រាជធានីភ្នំពេញ ៖ បុរសជាអ្នកហៅម៉ូយឱ្យស្ត្រីរកស៊ីផ្លូវភេទម្នាក់ ដោយខឹងគេយកកូនឆ្កែរបស់គាត់លាក់ទុក បានទៅវាយស្ត្រីម្នាក់រហូតសន្លប់ បង្កការភ្ញាក់ផ្អើល កាលពីវេលាម៉ោង០២ និង៤០នាទីរំលងអធ្រាត្រ ឈានចូលថ្ងៃទី១០ មេសា ស្ថិតតាមបណ្តោយផ្លូវ២១៥ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
ប្រភពឱ្យដឹងថា ស្ត្រីឈ្មោះសា ញេន ហៅក្រៅសា អាយុ៣៥ឆ្នាំ មុខរបរមិនពិតប្រាកដ ស្នាក់នៅពោធិ៍ចិនតុង សង្កាត់ចោមចៅ ។ ស្ត្រីរងគ្រោះបានឱ្យដឹងថា មុនពេលកើតហេតុ គាត់បានមកម៉ាតតេលាអាងទឹក ដើម្បីទិញស្រាបៀរផឹក ។ ខណៈពេលផឹកអស់ក៏ដើរទៅឈរលេងនៅកន្លែងកើតហេតុ បាននិយាយលេងជាមួយជនបង្ក ដែលមិនស្គាល់អត្តសញ្ញាណ មានអាយុជាង៣០ឆ្នាំ ដោយជនបង្កនោះសួរថា «មានឃើញកូនឆ្កែគាត់អត់?» ស្ត្រីរងគ្រោះនិយាយថា «អត់ឃើញទេ» ។
ក៏ប៉ុន្តែជនបង្កមានគេប្រាប់ថា ស្ត្រីនេះយកទៅលាក់ ដល់ពេលដេញដោលទៅ ត្រូវស្ត្រីរងគ្រោះប្រាប់ថា យកទៅលាក់នៅជិតនឹង ទើបធ្វើឲ្យជនបង្កខឹងវ៉ៃជនរងគ្រោះសន្លប់ ។ ភ្លាមៗនោះ ជនរងគ្រោះក៏បានតដៃដោយយកដបស្រាបៀរចាក់ចំដៃជនបង្កបណ្តាលអោយរយះចំដៃខាងស្តាំ។
ចែករំលែកព័តមាននេះ