ក្រុមក្មេងស្ទាវ២ក្រុមជិត២០នាក់ជិះម៉ូតូដេញកា.ប់គ្នា នគរបាលឃាត់ខ្លួនបាន២នាក់
រាជធានីភ្នំពេញ ៖ ក្រុមជនសង្ស័យចំនួននពីរនាក់ក្នុងចំណោមបក្ខពួកគ្នាជិត២០នាក់ ត្រូវបានកម្លាំងល្បាតរបស់នគរបាលប៉ុស្តិ៍ទំនប់ទឹក ចាប់ឃាត់ខ្លួន
រាជធានីភ្នំពេញ ៖ ក្រុមជនសង្ស័យចំនួននពីរនាក់ក្នុងចំណោមបក្ខពួកគ្នាជិត២០នាក់ ត្រូវបានកម្លាំងល្បាតរបស់នគរបាលប៉ុស្តិ៍ទំនប់ទឹក ចាប់ឃាត់ខ្លួន និងដកហូតបានដាវសាំម៉ូរ៉ៃ ចំនួន២ដើម និងច្រវាក់មួយខ្សែរផងដែរ ខណៈដែលលពួកគេបានជិះម៉ូតូជាច្រើនគ្រឿងដេញកាប់គ្នាយ៉ាងសាហាវនៅតាមដងផ្លូវពេលយប់នោះ។ ការឃាត់ខ្លួននេះដែរ បានធ្វើឡើងកាលពីវេលាម៉ោង២ និង៣០នាទី រំលងអធ្រាត្រថ្ងៃទី ១០ ខែមេសា ឆ្នាំ២០១៧ នៅចំណុចខាងមុខមន្ទីពេទ្យមិត្តភាពខ្មែរ សូវៀត ផ្លូវលេខ២៧១ ក្នុងសង្កាត់ទំនប់ទឹក ខណ្ឌចំការមន។
តាមប្រភពព័ត៌មានពីនគរបាលម្នាក់បានប្រាប់ឱ្យដឹងថា ក្រុមក្មេងស្ទាវទាំងពីរនាក់ដែលបានឃាត់ខ្លួនមានទី១-ឈ្មោះ ចាន់ សុរិយា អាយុ១៨ឆ្នាំ មុខរបរបើករថយន្ត ស្នាក់់នៅផ្ទះលេខ ៨១ និងទី២-ឈ្មោះ វ៉ាន់ ស៊ីលាង អាយុ២០ឆ្នាំ សិស្សថ្នាក់ទី១១ មានទីលំនៅផ្ទះជួលលេខ២០៥ តាមបណ្តោយផ្លូវលេខ២៧១ ក្នុងសង្កាត់ផ្សារដើមថ្កូវ ខណ្ឌចំការមនតែមួយ។ មុនពេលកើតហេតុ ខណៈដែលកម្លាំងនគរបាលប៉ុស្តិ៍ទំនប់ទឹកធ្វើការល្បាតនៅក្នុងភូមិសាស្ត្ររបស់ខ្លួនមកដល់ចំណុចខាងលើនោះ ក៏បានប្រទះឃើញក្រុមក្មេងស្ទាវពីរក្រុមដោយមួយក្រុមមានគ្នាប្រមាណជា១០នាក់ ជិះម៉ូតូចំនួន៤គ្រឿង និងមួយក្រុមទៀតមានគ្នា៦នាក់ជិះម៉ូតូ២គ្រឿង ដែលប្រដាប់ដោយដាវសាំម៉ូរ៉ៃ និងច្រវាក់គ្រប់ដៃ ដេញកាប់ និងវាយគ្នាយ៉ាងសាហាវនៅតាមដងផ្លូវនោះ។
តាមប្រភពដដែលបានប្រាប់បន្តទៀតថា ពេលនោះកម្លាំងរបស់លោកក៏បានធ្វើការសហការជាមួយនឹងកម្លាំងអន្តរាគមន៍ខណ្ឌចំការមន ធ្វើការដេញចាប់ឃាត់ខ្លួនបាន២នាក់ ដកហូតម៉ូតូម៉ាកLet’s ពណ៌ខ្មៅ ពាក់ស្លាកលេខភ្នំពេញ១BZ-៤៧១២ មួយគ្រឿង ដាវសាំម៉ូរ៉ៃ ២ដើម និងច្រវាក់មួយខ្សែផងដែរ។ ក្រោយពីបានឃាត់ខ្លួនក្រុមក្មេងស្ទាវទាំង២នាក់ រួមទាំង ដាវសាំម៉ូរ៉ៃចំនួន២ដើម និងច្រវាក់មួយខ្សែ ដែលជាវត្ថុតាងរួចហើយ ក៏បាននាំខ្លួនមកធ្វើការសាកសសួរ និងធ្វើកំណត់ហេតុនៅប៉ុស្តិ៍នគរបាលទំនប់ទឹក ដើម្បីបញ្ជូនទៅកាន់អធិការដ្ឋាននគរបាលខណ្ឌចំការមនចាត់ការទៅតាមផ្លូវច្បាប់ជាបន្តទៅទៀត៕
ចែករំលែកព័តមាននេះ