សោកនាដកម្មស្លា.ប់អស់មនុស្សជាច្រើន ដោយការវាយប្រហារ
តាមប្រភពព័ត៌មាន Metro បានឲ្យដឹងថា មនុស្សយ៉ាងតិច៥៨នាក់ រួមទាំងកុមារ បានស្លា.ប់បាត់បង់ជីវិត នៅក្នុងការវាយប្រហារមួយ ដែលគេសង្ស័យថា ជាការវាយប្រហារប្រើប្រាស់សារធាតុ
ស៊ីរី ៖ តាមប្រភពព័ត៌មាន Metro បានឲ្យដឹងថា មនុស្សយ៉ាងតិច៥៨នាក់ រួមទាំងកុមារ បានស្លាប់បាត់បង់ជីវិត នៅក្នុងការវាយប្រហារមួយ ដែលគេសង្ស័យថា ជាការវាយប្រហារប្រើប្រាស់សារធាតុគីមីនៅក្នុងទីក្រុង Idlib ប្រទេសស៊ីរី។
ខាងអ្នកឃ្លាំមើលសិទ្ធិមនុស្សនៅប្រទេសស៊ីរី បានរាយការណ៍មកថា ការវាយប្រហារនៅ Khan Sheikhoun ដែលអាចធ្វើឡើងដោយសារតែយន្តហោះរបស់ប្រទេសស៊ីរីខ្លួនឯងផ្ទាល់ ឬក៏រុស្ស៊ី បានធ្វើឲ្យមនុស្សជាច្រើនឈ្លក់ ហើយស្លាប់។
មានកុមារយ៉ាងតិច១១នាក់បានស្លាប់ ខណៈពេលដែលមនុស្សជាច្រើននាក់ទៀតរងរបួស ជាមួយនឹងអាការៈសន្លប់ ក្អួតចង្អោរ និងបែកពពុះមាត់ជាដើម។
ការវាយប្រហារនេះត្រូវបានគេចាត់ទុកជាការវាយប្រហារដោយសារធាតុគីមីជាលើកទីបីហើយក្នុងមួយសប្តាហ៍នេះ ទៅលើប្រទេសស៊ីរី។ ការវាយប្រហារចំនួនពីរលើកខាងដើម ត្រូវបានធ្វើឡើងនៅខេត្ត Hama ដែលស្ថិតនៅមិនឆ្ងាយពី Khan Sheikhoun ប៉ុន្មានទេ។
សារធាតុគីមីដែលបានប្រើប្រាស់ត្រូវបានគេសង្ស័យថា ជាសារធាតុប៉ះពាល់សរសៃប្រសាទឈ្មោះថា Sarin។
ខាងរដ្ឋាភិបាលប្រទេសស៊ីរីបានជំទាស់ថា ខ្លួនមិនបានប្រើប្រាស់សារធាតុគីមីទៅលើទីតាំងនោះទេ។
គួរបញ្ជាក់ផងដែរថា ទីតាំងដែលរងការវាយប្រហារខាងលើ គឺជាទីតាំងដែលត្រូវបានគ្រប់គ្រងស្ទើរតែទាំងអស់ ដោយក្រុមប្រឆាំងនឹងប្រទេសស៊ីរី។ តាមអង្គការសហប្រជាជាតិបានឲ្យដឹងថា វាជាផ្ទះសម្រាប់ប្រជាជនស៊ីរីភៀសខ្លួនចំនួន៩០០.០០០នាក់រស់នៅ៕
ចែករំលែកព័តមាននេះ