លោក MARK TONER អ្នកនាំពាក្យរបស់ក្រសួងការបរទេសអាេមរិករាយការណ៍កាលពីថ្ងៃទី២៤ មីនា ថា អតីតប្រធានាធិបតីសហរដ្ឋអាមេរិកលោកជីមីខាទ័រ នឹងអាចទៅ បំពេញទស្សនកិច្ចមួយនៅកូរ៉េខាងជើងក្នុងខែមេសាខាងមុខនេះ ។
លោក TONER បញ្ជាក់ប្រាប់សារព័ត៌មានថា រដ្ឋាភិបាលអាមេរិកបានដឹងពីគម្រោងនេះរបស់លោកខាទ័រ ក៏ប៉ុន្តែទស្សនកិច្ចនេះនឹងជាទស្សនកិច្ចឯកជន ។ លោកខាទ័រ នឹងពុំអមដោយគណៈប្រតិភូផ្លូវការណាមួយឡើយ រួចលោកក៏នឹងមិនបញ្ជូនសារផ្លូវការណាមួយដែរ ។ ក៏ប៉ុន្តែយោងតាមអ្នកវិភាគមួយចំនួនថា ទស្សនកិច្ចនេះរបស់អតីតប្រធានាធិបតីអាមេរិកនៅកូរ៉េខាងជើងបញ្ជាក់ពីឆន្ទៈរបស់រដ្ឋការលោកអូបាម៉ា បង្កើតការប្រាស្រ័យទាក់ទងមួយចំនួនជាមួយក្រុងព្យុងយ៉ាង ដោយសារការចរចាអំពី ការរំសាយនុយក្លេអ៊ែរ នៅឧបទ្វីបកូរ៉េស្ថិតនៅក្នុងភាពទាល់ច្រកជានិច្ច។
លោកខាទ័រ ធ្លាប់ទៅកាន់កូរ៉េខាងជើងកាលពីខែសីហា កន្លងមកនេះ ក្នុងក្របខណ្ឌនៃទស្សនកិច្ចឯកជនមួយដែលអាចនាំមកកាន់សហរដ្ឋអាមេរិកវិញ នូវបុរសអាេមរិកម្នាក់ដែលជាប់ឃុំឃាំងនៅក្នុងប្រទេសនោះ ៕
ចែករំលែកព័តមាននេះ