តំបន់ប្រាសាទតាមាន់ធំមានពលរដ្ឋតិចតួចណាស់ទៅលេងកម្សាន្តក្នុងថ្ងៃចូលឆ្នាំ
ខេត្តឧត្តរមានជ័យ ៖ ប្រាសាទតាមាន់ធំ ជាតំបន់ទេសចរណ៍មួយដែលស្ថិតនៅលើខ្នងភ្នំដងរែក ក្នុងភូមិគោកមន ឃុំគោកមន ស្រុកបន្ទាយអម្ពិល ខេត្តឧត្តរមានជ័យ
ខេត្តឧត្តរមានជ័យ ៖ ប្រាសាទតាមាន់ធំ ជាតំបន់ទេសចរណ៍មួយដែលស្ថិតនៅលើខ្នងភ្នំដងរែក ក្នុងភូមិគោកមន ឃុំគោកមន ស្រុកបន្ទាយអម្ពិល ខេត្តឧត្តរមានជ័យ
ខេត្តឧត្តរមានជ័យ ៖ ប្រាសាទតាមាន់ធំ ជាតំបន់ទេសចរណ៍មួយដែលស្ថិតនៅលើខ្នងភ្នំដងរែក ក្នុងភូមិគោកមន ឃុំគោកមន ស្រុកបន្ទាយអម្ពិល ខេត្តឧត្តរមានជ័យ ប្រជាពលរដ្ឋខ្មែរតែងតែនាំគ្នីគ្នាទៅលេងកម្សាន្តនៅទីនោះជារៀងរាល់ឆ្នាំ កន្លងទៅនៅពិធីបុណ្យប្រពៃណីជាតិខ្មែរ។ ដោយឡែកក្នុងថ្ងៃចូលឆ្នាំថ្មីប្រពៃណីជាតិក្នុងឆ្នាំនេះ ចាប់ពីថ្ងៃទី១៤ រហូតដល់ថ្ងៃទី១៧ មេសា ២០១៧នេះ មានប្រជាពលរដ្ឋប្រមាណ ២០០ទៅ៣០០នាក់ ចូលទៅលេងកម្សាន្តក្នុងមួយថ្ងៃ គឺមានការថយចុះ ដោយសារតែពលរដ្ឋខ្មែរស្អប់ខ្ពើមពីទង្វើរបស់ក្រុមទាហានសៀម។
កោះសន្តិភាព បានធ្វើបទសម្ភាសន៍ប្រជាពលរដ្ឋខ្មែរជាច្រើននាក់ដែលទៅលេងកម្សាន្តនៅតំបន់ទេសចរណ៍ប្រាសាទតាមាន់ធំ នាំគ្នានិយាយអះអាងថា តំបន់ប្រាសាទតាមាន់ធំ អំឡុងឆ្នាំកន្លងទៅមានពលរដ្ឋខ្មែរប្រុសស្រីចាស់ក្មេងនាំគ្នាទៅលេងកម្សាន្តរាប់ពាន់នាក់ឱ្យតែមានពិធីបុណ្យ ជាពិសេសបុណ្យភ្ជុំបិណ្ឌ និងបុណ្យចូលឆ្នាំថ្មីប្រពៃណីជាតិខ្មែរ។ ប្រជាពលរដ្ឋខ្មែរដដែលបានបន្តថា នៅក្នុងឆ្នាំ២០១៥ និងឆ្នាំ២០១៧នេះ ក្រុមទាហានសៀមបានយកស្បៃសំណាញ់ដែលមានពណ៌ខៀវមកហ៊ុំព័ទ្ធនៅជាប់នឹងទីតាំងប្រាសាទ សូម្បីតែទស្សនានូវធម្មជាតិជុំវិញបរិវេណប្រាសាទក៏មិនបាន ហេតុនេះហើយទើបប្រជាពលរដ្ឋខ្មែរមានការស្អប់ខ្ពើមពីទង្វើទាហានសៀមមិនមកលេងកម្សាន្តនៅក្នុងតំបន់នេះ។
ទាហានកម្ពុជាដែលឈរជើងការពារនៅក្នុងប្រាសាទ ក្នុងកងពលថ្មើរជើងលេខ៤២ បានឱ្យដឹងថា កាលពីអំឡុងឆ្នាំ២០១០ រហូតមកទល់អំឡុងឆ្នាំ២០១៤ ដែលក្រុមទាហានសៀមមិនទាន់យកសំណាញ់ស្បៃពណ៌ខៀវមកហ៊ុំព័ទ្ធប្រជាពលរដ្ឋខ្មែរមកលេងកម្សាន្តរាប់ពាន់នាក់ ចាប់ពីឆ្នាំ២០១៤ រហូតមកទល់នឹងឆ្នាំ២០១៧នេះ មានប្រជាពលរដ្ឋមកលេងកម្សាន្តជាបន្តបន្ទាប់ក្នុងមួយថ្ងៃបានត្រឹមតែ២០០ទៅ៣០០នាក់ប៉ុណ្ណោះ។ ទាហានកម្ពុជាដដែលបានបញ្ជាក់ថា នៅថ្ងៃទី១២មេសា ២០១៧ ក្រុមអាជ្ញាធរថៃ និងកងកម្លាំងសមត្ថកិច្ចថៃ ជារៀងរាល់ឆ្នាំតែងតែចូលមករៀបចំពិធីសែនព្រេនបួងសួង និងមានប្រជាពលរដ្ឋថៃរាប់ពាន់នាក់បានមកចូលរួមនៅក្នុងបរិវេណប្រាសាទតាមាន់ធំយ៉ាងច្រើនកុះករ ដោយឡែកខាងកម្ពុជាវិញគ្មានអស់លោកណាមានគំនិតធ្វើបែបនេះឡើយ៕
ចែករំលែកព័តមាននេះ