កីឡាការិនីអ៊ុក ស្រីមុំ ដណ្ដើមបានមេដាយមាសពិភពលោក
រាជធានីភ្នំពេញ ៖ ពិតជាមោទនភាពខ្លាំងណាស់នៅពេលកីឡាការិនីប៉េតង់កម្ពុជា អ៊ុក ស្រីមុំ ដណ្ដើមបានមេដាយមាសពិភពលោក១គ្រឿងពីព្រឹត្តិការណ៍ Championship Petanque 2017 នៅទីក្រុង
រាជធានីភ្នំពេញ ៖ ពិតជាមោទនភាពខ្លាំងណាស់នៅពេលកីឡាការិនីប៉េតង់កម្ពុជា អ៊ុក ស្រីមុំ ដណ្ដើមបានមេដាយមាសពិភពលោក១គ្រឿងពីព្រឹត្តិការណ៍ Championship Petanque 2017 នៅទីក្រុង
រាជធានីភ្នំពេញ ៖ ពិតជាមោទនភាពខ្លាំងណាស់នៅពេលកីឡាការិនីប៉េតង់កម្ពុជា អ៊ុក ស្រីមុំ ដណ្ដើមបានមេដាយមាសពិភពលោក១គ្រឿងពីព្រឹត្តិការណ៍ Championship Petanque 2017 នៅទីក្រុង Ghent ប្រទេសបែលហ្ស៊ិកកាលពីថ្ងៃទី១៦ មេសា កន្លងមកនេះ ។
លោក ហ៊ុន សាមុត ប្រធាននាយកដ្ឋានអប់រំកាយ និងកីឡាដែលជាអ្នកដឹកនាំក្រុមកីឡាប៉េតង់កម្ពុជាទៅចូលរួមប្រកួតឱ្យដឹងថា ក្នុងព្រឹត្តិការណ៍នេះកីឡាការិនីកម្ពុជា អ៊ុក ស្រីមុំ ដណ្ដើមបានមេដាយមាស១គ្រឿងលើវិញ្ញាសាឯកត្តជននារីវាយយកពិន្ទុ និងកីឡាករ ញ៉ែម បូរ៉ា និងកីឡាការិនី ស្រ៊ាង សុរ៉ាឃីម ដណ្ដើមបានមេដាយប្រាក់១គ្រឿងលើវិញ្ញាសាប្រកួតជាគូ ។ នៅក្នុងការប្រកួតវគ្គជម្រុះបឋមដែលមានប្រទេសជាង៤០ចូលរួមនោះ អ៊ុក ស្រីមុំ ដែលជាកីឡាការិនីកម្ពុជាដំបូងគេដណ្ដើមបានមេដាយមាសពីការប្រកួតកីឡាស៊ីហ្គេមនាពេលកន្លងមកបានយកឈ្នះកីឡាការិនីម៉ាដាកាស្កា១០ទល់៩ បន្ទាប់មកយកឈ្នះកីឡាការិនីមកពីកោះ Jersey ៩ទល់៨ និងឈ្នះកីឡាការិនីកាណាដា១៣ ទល់១១ ។ នៅវគ្គ១៦នាក់ចុងក្រោយ អ៊ុក ស្រីមុំ បានយកឈ្នះកីឡាការិនី Noon Geffenblad មកពីប្រទេសស៊ុយអែត១៣ ទល់១០ ។ នៅវគ្គ៨នាក់ចុងក្រោយបានយកឈ្នះកីឡាការិនី Rosario INES Lzon មកពីប្រទេសអេស្ប៉ាញ ១៣ ទល់១០ ។ នៅវគ្គពាក់កណ្ដាលផ្ដាច់ព្រ័ត្របានយកឈ្នះកីឡាការិនីបារាំង Audrey Baudiera ១៣ ទល់១២ និងវគ្គផ្ដាច់ព្រ័ត្របានយកឈ្នះកីឡាការិនី Mouna Beji មកពីប្រទេសទុយនេស៊ី១៣ទល់៧ ។
លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជាមានប្រសាសន៍ថា កីឡាការិនី អ៊ុក ស្រីមុំ ត្រូវបានសម្ដេចអគ្គមហាសេនាបតីតេជោហ៊ុន សែន ផ្ដល់ម៉ូតូ.សចំនួន១២គ្រឿងទៅដង្ហែជាកិត្តិយសពីអាកាសយានដ្ឋានអន្តរជាតិភ្នំពេញមកកាន់ទីស្នាក់ការគណៈកម្មាធិការជាតិអូឡាំពិកកម្ពុជា។ ជាមួយគ្នានេះសម្ដេចតេជោនឹងរកឱកាសសមស្របណាមួយដើម្បីជួបផ្ដល់រង្វាន់លើកទឹកចិត្តដល់កីឡាការិនីម្ចាស់មេដាយមាសពិភពលោករូបនេះទៀតផង ។
គួរបញ្ជាក់ថា កីឡាការិនី អ៊ុក ស្រីមុំ ជាអ្នកទី៣ហើយដែលដណ្ដើមបានមេដាយមាសពិភពលោកជូនប្រទេសកម្ពុជាយើងលើប្រភេទកីឡាប៉េតង់នេះ បន្ទាប់ពីកីឡាការិនី កែ ឡេង និងកីឡាករ សុខ ចាន់មាន ៕
ចែករំលែកព័តមាននេះ