កូរ៉េខាងជើង ៖ តាមប្រភពពី stuff.co.nz បានឱ្យដឹងថា ការបង្ហោះមីស៊ីលរបស់កូរ៉េខាងជើងកាលពីប៉ុន្មានថ្ងៃមុន ដែលត្រូវបានផ្ទុះភ្លាមៗ មុនពេលទៅដល់គោលដៅ អាចបណ្តាលមកពីការដាក់កម្មវិធីបញ្ជាសម្ងាត់របស់អាមេរិក ។ ការធ្វើតេស្តមីស៊ីល និងការដង្ហែក្បួនកងទ័ពរបស់កូរ៉េខាងជើង កាលពីចុងសប្តាហ៍កន្លងមកថ្មីៗនេះ បានធ្វើឲ្យអន្តរជាតិមានការព្រួយបារម្ភជាខ្លាំង។
ទីប្រឹក្សាសន្តិសុខជាតិរបស់អាមេរិកបានថា រដ្ឋវ៉ាស៊ីនតោនកំពុងតែចាប់ដៃជាមួយប្រទេសចិន ក្នុងការទប់ស្កាត់កម្មវិធីបង្ហោះមីស៊ីលរបស់កូរ៉េខាងជើង ។ ទីក្រុងព្យុងយ៉ាងបានចំណាយពេលចុងសប្តាហ៍បង្អួតការបង្ហោះមីស៊ីលរបស់ខ្លួន ជាមួយនឹងការដង្ហែក្បួនទ័ពយ៉ាងគគ្រឹកគគ្រែង។
តែអ្វីដែលនឹកស្មានមិនដល់នោះ គឺគ្រាប់មីស៊ីលបានផ្ទុះក្រោយពេល៤ ទៅ៥វិនាទី បន្ទាប់ពីបានបង្ហោះភ្លាម ។ វាពិតជាធ្វើឲ្យប្រទេសនេះ មានភាពខ្មាស់អៀនមែនទែន។
លោក Malcolm Rifkind ដែលជាអតីតរដ្ឋមន្ត្រីការបរទេសរបស់អាមេរិក បានប្រាប់មក BBC ថា៖ «ការអាក់ខានមកបានបង្ហោះដល់គោលដៅនេះ អាចបណ្តាលមកពីកំហុសបច្ចេកទេស។ តែមនុស្សភាគច្រើនជឿថា វាមកពីស្នាដៃរបស់អាមេរិក ទើបធ្វើឲ្យវាក្លាយទៅជាបែបនេះ ។ អាមេរិកអាចប្រើប្រាស់វិធីបញ្ជាតាមអ៊ីនធើណេតឲ្យវាផ្ទុះមុនពេលកំណត់ ទើបធ្វើឲ្យអាកខានមិនដូចចិត្តរបស់កូរ៉េខាងជើងបែបនេះ» ។
ក្រោមការដឹកនាំរបស់អតីតប្រធានាធិបតី អូបាម៉ា អាមេរិកបានបង្កើតកម្មធីប្រឆាំងនឹងការបង្ហោះមីស៊ីលរបស់កូរ៉េខាងជើងបានសម្រេច ។ កម្មវិធីនេះ អាចមានលទ្ធភាព Hack និងប្រើប្រាស់កម្លាំងអេឡិចត្រូម៉ាញេទិច ប្រឆាំងនឹងអាវុធបញ្ជាដោយអេឡិចត្រូ
និក ។ តែអ្វីដែលគួរឲ្យព្រួយបារម្ភសម្រាប់អាមេរិកនោះ គឺកូរ៉េខាងជើងទៅថ្ងៃមុខ នឹងអាចផលិតមីស៊ីលដែលមានសមត្ថភាពអាចហោះចូលក្នុងអាមេរិកបាន ។
ទីប្រឹក្សាសន្តិសុខជាតិរបស់លោកប្រធានាធិបតី ត្រាំ បានសន្យាថា នឹងធ្វើសកម្មភាពផ្សេងៗបន្ថែមទៀត ដើម្បីឲ្យប្រាកដថាកូរ៉េខាងជើងនឹងមិនអាចមានលទ្ធភាពគំរាមកំហែងដល់អាមេរិកបានឡើយ ។
ចែករំលែកព័តមាននេះ