ខេត្តសៀមរាប ៖ បុរសម្នាក់អាយុ២៩ឆ្នាំ បានស្លាប់អណ្តែតទឹក ដោយមិនទាន់ដឹងពីមូលហេតុ ក្រោយពីពលរដ្ឋដើរទៅបេះឈូក ប្រទះឃើញដេកស្លាប់នៅវាលស្រែ បង្កភ្ញាក់ផ្អើល កាលពីវេលាម៉ោង០៥ និង៣០នាទីល្ងាចថ្ងៃទី១៥ មេសា ស្ថិតនៅក្នុងចំការឈូក ភូមិអារញ្ញ សង្កាត់សៀមរាប ក្រុងសៀមរាប ។
ប្រភពឱ្យដឹងថា ជនរងគ្រោះត្រូវគេស្គាល់ឈ្មោះសូ ណារ័ត្ន អាយុ២៩ឆ្នាំ ជាកម្មករ មានទីលំនៅបច្ចុប្បន្ន ភូមិពោធិ៍បុស្ស សង្កាត់ស្វាយដង្គំ ក្រុងសៀមរាប ។
បច្ចុប្បន្ន ជនរងគ្រោះត្រូវបានសមត្ថកិច្ចជំនាញ បានធ្វើការប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ។ សមត្ថកិច្ចចម្រុះក៏កំពុងធ្វើការស្រាវជ្រាវ ដើម្បីតាមស្វែងរកមុខសញ្ញាជនដៃដល់ ។
ចែករំលែកព័តមាននេះ