អាសូរតាយាយណាស់! ខំសន្សំយូរហើយចុងក្រោយរលាយបាត់អស់
ខេត្តកំពង់ស្ពឺ ៖ ពិតជាអាសូរពន់ពេកដល់តាយាយ២នាក់ប្តីប្រពន្ធណាស់ គ្រួសារក្រីក្រហើយ ថែមទាំងតែប៉ព្រិចភ្នែកសោះ ទ្រព្យសម្បត្តិដែលគាត់ខំសន្សំទុកធ្វើបុណ្យបាន
ខេត្តកំពង់ស្ពឺ ៖ ពិតជាអាសូរពន់ពេកដល់តាយាយ២នាក់ប្តីប្រពន្ធណាស់ គ្រួសារក្រីក្រហើយ ថែមទាំងតែប៉ព្រិចភ្នែកសោះ ទ្រព្យសម្បត្តិដែលគាត់ខំសន្សំទុកធ្វើបុណ្យបាន
ខេត្តកំពង់ស្ពឺ ៖ ពិតជាអាសូរពន់ពេកដល់តាយាយ២នាក់ប្តីប្រពន្ធណាស់ គ្រួសារក្រីក្រហើយ ថែមទាំងតែប៉ព្រិចភ្នែកសោះ ទ្រព្យសម្បត្តិដែលគាត់ខំសន្សំទុកធ្វើបុណ្យបានបន្តិចបន្តួចនោះត្រូវរលាយបាត់អស់ដោយសារតែអុជធូបទទួលទេវតា។
ហេតុការណ៍គ្រោះអគ្គិភ័យនេះកើតឡើងកាលពីវេលាម៉ោង០៤និង៣៩នាទី ថ្ងៃទី១៤ ខែមេសា ឆ្នាំ២០១៧ នៅភូមិរំដួល៨៨ ឃុំអូរ ស្រុកភ្នំស្រួច ខេត្តកំពង់ស្ពឺ ។ លោកតាជាម្ចាស់ផ្ទះនេះឈ្មោះ ចាន់ ជួន ភេទប្រុស អាយុ៧៧ឆ្នាំ ។
លោកតាបានរៀបរាប់ថា មុនពេលកើតហេតុ រូបគាត់បានឡើងអុជធូបទៀន ដើម្បីថ្វាយទេវតា ហើយបានសូត្រធម៌នមស្សការថ្វាយបង្គំព្រះផងដែរ ។ ក្រោយពេលសូត្រធម៌ចប់លោកតាបានធ្មេចភ្នែកលក់មួយភាំង ស្រាប់តែកំណកទៀនហៀរទៅលើក្តារ បណ្តាលឱ្យឆាបឆេះក្តារ ទើបបង្កជាអណ្តាតភ្លើងឆាបឆេះពេញទំហឹងតែម្តង។
សមត្ថកិច្ចនគរបាលបានឱ្យដឹងថា អគ្គិភ័យនេះបានឆេះផ្ទះប្រជាពលរដ្ឋមួយខ្នងមានទំហំ5x8m ធ្វើពីឈើប្រក់ស័ង្កសី ជញ្ជាំងក្តារ មូលហេតុដោយដុតទៀនទុកចោលក្នុងផ្ទះ ។ ក្នុងហេតុការណ៍នេះដែរ បណ្តាលខាតបង់សម្ភារ និងរបស់របរប្រើប្រាស់ក្នុងផ្ទះដូចជា ម៉ូតូ០១គ្រឿងម៉ាកវ៉េវស៊េរីឆ្នាំ២០១៦ ពណ៌ក្រហម លុយខ្មែរ២លានរៀល លុយដុល្លារ១៨០ដុល្លារ និងមាសចំនួន០២ជី ។
អ្វីដែលជាការអាណិតអាសូរដល់លោកតានោះ គឺទ្រព្យសម្បត្តិ មាស ប្រាក់ និងលុយកាក់បន្តិចបន្តួច ព្រមទាំងម៉ូតូ០១គ្រឿង ដែលត្រូវភ្លើងឆាបឆេះអស់នេះ គឺលោកតាបានសន្សំទុកមកជាយូរមកហើយ ដើម្បីទៅវត្តធ្វើបុណ្យសន្សំកុសលសម្រាប់អនាគតជាតិកុំឱ្យលំបាកដូចជាតិនេះទៀត ជាពិសេសម៉ូតូដ៏ចាស់របស់លោកតាដែលធ្លាប់ជិះទៅវត្តរាល់ថ្ងៃ ក៏ត្រូវភ្លើងឆាបឆេះគ្មានសល់ដែរ។
ដោយមើលឃើញពីការលំបាករបស់លោកតា ថ្នាក់ដឹកនាំខេត្តបានចាត់តាំងឱ្យអនុសាខាកាកបាតក្រហមស្រុក នាំយកគ្រឿងឧបភោគ បរិភោគមួយចំនួនជូនដល់លោកតា ដើម្បីជួយសម្រួលដល់ការខ្វះខាតចំពោះមុខផងដែរ៕
ចែករំលែកព័តមាននេះ