាញ់ទឹកពន្លត់ភ្លើងរារាំងមិនឱ្យបន្តទៅរាលដាល់ឆាបឆេះផ្ទះវីឡាមួយខ្នងនោះបន្ថែមទៀតឡើយ។
ជាងនេះទៅទៀតរថយន្តពន្លត់អគ្គិភ័យក៏បានបាញ់ទឹកទប់ស្កាត់មិនឱ្យភ្លើងបន្តរាលដាលទៅឆាបឆេះស្ថានីយអគ្គិសនីខេត្តបន្ទាយមានជ័យ ដែលស្ថិតនៅក្បែរកន្លែងកើតហេតុនោះផងដែរ។ អគ្គិភ័យនេះត្រូវបានបាញ់ទឹកពន្លត់ដោយប្រើប្រាស់ពេលវេលាជិត១ម៉ោងទើបទប់ទល់ស្ថានការណ៍បានភ្លើងរលត់ទាំងស្រុង ក្នុងនោះត្រូវចំណាយទឹកអស់ប្រហែលជា១០រថយន្ត។ បើតាមប្រភពព័ត៌មាននៅកន្លែងកើតហេតុឱ្យដឹងថា អគ្គិភ័យនេះមិនបង្កឱ្យមានគ្រោះថ្នាក់បាត់បង់អាយុជីវិតម្ចាស់ផ្ទះ ឬប្រជាពលរដ្ឋណាម្នាក់នោះឡើយ។ បើតាមប្រភពព័ត៌មានអ្នកឃើញហេតុការណ៍ប្រាប់ឲ្យដឹងថា មុនពេលដែលកើតហេតុគេឃើញកូនម្ចាស់ផ្ទះម្នាក់ពិការជើងបានកំពុងជួសជុលត្រាក់ទ័រនៅខាងមុខផ្ទះ។
លុះបន្ទាប់មកស្រាប់តែមានភ្លើងផ្សែងចាប់ផ្តើមឆេះចេញពីក្នុងផ្ទះផ្នែកខាងលើ ហើយក៏បន្តឆាបឆេះយ៉ាងសន្ធោសន្ធៅ មិនអាចទប់ស្កាត់ស្ថានការណ៍បានភ្លើងឆេះកាន់តែខ្លាំង។ បង្កឱ្យមានការភ្ញាក់ផ្អើលដល់អ្នកជិតខាង នៅក្នុងតំបន់នោះ នាំគ្នាចេញជួយអន្តរាគមន៍បាញ់ទឹកពន្លត់ផងដែរ ប៉ុន្តែមិនអាចទប់ស្កាត់ភ្លើងដែលកំពុងតែឆាបឆេះបាននោះឡើយ។ មិនតែប៉ុណ្ណោះគេឃើញម្ចាស់ផ្ទះ និងប្រជាពលរដ្ឋក៏បានរំដោះត្រាក់ទ័រ១គ្រឿងចេញពីផ្ទះកន្លែងកើតហេតុ និងរំដោះប្រេងម៉ាស៊ូតចំនួន៣ហ្វុយចេញមកខាងក្រៅផងនោះទៀត។
ម្ចាស់ផ្ទះរងគ្រោះត្រូវបានសមត្ថកិច្ចប្រាប់ឱ្យដឹងថា មានឈ្មោះ សួន ចន្ធី ហៅហោ ភេទប្រុស អាយុ៦៥ឆ្នាំ រស់នៅភូមិសង្កាត់ខាងលើផ្ទះទំហំ៦ម៉ែត្រគុណ១២ម៉ែត្រ ធ្វើអំពីលើប្រក់ស័ង្កសី ថ្មក្រោមផងដែរខូចខាតអស់ទាំងស្រុង រួមទាំងទ្រព្យសម្បត្តិ។ ចំណែកម្ចាស់ផ្ទះវីឡារងការឆាបឆេះផ្នែកខាងលើ មានឈ្មោះ តា ដាវ ភេទប្រុស អាយុប្រហែលជាង៥០ឆ្នាំ ត្រូវភ្លើងឆាបឆេះអស់ជញ្ជាំង១ចំហៀង ទ្រព្យសម្បត្តិនៅមិនទាន់ដឹង។ អគ្គិភ័យនេះបើតាមសមត្ថកិច្ចសន្និដ្ឋានជាជំហានដំបូងអាចបង្កឡើងដោយការទុស្សេខ្សែភ្លើង ប៉ុន្តែសមត្ថកិច្ចនៅបន្តស្រាជ្រាវស៊ើបអង្កេតបន្ថែមទៀត ដើម្បីរកមូលហេតុឲ្យពិតប្រាកដ៕
ចែករំលែកព័តមាននេះ