លោកយាយអាយុវែងជាងគេលើលោកបានលាចាកលោកហើយ
អ៊ីតាលី ៖ តាមប្រភពព័ត៌មាន Metro បានឲ្យដឹងថា លោកយាយដែលមានអាយុច្រើនជាងគេលើលោក បានទទួលមរណភាពនៅក្នុងជន្មាយុ១១៧ឆ្នាំ។
លោកយាយ Emma Morano ដែលគេជឿថា
អ៊ីតាលី ៖ តាមប្រភពព័ត៌មាន Metro បានឲ្យដឹងថា លោកយាយដែលមានអាយុច្រើនជាងគេលើលោក បានទទួលមរណភាពនៅក្នុងជន្មាយុ១១៧ឆ្នាំ។
លោកយាយ Emma Morano ដែលគេជឿថា ជាមនុស្សកើតនៅខ្ទង់ឆ្នាំ១៨០០ ចុងក្រោយគាត់ដែលនៅមានជីវិតបានលាចាកលោកនៅក្នុងផ្ទះរបស់លោកយាយនាប្រទេសអ៊ីតាលីភាគខាងជើង។
លោកយាយនេះហើយដែលជាធ្លាប់ប្រាប់យើងទាំងអស់គ្នាពីរឿងសម្ងាត់នៃការធ្វើឲ្យអាយុវែង។ លោកយាយពិសារស៊ុតឆៅពីរគ្រាប់ជារៀងរាល់ថ្ងៃ។
លោកវេជ្ជបណ្ឌិត Carlo Bava ដែលជាវេជ្ជបណ្ឌិតមើលថែលោកយាយអស់ជាងមួយភាគបួននៃសតវត្សទៅហើយនោះ បានប្រាប់ថា លោកយាយប៉ុន្មានសប្តាហ៍នេះ សម្រាន្តយូរៗជាងធម្មតា ហើយមិនសូវនិយាយស្តីទេ។ តែលោកយាយនៅតែទទួលទានស៊ុតពីរគ្រាប់ដដែលជារៀងរាល់ថ្ងៃ។
លោកយាយ Morano ដែលមានថ្ងៃខែឆ្នាំកំណើតនៅថ្ងៃទី២៩ ខែវិច្ឆិកា ឆ្នាំ១៨៩៩ រស់នៅក្នុងអាផាតមិនដែលមានមួយបន្ទប់ ជាមួយនឹងអ្នកមើលថែម្នាក់ និងក្មួយស្រីមានវ័យចំណាស់ពីរនាក់ទៀត។
លោកវេជ្ជបណ្ឌិត Bava មានប្រសាសន៍ថា៖ «លោកយាយមិនមានភាពឈឺចាប់អ្វីទេ មុនពេលទទួលមរណភាព។ ខ្ញុំសប្បាយចិត្តណាស់ នៅពេលឃើញលោកយាយស្លាប់ដោយមិនពិបាកវេទនាបែបនេះ»៕
ចែករំលែកព័តមាននេះ