កម្លោះចាស់ម្នាក់អត់បើកទ្វារលក់ដូរ២ថ្ងៃ លុះបងប្អូន មិត្តភក្តិឆ្ងល់នាំគ្នាទៅមើលដល់ទីតាំង ឃើញយ៉ាងរន្ធ.ត់
- ភ្នំពេញ
រាជធានីភ្នំពេញ ៖ កម្លោះចាស់ម្នាក់ជាអាជីវករលក់សម្លៀកបំពាក់និងស្បែកជើង អត់បើកទ្វារ
រាជធានីភ្នំពេញ ៖ កម្លោះចាស់ម្នាក់ជាអាជីវករលក់សម្លៀកបំពាក់និងស្បែកជើង អត់បើកទ្វារ
រាជធានីភ្នំពេញ ៖ កម្លោះចាស់ម្នាក់ជាអាជីវករលក់សម្លៀកបំពាក់និងស្បែកជើង អត់បើកទ្វារលក់ដូរអស់រយៈពេល២ថ្ងៃកន្លងមកហើយ ចំណែកបងប្អូននិងមិត្តភក្ដិបានទូរស័ព្ទចូលដែរ ប៉ុន្តែអត់លើកសោះ ដោយមានការងឿងឆ្ងល់ បងប្អូននិងមិត្តភក្ដិបាននាំគ្នាទៅមើលដល់ទីតាំងលក់ដូរខាងលើ និងបានប្ដឹងនគរបាលឲ្យជួយអន្តរាគមន៍គាស់ទ្វារចូលទៅមើល ស្រាប់តែឃើញជនរងគ្រោះដេកស្លា.ប់បាត់ទៅហើយ។
ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង១១ព្រឹកថ្ងៃទី១ ខែវិច្ឆិកា ឆ្នាំ២០២២ នៅចំណុចផ្ទះជួល ស្ថិតនៅក្នុងភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
បុរសរងគ្រោះឈ្មោះសាន់ សឿន អាយុ៣៨ឆ្នាំ ជាកម្លោះចាស់ មុខរបរអាជីវករលក់សម្លៀកបំពាក់និងស្បែកជើង មានស្រុកកំណើតនៅភូមិព្រែករៃ ឃុំព្រែករៃ ស្រុកល្វាឯម ខេត្តកណ្ដាល និងបានមកស្នាក់នៅរកស៊ីនៅចំណុចផ្ទះកើតហេតុខាងលើ។
សាច់ញាតិបុរសនោះបាននិយាយថា បុរសខាងលើគឺជាកម្លោះចាស់ពុំទាន់មានប្រពន្ធនិងកូននៅឡើយ ហើយបានចាកចេញពីស្រុកកំណើតមកស្នាក់នៅផ្ទះជួលកើតហេតុប្រកបរបរលក់សម្លៀកបំពាក់និងស្បែកជើង ។ ដោយឡែករយៈពេល២ថ្ងៃចុងក្រោយនេះ ពុំបានឃើញបុរសរងគ្រោះបើកទ្វារលក់ដូរសោះ ហើយទូរស័ព្ទចូលក៏អត់លើកទៀត ជាហេតុធ្វើឲ្យបងប្អូនមិត្តភក្ដិរួមជាមួយអ្នកជិតខាងមានការងឿងឆ្ងល់យ៉ាងខ្លាំង។
តាមប្រភពដដែលបានប្រាប់ឲ្យដឹងបន្តទៀតថា ពេលនោះបងប្អូនមិត្តភក្ដិបានប្ដឹងនគរបាលប៉ុស្តិ៍ចោមចៅទី៣ ឲ្យជួយអន្តរាគមន៍គាស់ទ្វារចូលមើល ស្រាប់តែប្រទះឃើញដេកស្លា.ប់បាត់ទៅហើយ ទើបបង្កឲ្យមានការភ្ញាក់ផ្អើល ។ បន្ទាប់នគរបាលប៉ុស្តិ៍ចោមចៅទី៣និងនគរបាលខណ្ឌពោធិ៍សែនជ័យ បានរាយការណ៍បន្តទៅកាន់នគរបាលការិយាល័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញចុះទៅពិនិត្យកោដល្យវិច័្ចយ ។
ទោះបីបែបណា នគរបាលពុំទាន់អះអាងឲ្យដឹងថា បុរសរូបនោះស្លា.ប់ដោយសារមូលហេតុអ្វីច្បាស់លាស់នៅឡើយទេ ប៉ុន្តែបើតាមការសន្និដ្ឋានជំហ៊ានដំបូងសង្ស័យថា ស្លា.ប់ដោយសារខ្យល់គរ៕
ចែករំលែកព័តមាននេះ