ចាន់ រតនា មិនហ៊ានសប្បាយអំឡុងថ្ងៃចូលឆ្នាំ
រាជធានីភ្នំពេញ ៖ ខុសពីកីឡាករផ្សេងទៀតដែលសុទ្ធតែមានគម្រោងដើរលេងនៅអំឡុងពេលចូលឆ្នាំ សម្រាប់កីឡាករ ចាន់ រតនា ឯណេះវិញបានអះអាងថា លោកមិនមានគម្រោងដើរលេងណាមួយនោះទេ ដោយ
រាជធានីភ្នំពេញ ៖ ខុសពីកីឡាករផ្សេងទៀតដែលសុទ្ធតែមានគម្រោងដើរលេងនៅអំឡុងពេលចូលឆ្នាំ សម្រាប់កីឡាករ ចាន់ រតនា ឯណេះវិញបានអះអាងថា លោកមិនមានគម្រោងដើរលេងណាមួយនោះទេ ដោយ
រាជធានីភ្នំពេញ ៖ ខុសពីកីឡាករផ្សេងទៀតដែលសុទ្ធតែមានគម្រោងដើរលេងនៅអំឡុងពេលចូលឆ្នាំ សម្រាប់កីឡាករ ចាន់ រតនា ឯណេះវិញបានអះអាងថា លោកមិនមានគម្រោងដើរលេងណាមួយនោះទេ ដោយសារតែលោកត្រូវត្រៀមបង្ហាញខ្លួនជាថ្មីម្ដងទៀតនៅក្នុងព្រឹត្តិការណ៍ប្រដាល់ដាក់ទ្រុង MMA ដែលនឹងត្រូវចាប់ផ្ដើមនៅក្រោយចូលឆ្នាំនោះ ។ ព្រឹត្តិការណ៍នេះមានការរំពឹងថា នឹងធ្វើឱ្យកីឡាករកម្ពុជារូបនេះទទួលបានទីផ្សារឡើងវិញ ក៏ដូចជាជួយឱ្យពិភពលោកចាប់អារម្មណ៍កីឡាករខ្មែរផ្សេងទៀត ប្រសិនបើចាន់ រតនា ទទួលបានជោគជ័យ ។
យោងតាមការប្រកាស នៅក្នុងព្រឹត្តិការណ៍ប្រដាល់ដាក់ទ្រុង MMA ដែលមានឈ្មោះថា One Championship Kings of Destiny ដែលគ្រោងធ្វើឡើងនៅប្រទេសហ្វ៊ីលីពីន ក្នុងទីក្រុង Manila នៅថ្ងៃទី២១ មេសា ប៉ុន្មានថ្ងៃក្រោយចូលឆ្នាំ គឺកីឡាករកម្ពុជា ចាន់ រតនា ដែលគេស្គាល់ថាជាជើងខ្លាំងផ្នែកយុទ្ធក្រមខម និងក្បាច់គុនបុរាណខ្មែរ ក៏មានឈ្មោះចូលរួមប្រកួតផងដែរ ។ លោកត្រូវគេអះអាងថា នឹងចេញដំណើរទៅមុនការប្រកួតច្រើនថ្ងៃនោះផង ដើម្បីហ្វឹកហាត់បន្ថែម ។ លោកគឺជាសមាសភាពកីឡាករកម្ពុជាតែម្នាក់គត់ដែលបានឡើងប្រកួតនៅក្នុងព្រឹត្តិការណ៍នេះជាថ្មី បន្ទាប់ពីកីឡាករកម្ពុជា ដែលមានសំណាងបានប្រកួតក្រោយការហ្វឹកហាត់ច្រើននាក់សុទ្ធតែអស់សិទ្ធិឡើងប្រកួត ។ ហេតុផលដែលលោក ចាន់ រតនា ត្រូវបានប្រកាសឱ្យឡើងប្រកួតជាថ្មី គឺដោយសារតែលោកជាកីឡាករកម្ពុជា ដែលមានសមត្ថភាពខ្ពស់ និងបច្ចេកទេសល្អសម្រាប់ក្បាច់គុនប្រដាល់ដាក់ទ្រុងកម្រិតពិភព លោក ។ អ៊ីចឹងហើយទើបគេឃើញកីឡាកររូបនេះបានប្រកាសជាសាធារណៈថា ខ្លួនមិនហ៊ានចំណាយពេលដើរលេង ឬធ្វើសកម្មភាពសប្បាយៗណាមួយសម្រាប់អំឡុងថ្ងៃបុណ្យចូលឆ្នាំនោះទេ ដោយសារតែលោកជាប់កុងត្រាជាមួយ MMA ហើយត្រូវតែប្រឹងប្រកួតឱ្យអស់លទ្ធភាពដើម្បីកុំឱ្យបាក់មុខកីឡាករកម្ពុជានៅលើឆាកអន្តរជាតិ បន្ទាប់ពី MMA សម្រេចបន្តឱកាសឱ្យលោកឡើងរេញក្នុងព្រឹត្តិការណ៍នេះជាថ្មី។
