ប្រទេសចិន ៖ នាវាដឹកប្រេងឆៅ១៤ម៉ឺនតោន ឈ្មោះ «Suezmax» បានចាប់ផ្ដើមផ្ទេរប្រេងឆៅនៅកំពង់ផែប្រេង Made Island ស្ថិតនៅភាគខាងលិចរដ្ឋ Rakhine ប្រទេសមីយ៉ាន់ម៉ា កាលពីថ្ងៃទី១០ មេសា កន្លងមក បន្ទាប់ពីប្រទេសទាំងពីរចិន-មីយ៉ាន់ម៉ា បានចុះហត្ថលេខាលើកិច្ចព្រមព្រៀងមួយស្ដីពីការបង្ហូរប្រេងឆៅ នៅឯទីក្រុងប៉េកាំង កាលពីពេលថ្មីៗនេះ ។
កំពង់ផែប្រេង Made Island គឺជាចំណុចយុទ្ធសាស្ត្រនៃបំពង់បង្ហូរប្រេងចិន-មីយ៉ាន់ម៉ា ដែលជាផ្នែកមួយនៃគម្រោងបំពង់បង្ហូរប្រេង និងឧស្ម័ន ចិន-មីយ៉ាន់ម៉ា ។
បំពង់បង្ហូរប្រេងនេះ មានប្រវែង៧៧១គីឡូម៉ែត្រ ចាប់ពីតំបន់ Made Island ភាគខាងលិចមីយ៉ាន់ម៉ា ទៅកាន់ខេត្ត Yunan ភាគពាយព្យប្រទេសចិន នឹងត្រូវសាងសង់កាត់តាមផ្នែកកណ្តាលនៃប្រទេសមីយ៉ាន់ម៉ា ។ បំពង់បង្ហូរប្រេងនេះ ស្របគ្នានឹងបំពង់បង្ហូរឧស្ម័នធម្មជាតិ ដែលបានដំណើរការពេញលេញចាប់ពីឆ្នាំ២០១៤ ។
បំពង់បង្ហូរប្រេងនេះ នឹងជាផ្លូវកាត់សម្រាប់ប្រេងឆៅពីមជ្ឈិមប្រទេសទៅកាន់ប្រទេសចិន ជាជាងដឹកជញ្ជូនកាត់តាមភាគខាងត្បូង និងឆ្លងកាត់ប្រទេសសិង្ហបុរី ។ ប្រេងឆៅនឹងត្រូវបញ្ជូននៅតំបន់ Made Island រដ្ឋ Rakhine តាមបំពង់បង្ហូរប្រេងប្រវែង៧០០គីឡូម៉ែត្រ ដែលឆ្លងកាត់មីយ៉ាន់ម៉ា ទៅគោលដៅចុងក្រោយខេត្ត Yunnan របស់ចិន។
បំពង់នេះត្រូវបានធ្វើឡើងដើម្បីបញ្ជូនប្រេងឆៅ២២លានតោនជារៀងរាល់ឆ្នាំ ។ ស្ថានីយផ្ទុកប្រេងអន្តរជាតិលើកដំបូងរបស់ប្រទេសនេះនៅ Made Island ជាតំបន់ធំមួយដែលមានកន្លែងផ្ទុកប្រេង កន្លែងជួសជុលកប៉ាល់ កំពង់ផែសមុទ្រ ផ្លូវនាវាចម្ងាយ៣៨គីឡូម៉ែត្រ និងស្ថានីយផ្ទុក៤៨០ម៉ែត្រ ។ ធុងទុកប្រេងឆៅសរុបមាន១២ ដែលធុងនីមួយៗទុកបាន២២លានលីត្រ ៕
ចែករំលែកព័តមាននេះ