រាជធានីភ្នំពេញ ៖ កាលពីព្រឹកថ្ងៃទី០៧ មេសា លោកពេជ្រ កែវមុនី អភិបាលនៃគណៈអភិបាលខណ្ឌមានជ័យ បានអញ្ជើចុះសួរសុខទុក្ខដល់យុវជននៃសហភាពសហព័ន្ធយុវជនកម្ពុជាសាខាខណ្ឌមានជ័យ ដើម្បីផ្សព្វផ្សាយការងារមួយចំនួន និងគោលនយោបាយរបស់រដ្ឋាភិបាល ។
ក្នុងនោះ លោកពេជ្រ កេវមុនី បានមានប្រសាសន៍ទៅកាន់យុវជនខណ្ដមានជ័យថា យើងជាយុវជនសម្រាប់សហភាពសហព័ន្ធ ត្រូវមានការចេះគោរព និងចេះអធ្យាស្រ័យគ្នា មានសីលធម៌ ហើយត្រូវខិតខំរៀនសូត្រ ជាទំពាំងស្នងប្ញស្សី ។ ប្អូនៗមានការលះបង់ព្យាយាមជាមួយសហភាពសហព័ន្ធយុវជនកម្ពុជា ត្រូវចេះរៀបចំសម្រេចនូវគោលដៅរបស់ប្អូនៗ ។
បន្ទាប់ពីប្អូនៗចូលជាសមាជិកនេះ ត្រូវចេះសាមគ្គីផ្ទៃក្នុងមានអត្តចរិតល្អស្រឡាញ់គ្នាជួយគ្នា ដើម្បីជាគម្រូមួយដល់យុវជនផ្សេងៗទៀត ។ ជាពិសេស រាល់សកម្មភាពអ្នកនយោបាយមួយចំនួន ប្អូនៗត្រូវតែពិចារណាឱ្យច្បាស់លាស់ ចៀសវាងការអូសទាញតាមស្ថានភាពនយោបាយ ធ្វើឲ្យប៉ះពាល់យុវជនយើងដែលកំពុងតែបំពេញការងារ ។
គួរបញ្ជាក់ដែរថា លោកពេជ្រ កែវមុនី តែងតេសួរសុខទុក្ខបងប្អូនក្នុងសង្កាត់ខណ្ដមិនថា តែកាលៈទេសៈណាឡើយ ដូចជាចុះជួបសួរសុខទុក្ខទាំងភ្លៀង ជាមួយពលរដ្ឋដល់គេហដ្ឋាន សួរសុខទុក្ខដល់បង្អូនរត់ម៉ូតូឌុប ដោយបង្កើតកម្មវិធីជប់លៀងជាដើមក្នុងសហភាពរាក់ទាក់ ព្រមទាំងបង្កើតភាពកក់ក្តៅ ចំពោះបងប្អូនក្រោមឱវាទផងដែរ។
ចែករំលែកព័តមាននេះ