កីឡាករ ចាន់ រតនា បានអះអាងថា ខ្លួនមិនអាចប្រហែសបានទេសម្រាប់ព្រឹត្តិការណ៍ MMA ម្ដងទៀតនៅក្នុងប្រទេសហ្វ៊ីលីពីន ដោយលោកបានចាត់ទុកថាការប្រកួតមួយនេះ ក្រៅពីជួយឱ្យលោកមានមុខមានមាត់ ក៏ធ្វើឱ្យលោកទទួលបានប្រាក់កម្រៃច្រើនផងដែរ ។ លោកថា ការប្រកួត MMA ក្រៅពីបានតម្លៃខ្លួនខ្ពស់តែក៏មានកិត្តិយសណាស់ដែរក្នុងការពាំនាំមុខមាត់កម្ពុជាទៅបង្ហាញលើឆាកអន្តរជាតិ ។ លោកថា ការប្រកួតបែបនេះ តម្លៃបរាជ័យលើរេញធម្មតាៗ ក៏ទទួលបានមួយប្រកួត១ពាន់ដុល្លារនោះដែរ ទើបលោកចាត់ទុកថា ការប្រកួតរបស់ខ្លួននៅក្រោយអំឡុងចូលឆ្នាំសំខាន់ជាងការកម្សាន្ត ក្នុងពេលចូលឆ្នាំ ជាពិសេសគឺការរាំច្រៀង និងដើរកម្សាន្តនោះ ។ លោកថា ខ្លួននឹងមានការប្រកួតនៅក្នុងព្រឹត្តិការណ៍បន្តបន្ទាប់ ប្រសិនបើការប្រកួតដែលបានធ្វើឡើងនៅយប់ថ្ងៃទី២១ មេសា ទទួលបានជោគជ័យ ។ លោកថា ខ្លួនមិនអាចប្រហែសសម្រាប់ការប្រកួតបានទេ ដើម្បីកុំឱ្យអ្នករៀបចំកម្មវិធីដែលជ្រើសរើសលោកខកចិត្ត និងកុំឱ្យអ្នកគាំទ្រលោកអស់សង្ឃឹម ។ លោកសម្រេចដាក់កំហិតហ្វឹកហាត់ឱ្យអស់ពីលទ្ធភាព ដោយលោកបញ្ជាក់ថា ឱកាសបានសម្រាកនៅអំឡុងថ្ងៃចូលឆ្នាំនោះហើយ ដែលលោកនឹងចំណាយពេលច្រើនឡើង សម្រាប់ការបន្ថែមវិជ្ជាគុន ។ លោកថា ការប្រកួតនៅក្នុងប្រទេសហ្វ៊ីលីពីន នៅក្រោយថ្ងៃចូលឆ្នាំ គឺជាការប្រកួតសំខាន់សម្រាប់អាជីពដោយលោកបញ្ជាក់ថា ប្រសិនបើការប្រកួតមួយនេះបរាជ័យ គឺនឹងបាត់ទីផ្សារតែម្ដង នៅលើសង្វៀនអន្តរជាតិរបស់ MMA ។ លោកទទូចឱ្យកីឡាករកម្ពុជាហ្វឹកហាត់ផ្នែកប្រដាល់ដាក់ទ្រុងឱ្យបានច្រើន ដោយសារតែការប្រកួតប្រភេទនេះ ក្រៅពីជួយឱ្យបានលុយច្រើន ក៏មានតម្រូវការខ្ពស់ពីអ្នករៀបចំ ។ លោកថា នៅក្នុងប្រទេសកម្ពុជា កញ្ជ្រោលចង់ហ្វឹកហាត់ផ្នែកនេះត្រឹមតែដំបូងប៉ុណ្ណោះ តែពេលបន្តបន្ទាប់ក៏មិនសូវមានអ្នកសកម្មទើបធ្វើឱ្យធនធានអ្នកប្រដាល់ដាក់ទ្រុងមិនសូវមានច្រើន ។ លោកថា បើកីឡាករកម្ពុជាមានអ្នកអាចប្រកួតក្នុងព្រឹត្តិការណ៍ MMA បានមិនខ្វះការប្រកួតនោះទេ ដោយសារតែព្រឹត្តិការណ៍នេះចង់លើកកីឡាករកម្ពុជាឱ្យឡើងប្រកួតច្រើន។
គួរបញ្ជាក់ថា កីឡាករ ចាន់ រតនា ធ្លាប់បានបង្ហាញខ្លួននៅក្នុងព្រឹត្តិការណ៍មួយនេះច្រើនលើកមកហើយរបស់ MMA ដោយការប្រកួតរបស់លោកកាលចុងឆ្នាំ២០១៦ គឺបានប៉ះគ្នាជាមួយកីឡាករចិន ម៉ាកាវ ហើយបានចាញ់ពិន្ទុនៅក្រៅទឹកដី ។ ការប្រកួតដែលនឹងធ្វើឡើងជាថ្មីនៅថ្ងៃទី២១ មេសា ខាងមុខនេះ លោកនឹងប៉ះជាមួយកីឡាករជនជាតិចិនឈ្មោះ Xie ដែលជាម្ចាស់ខ្សែក្រវាត់ម្នាក់ផង ។ កីឡាករកម្ពុជារូបនេះ ទំនងជាត្រូវប្រើកម្លាំងការពារច្រើនណាស់ ដើម្បីរក្សាមុខមាត់ និងអាចទៅរួចនៅលើការប្រកួត ៕
ចែករំលែកព័តមាននេះ