ខេត្តស្វាយរៀង ៖ តាមសេចក្តីរាយការណ៍បានឱ្យដឹងថា នៅវេលាម៉ោង១០ព្រឹក ថ្ងៃទី១៧ ខែមេសា ឆ្នាំ២០១៧ នេះសមត្ថកិច្ចនគបាលនៃស្នងការនគបាលខេត្តបានធ្វើសន្និសិតកាសែតបង្ហាញមុខក្រុមចោរប្រដាប់អាវុធ K59 ពីរនាក់ ដែលបានចេញធ្វើសកម្មភាពស្ទាក់ប្លន់អាជីវករនៅព្រំដែនកម្ពុជា-វៀតណាមយកមាសបាន២ដំឡឹង២ជី រួចបានជិះរថយន្តគេចខ្លួនតែត្រូវសមត្ថកិច្ចព័ទ្ធចាប់ និងបាញ់តទល់គ្នាមួយប្រាវអស់រយៈពេលមួយម៉ោងកន្លះ ទើបសមត្ថកិច្ចក្របួចចាប់ជនសង្សយ័បាន ។
បើតាមលោកវរសេនីយ៍ទោ កែវ សុថា នាយការិយាលយ័ព្រហ្មទណ្ឌកម្រិតធ្ងន់ស្នងការនគបាលខេត្តបានឲ្យដឹងថា ករណីក្រុមចោរធ្វើសកម្មភាពប្លន់នេះកើតឡើងនៅវេលាម៉ោង១និង៥នាទីរសៀល ថ្ងៃទី១៥ ខែមេសា ឆ្នាំ២០១៧ នៅចំណុចចន្លោះបង្គោលព្រំដែនលេខ២២០និង២២១ ស្ថិតនៅភូមិកែវជះ ឃុំបន្ទាយក្រាំង ស្រុកកំពង់រោទ៏ ខេត្តស្វាយរៀង ដោយប្លន់យកបានមាសចំនួន២ដំឡឹង២ជី ខណៈជនរងគ្រោះឈ្មោះ តី ឃឿន ភេទប្រុស អាយុ៤៩ឆ្នាំ ជាអាជីវករលក់បារី នៅភូមិប្រចន្ទ័ទ្រា ឃុំបន្ទាយក្រាំង ស្រុកកំពង់រោទ៌ ជិះម៉ូតូឌុបប្រពន្ធឈ្មោះ ឡី ផូ អាយុ៤២ឆ្នាំ ត្រឡប់ពីប្រទេសវៀតណាមវិញ ក៏ត្រូវក្រុមចោរប្រដាប់អាវុធ២នាក់ប្រើប្រាស់អាវុធខ្លី១ដើមម៉ាក K59 ស្ទាក់ប្លន់តែម្តង និងបានបាញ់គម្រាមជនរងគ្រោះ១គ្រាប់រួចដោះយកខ្សែ.ក របស់ជនរងគ្រោះមួយខ្សែទម្ងន់២ដំឡឹង២ជី ហើយក៏បានបើករថយន្តគេចខ្លួន ។
ប្រភពដដែលបន្តទៀតថា ក្រោយមកជនរងគ្រោះបានប្តឹងសម្ថកិច្ចឲ្យជួយអន្តរាគមន៍ដោយមានការសហការពីនគរបាលចម្រុះ និងប្រជាពលរដ្ឋល្អបានជួយផ្តល់ព័ត៏មានបានទាន់វេលាទើបចុះបង្ក្រាប និងព័ទ្ធជាប់ក៏មានការបាញ់ស្ទាក់ក្រុមចោរឲ្យឈប់ និងចាប់ខ្លួន ក៏ប៉ុន្តែក្រុមចោរបានឈប់រថយន្តរួចបានរត់ចេញពីរថយន្ត និងបានបាញ់មកលើសមត្ថកិច្ចវិញចំនួន២គ្រាប់តែមិនបណ្តាលឲ្យរងរបួសទេ ។
ប្រភពពីសមត្ថកិច្ចបានបន្តទៀងថា ជនសង្ស័យទី១-ឈ្មោះ សៀង គឹមហួត ភេទប្រុស អាយុ៥០ឆ្នាំ រស់នៅភូមិបាក់រនាស់ សង្កាត់ស័ង្ឃ ក្រុងស្វាយរៀង ខេត្តស្វាយរៀង ឃាត់ខ្លូនបាននៅម៉ោង១និង៤៥នាទីរសៀល ។ ទី២-ឈ្មោះ ទេព ភារុន អាយុ៣៥ឆ្នាំ រស់នៅផ្ទះលេខ៧៦AM 1 E 2 ផ្លូវលេខ១៤១ភូមិ០៦៩ សង្កាត់វាលវង្ស ខណ្ឌ៧មករា រាជធានីភំពេញ ឃាត់ខ្លូនបាននៅវេលាម៉ោង២និង៣០នាទីរសៀល មុនពេលចេញធ្វើសកម្មភាពប្លន់ជនសង្សយ័បានមកស្នាក់នៅក្នុងភូមិបាក់រនាស់ សង្កាត់ស័ង្ឃ ក្រុងស្វាយរៀង ។
សមត្ថកិច្ចក៏បានរឹបអូសវត្ថុតាងបានរួមមាន អាវុធខ្លីម៉ាក K59 ចំនួន១ដើមបង់១, ស្រោមកាំភ្លើង១, គ្រាប់២គ្រាប់ និងសំបកឡត២ ក្បាលគ្រាប់១គ្រាប់ (ជនសង្សយ័មានគ្រាប់៥គ្រាប់បាញ់គម្រាមជនរងគ្រោះ១គ្រាប់ បាញ់តទល់សមត្ថកិច្ចអស់២គ្រាប់) រថយន្ត១គ្រឿងម៉ាក CAMMRYពណ៌ស ពាក់ស្លាកលេខ បាត់ដំបង 2A-0133 សម្រាប់ធ្វើសកម្មភាពប្លន់ ។
ប្រភពពីសមត្ថកិច្ចបានឱ្យដឹងថា មានជនសង្ស័យម្នាក់ជារនុកក្នុងនៅក្នុងភូមិជនរងគ្រោះរស់នៅបានរៀបចំផែនការក្រោយពីចាប់ខ្លួនជនសង្ស័យបាន២នាក់ជនដែលជារនុកក្នុងបានរត់គេចខ្លួនបាត់សមត្ថកិច្ចកំពុងស្រាវជ្រាវតាមរកចាប់ខ្លួនមកផ្តន្ទាទោសតាមច្បាប់ឲ្យខាងតែបាន ៕
ចែករំលែកព័តមាននេះ