ខេត្តព្រះសីហនុ ៖ ប្រជាពលរដ្ឋក្រីក្រជាង៤០០គ្រួសារ នៅអង្គការម្លប់តាប៉ាង ស្ថិតក្នុងសង្កាត់លេខ៤ ក្រុងព្រះសីហនុ កាលពីព្រឹកថ្ងៃទី០៩ មេសា ត្រូវបានសមាគមគ្រូពេទ្យស្ម័គ្រចិត្តយុវជនសម្តេចតេជោចំនួន១១៧នាក់ ចុះមកជួយព្យាបាលជំងឺទូទៅ ដោយឥតគិតថ្លៃរយៈពេល១ថ្ងៃ ដឹកនាំដោយលោកហ៊ុន ម៉ាណែត ជាប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេច
ខេត្តព្រះសីហនុ ៖ ប្រជាពលរដ្ឋក្រីក្រជាង៤០០គ្រួសារ នៅអង្គការម្លប់តាប៉ាង ស្ថិតក្នុងសង្កាត់លេខ៤ ក្រុងព្រះសីហនុ កាលពីព្រឹកថ្ងៃទី០៩ មេសា ត្រូវបានសមាគមគ្រូពេទ្យស្ម័គ្រចិត្តយុវជនសម្តេចតេជោចំនួន១១៧នាក់ ចុះមកជួយព្យាបាលជំងឺទូទៅ ដោយឥតគិតថ្លៃរយៈពេល១ថ្ងៃ ដឹកនាំដោយលោកហ៊ុន ម៉ាណែត ជាប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេច
តេជោ ។
លោក អ៊ីវ សៅសារិន នាយកអង្គការម្លប់តាប៉ាងបានឱ្យដឹងថា អង្គការរបស់លោកបច្ចុប្បន្ន បាននិងកំពុងធ្វើការជាមួយកុមារក្រីក្រ កុមារអនាថាគ្មានទីពឹងរស់នៅតាមចិញ្ចើមថ្នល់ កុមារកំព្រាជាង៧ពាន់នាក់និងគ្រួសារកុមារក្រីក្រជាង៤រយគ្រួសារដែលកំពង់ជួបការលំបាកជីវភាពគ្រួសារនិងបញ្ហាសុខភាព ។
នៅថ្ងៃនេះ ក្នុងនាមលោកតំណាងអោយកុមារកំព្រារ កុមារក្រីក្រនៅក្នុងមណ្ឌលអង្គការម្លប់តាប៉ាងនិងប្រជាពលរដ្ឋក្រីក្រនៅតាមសហគមសូមថ្លែងអំណរគុណចំពោះក្រុមគ្រូពេទ្យស្ម័គ្រចិត្តយុវជនសម្តេចតេជោដែលមានលោកហ៊ុន ម៉ាណែតជាប្រធានក្រុមប្រឹក្សាភិបាលសមាគមដែលបានយកចិត្តទុកដាក់ចុះមកពិនិត្យនិងព្យាបាលជំងឺទូទៅជូនពួកគាត់មានដូចជា ជំងឺភ្នែក ជំងឺមាត់ធ្មេញ និងពិនិត្យអេកូដល់ស្ត្រីមានផ្ទៃពោះជាដើម ខណៈពេលដែលពួកគាត់កំពុងជួបការខ្វះខាត់ថវិកាក្នុងការពិនិត្យនិងព្យាបាលជំងឺ ទាំងនេះសរបញ្ជាក់អោយឃើញពីការយកចិត្តទុកដាក់ចំពោះបញ្ហាសុខភាពរបស់ពួកគាត់នាពេលបច្ចុប្បន្នពីសំណាក់សមាគមគ្រូពេទ្យស្ម័គ្រចិត្តយុវជនសម្តេចតេជោ។
មានប្រសាសន៍ក្នុងពិធីនោះដែរ តំណាងសមាគមគ្រូពេទ្យស្ម័គ្រចិត្តយុវជនសម្តេចតេជោបានឱ្យដឹងថា ការចុះមកពិនិត្យនិងព្យាបាលជំងឺទូទៅរយៈពេល១ថ្ងៃនេះ គឺជាការចូលរួចំណែកក្នុងការថែទាំសុខភាពរបស់បងប្អូនប្រជាពលរដ្ឋក្រីក្រទាំងក្មេងទាំងចាស់ដែលមិនមានលទ្ធភាព ក្នុងការពិនិត្យ និងព្យាបាលដោយបង់ប្រាក់ ។ ចំពោះការពិនិត្យព្យាបាលជំងឺរបស់សមាគមគឺពិនិត្យនិងព្យាបាលដោយមិនគិតថ្លៃនិងមិនប្រកាន់និន្នាការនយោបាយពូជសាសន៍ពណ៍សម្បុរអ្វីឡើយ ។
ចែករំលែកព័តមាននេះ