កសិករត្អួញត្អែរពីបន្លែចុះថោកគ្មានទីផ្សារ
ខេត្តកំពង់ឆ្នាំង ៖ ប្រជាពលរដ្ឋអ្នកដាំបន្លែនៅតាមខ្នងកោះតំបន់ឆ្នុកទ្រូ ស្រុកបរិបូណ៌បានត្អូញត្អែរពីតម្លៃកសិផលរបស់ពួកគាត់ចុះថោកជាខ្លាំងជាងឆ្នាំកន្លងទៅ ដែលធ្វើឱ្យ
ខេត្តកំពង់ឆ្នាំង ៖ ប្រជាពលរដ្ឋអ្នកដាំបន្លែនៅតាមខ្នងកោះតំបន់ឆ្នុកទ្រូ ស្រុកបរិបូណ៌បានត្អូញត្អែរពីតម្លៃកសិផលរបស់ពួកគាត់ចុះថោកជាខ្លាំងជាងឆ្នាំកន្លងទៅ ដែលធ្វើឱ្យ
ខេត្តកំពង់ឆ្នាំង ៖ ប្រជាពលរដ្ឋអ្នកដាំបន្លែនៅតាមខ្នងកោះតំបន់ឆ្នុកទ្រូ ស្រុកបរិបូណ៌បានត្អូញត្អែរពីតម្លៃកសិផលរបស់ពួកគាត់ចុះថោកជាខ្លាំងជាងឆ្នាំកន្លងទៅ ដែលធ្វើឱ្យពួកគាត់មានការខាតបង់ធនជាច្រើន ដែលបញ្ហានេះហើយ ពួកគាត់សំណូមពរឱ្យមន្ទីរពាក់ព័ន្ធ អាជ្ញាធរខេត្ត និងប្រមុខរាជរដ្ឋាភិបាល សូមមេត្តាជួយពួកគាត់ផង ។
ជួបជាមួយភ្នាក់ងារយកព័ត៌មាននៅព្រឹកថ្ងៃទី១០ ខែមេសា ឆ្នាំ២០១៧ នៅមាត់កំពង់ទឹក ឃុំឆ្នុកទ្រូ ស្រុកបរិបូណ៌ ប្រជាកសិករទាំងនោះបានលើកឡើងថា ឆ្នាំនេះបន្លែរបស់ពួកគាត់បានចុះថោកយ៉ាងគំហុក ។ បានជាគាត់ហ៊ាននិយាយបែបនេះ ព្រោះផ្លែល្ពៅគាត់លក់បាន១គីឡូក្រាម៦០០រៀលប៉ុណ្ណោះ ខុសពីឆ្នាំមុន បាន១២០០រៀលនិងអាចលើនេះ បើគិតទៅ ផ្លែល្ពៅមួយចំការលក់មិនរួចខ្លួនថ្លៃពូជ ថ្លៃជី ថ្លៃថ្នាំ និងថ្លៃពលកម្មផង ធ្វើឱ្យម្នាក់ៗខាតបង់ធនធានជាច្រើន ។ កសិករខ្លះទៀតលើកឡើងថា ផ្លែត្រឡាចគាត់ឆ្នាំនេះលក់១ផ្លែបានតែ២០០រៀលប៉ុណ្ណោះ កាលពីឆ្នាំទៅលក់បាន៨០០ ទៅ១០០០រៀល ចំណែកត្រសក់ស្រូវលក់បានមួយផ្លែ១៨០០ទៅ២០០០ពាន់រៀល ។ ពួកគាត់សំណូមពរដល់អាជ្ញាធរខេត្ត ប្រមុខរាជរដ្ឋាភិបាល ជួយដោះស្រាយរកទីផ្សារឱ្យពួកគាត់ផង ព្រោះសព្វថ្ងៃនេះខំដាំស្ទើរស្លាប់ បានផលហើយគ្មានទីផ្សារទាំងក្នុងស្រុកទាំងនាំចេញក្រៅស្រុក ។ ផ្ទុយទៅវិញ ឃើញតែនាំចូលពីបណ្តាប្រទេសជិតខាងចូលមកស្រុកខ្មែរ តែទំនិញខ្មែរដូចជាបន្លែនេះមិនឃើញមាននាំចេញទៅក្រៅទេ ។ ដោយបញ្ហានេះហើយទើបធ្វើឱ្យកសិផលខ្មែរចេះតែចុះថោក ។
ជាមួយនឹងសំណូមពររបស់ប្រជាពលរដ្ឋនេះដែរ លោក ងិន ហ៊ុន ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ឆ្នាំង បានបញ្ជាក់ថា ឆ្នាំនេះដោយសារអំណោយ ផលពីធម្មជាតិ អ្នកដាំបន្លែទទួលបានផលគ្រប់កន្លែង ធ្វើឱ្យបន្លែសម្បូរ ទើបតម្លៃធ្លាក់ចុះបែបនេះ ។ លោកទទួលស្គាល់ថា បន្លែពិតជាមាននាំពីប្រទេសជិតខាងមែន តែមិនថ្នាក់ធ្លាក់មកដល់ខេត្តកំពង់ឆ្នាំងទេ ។ ចំពោះថ្លៃត្រឡាច ធ្លាក់ដល់១ផ្លែ២០០រៀល លោកប្រាប់ថា នឹងរកទីផ្សារក្នុងខេត្តឱ្យ ព្រោះជួនកាលតាមផ្សារក្នុងខេត្តមួយចំនួនមិនដឹងពីផ្លែត្រឡាចនៅឆ្នុកទ្រូ ស្រុកបរិបូណ៌សម្បូរអញ្ចឹងទេ ៕
ចែករំលែកព័តមាននេះ