តុលាការកោះហៅស្ត្រីប្រមាថថ្នាក់ដឹកនាំ
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានអះអាងថា ករណីស្ត្រីម្នាក់ ដែលប្រមាថមាក់ងាយថ្នាក់ដឹកនាំប្រទេស ត្រូវទទួលខុសត្រូវចំពោះមុខច្បាប់
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានអះអាងថា ករណីស្ត្រីម្នាក់ ដែលប្រមាថមាក់ងាយថ្នាក់ដឹកនាំប្រទេស ត្រូវទទួលខុសត្រូវចំពោះមុខច្បាប់
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានអះអាងថា ករណីស្ត្រីម្នាក់ ដែលប្រមាថមាក់ងាយថ្នាក់ដឹកនាំប្រទេស ត្រូវទទួលខុសត្រូវចំពោះមុខច្បាប់ ។
លោក សុខ ឥសាន អ្នកនាំពាក្យគណបក្សប្រជាជនបានឱ្យដឹងនៅថ្ងៃទី១០ ខែមេសាថាកាលពីពេលថ្មីៗនេះ តាមរយៈវីដេអូឃ្លីបមួយបានបង្ហាញសកម្មភាពរបស់ស្ត្រីម្នាក់ បានយកស្បែកជើងរបស់ខ្លួន គប់ចំនួនពីរដងលើរូបថ្នាក់ដឹកនាំប្រទេសគឺសម្តេចតេជោ ហ៊ុន សែន នាយករដ្ឋមន្ត្រី និងសម្តេចពញាចក្រី ហេង សំរិន ប្រធានរដ្ឋសភា ។
លោកបញ្ជាក់ថា «សកម្មភាពអសីលធម៌ របស់ស្ត្រីរូបនេះ ឆ្លុះបញ្ចាំងពីចរឹតអសីលធម៌ និងប្រមាថដោយចេតនា លើថ្នាក់ដឹកនាំកំពូលរបស់ប្រទេស ដែលចាំបាច់ត្រូវទទួលខុសត្រូវចំពោះមុខច្បាប់ជាធរមាន» ។ ករណីនេះដែរ ព្រះរាជអាជ្ញាអមសាលាដំបូងខេត្តកំពង់ស្ពឺលោក កែវ សុធា កាលពីថ្ងៃទី៨ ខែមេសា បានចេញដីកាកោះហៅសកម្មជនគណបក្សប្រឆាំងម្នាក់ឱ្យចូលខ្លួនឆ្លើយបំភ្លឺ នៅចំពោះមុខមន្ត្រីនគរបាលយុត្តិធម៌ នៃស្នងការដ្ឋាននគរបាលខេត្តកំពង់ស្ពឺ ឱ្យបានមុនថ្ងៃទី៨ ខែមិថុនា ឆ្នាំ២០១៧ខាងមុខនេះពាក់ព័ន្ធនឹងបទប្រមាថ និងញុះញង់ឱ្យមានការរើសអើង ។
ស្ត្រីដែលតុលាការកោះហៅនោះ មានឈ្មោះ សំ សុខា អាយុ៣៨ឆ្នាំ ស្នាក់នៅភូមិត្រស់សាលា សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។ នាថ្មីៗនេះ ស្ត្រីខាងលើបានយកស្បែកជើងរបស់ខ្លួនគប់លើរូបប្រមុខគណបក្សប្រជាជនកម្ពុជា គឺសម្តេចតេជោ ហ៊ុន សែន និងសម្តេចពញាចក្រី ហេង សំរិន ហើយបង្ហោះពីសកម្មភាពប្រមាថរបស់ខ្លួន និងត្រូវបានគេចែកចាយនៅលើបណ្តាញសង្គមFacebookយ៉ាងព្រោងព្រាត ហើយគ្រប់គ្នាបាននាំគ្នារិះគន់ចំពោះសកម្មភាពអសីលធម៌បែបនេះ ។
សកម្មភាពស្ត្រីខាងលើនេះ បានរងនូវការរិះគន់យ៉ាងខ្លាំងពីសំណាក់ប្រជាពលរដ្ឋ និងអ្នកគាំទ្រគណបក្សប្រជាជនកម្ពុជា ។ ក្រុមយុវជនគណបក្សប្រជាជនកម្ពុជា បានចាត់ទុកថា នេះគឺជាការប្រមាថដ៏ធ្ងន់ធ្ងរ ដែលមិនអាចទទួលយកបាន ហើយអំពាវនាវឱ្យសមត្ថកិច្ចចាត់ការទៅតាមច្បាប់ ។ យោងតាមដីកាកោះរបស់ព្រះរាជអាជ្ញាខេត្តកំពង់ស្ពឺ ការចេញដីកាកោះនេះ គឺធ្វើឡើងតាមរបាយការណ៍របស់ស្នងការដ្ឋាននគរបាលខេត្តពាក់ព័ន្ធនឹងសកម្មភាពស្ត្រីខាងលើនេះ ។
លោក កែវ សុធា ព្រះរាជអាជ្ញានៃអយ្យការអមសាលាដំបូងខេត្តកំពង់ស្ពឺ បានចេញដីកាបញ្ជាឱ្យចូលខ្លួនចំពោះស្ត្រីឈ្មោះ សំ សុខា អាយុ៣៨ឆ្នាំ ដើម្បីសាកសួរពីដំណើររឿងប្រមាថ និងញុះញង់ឱ្យមានការរើសអើងតាមមាត្រា៥០២ មាត្រា៤៩៤ និងមាត្រា៤៩៦នៃក្រមព្រហ្មទណ្ឌ ។ ក្រុមអ្នកវិភាគនិយាយថា នៅសុខមិនព្រមនៅទេរមាស់ដៃទាល់តែគុកអន្ទងឱ្យចូលដេកទើបស្ងប់អារម្មណ៍ ៕
ចែករំលែកព័តមាននេះ