មន្ត្រីស្រុកលើកដែកដ៏មានអំណាចម្នាក់ និងបក្សពួក នៅថ្ងៃទី២៥ ខែតុលា ឆ្នាំ២០២២ ត្រូវបានកម្លាំងសមត្ថកិច្ចនគរបាលរដ្ឋបាលឃុំកំពង់ភ្នំ សហការជាមួយកម្លាំងអធិការដ្ឋាននគរបាលស្រុក ចាប់ឃាត់ខ្លួន ពាក់ព័ន្ធក្នុងករណី
ខេត្តកណ្តាល ៖ មន្ត្រីស្រុកលើកដែកដ៏មានអំណាចម្នាក់ និងបក្សពួក នៅថ្ងៃទី២៥ ខែតុលា ឆ្នាំ២០២២ ត្រូវបានកម្លាំងសមត្ថកិច្ចនគរបាលរដ្ឋបាលឃុំកំពង់ភ្នំ សហការជាមួយកម្លាំងអធិការដ្ឋាននគរបាលស្រុក ចាប់ឃាត់ខ្លួន ពាក់ព័ន្ធក្នុងករណីរំលោ.ភសេពសន្ថវៈទៅលើអនីតិជន ស្ថិតនៅស្រុកលើកដែក ខេត្តកណ្តាល។
ជនសង្ស័យខាងលើនេះ រួមមាន ៖ ១- ឈ្មោះ ម៉ន សិលា អាយុ៣៥ឆ្នាំ នៅភូមិអំពិល ឃុំកំពង់ភ្នំ ស្រុកលើកដែក ខេត្តកណ្តាល ជាអនុប្រធានការិយាល័យនីតិកម្មដោះស្រាយវិវាទស្រុកលើកដែក។ ២- ឈ្មោះ អ៊ុក ទឹង ភេទប្រុស អាយុ៣៦ឆ្នាំ ជនជាតិវៀតណាម មុខរបរជាថៅកែខ្សាច់ ទីលំនៅភូមិកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្ដាល។ ៣- ឈ្មោះ រតនា ស្រីនាថ ភេទស្រី ជនជាតិខ្មែរ មុខរបរមិនពិតប្រាកដ នៅភូមិអំពើទឹក ឃុំកំពង់ភ្នំ ស្រុកលើកដែក ខេត្តកណ្ដាល។ ៤- ឈ្មោះ គាង គន្ធា ភេទស្រី ជនជាតិខ្មែរ មុខរបរមិនពិតប្រាកដ នៅភូមិអំពិលទឹក ឃុំកំពង់ភ្នំស្រុកលើកដែក ខេត្តកណ្តាល។ ចំណែកក្មេងស្រីរងគ្រោះវិញ អាយុ១៤ឆ្នាំ រស់នៅស្រុកលើកដែក ខេត្តកណ្តាល។
បើតាមប្រភពព័ត៌មានបានឲ្យដឹងថា នៅថ្ងៃទី៧ ខែតុលា ឆ្នាំ២០២២ ជនសង្ស័យឈ្មោះ រតនា ស្រីនាថ បានបបួលក្មេងស្រីរងគ្រោះទៅញ៉ាំអីជាមួយជនសង្ស័យឈ្មោះ ម៉ន សិលា នៅត្រើយខាងកើតក្នុងហាងផឹកស៊ី ច្រៀងខារ៉ាអូខេ ដែលមានយីហោ «អមតៈ» និងបានបង្ខំក្មេងស្រីរងគ្រោះឲ្យផឹកស្រាបៀរ រហូតដល់ស្រវឹងជោកជាំ ស្រាប់តែជនសង្ស័យឈ្មោះ ម៉ន សិលា ក៏បានដឹក និងបានក្រៀកក្មេងស្រីរងគ្រោះចូលក្នុងបន្ទប់ផ្ទះសំណាក់ឈ្មោះ «វិសាល រង្សី» នៅចំណុចភូមិអំពិលទឹក ឃុំកំពង់ភ្នំ ស្រុកលើកដែក ហើយជនសង្ស័យ រូបនោះក៏បានចាប់ផ្ដួលក្មេងស្រីរងគ្រោះទៅលើពូក រួចធ្វើសកម្មភាពរំលោ.ភលើរូបក្មេងស្រីរងគ្រោះ រហូតទាល់តែបានសម្រេចតែម្ដង។
ប្រភពដដែលបន្តថា រយៈពេល០២ទៅ០៣ថ្ងៃក្រោយមក ជនសង្ស័យឈ្មោះ ម៉ន សិលា បានហៅទូរស័ព្ទទៅបបួលជនសង្ស័យឈ្មោះ រតនា ស្រីនាថ និងក្មេងស្រីរងគ្រោះទៅផឹកស្រាបៀរនៅហាង «អមតៈ» ដដែល ហើយជនសង្ស័យដែលជាអនុប្រធានការិយាល័យនីតិកម្មដោះស្រាយវិវាទស្រុកលើកដែករូបនេះ ក៏នាំជនរងគ្រោះបម្រុងចាប់រំលោ.ភម្ដងទៀត តែជនរងគ្រោះមិនព្រមក៏បានរត់ទៅពួននៅក្រោមសាឡុង។ នៅពេលនោះ ជនសង្ស័យ ម៉ន សិលា ក៏ងាកទៅឈ្មោះ រតនា ស្រីនាថ វិញ ស្រីនាថ ក៏យល់ព្រមរួមមេត្រីជាមួយជនសង្ស័យឈ្មោះ ម៉ន សិលា។ លុះរហូតដល់ម៉ោង០៣ទៀបភ្លឺ ទើបជនសង្ស័យឈ្មោះ ម៉ន សិលា ជូនក្មេងស្រីរងគ្រោះត្រឡប់ទៅផ្ទះជនសង្ស័យឈ្មោះ រតនា ស្រីនាថ វិញ។
ប្រភពដដែលបន្តទៀតថា ប្រមាណជាមួយសប្តាហ៍ក្រោយមក ជនសង្ស័យឈ្មោះ រតនា ស្រីនាថ បានបបួលក្មេងស្រីរងគ្រោះថា ទៅភ្នំពេញដើម្បីរកការងារធ្វើ តែជនសង្ស័យឈ្មោះ រតនា ស្រីនាថ ក៏និយាយថា ទៅហាងផឹកស្ពាយសិនទៅ។ បន្ទាប់ពីផឹកអស់០២ដប ក្មេងស្រីរងគ្រោះមានអារម្មណ៍ថាវិលមុខ ហើយជនសង្ស័យឈ្មោះ ម៉ន សិលា ក៏ជូនទៅម្ដុំរង្វង់មូលត្រើយខាងកើត គ្រានោះជនរងគ្រោះដឹងខ្លួនមើលទៅដូចជាផ្ទះសំណាក់ ស្រាប់តែពេលនោះមានជនសង្ស័យម្នាក់ទៀតឈ្មោះ ទឹង បាននាំក្មេងស្រីរងគ្រោះចូលក្នុងបន្ទប់ ហើយនិយាយថាសុំមួយសុំមួយ តែក្មេងស្រីរងគ្រោះមិនព្រម បន្ទាប់មកឈ្មោះ អ៊ុក ទឹង ជាជនជាតិវៀតណាម ក៏បានចាប់បង្ខំ និងរំលោ.ភក្មេងស្រីរងគ្រោះរហូតទាល់តែបានសម្រេចម្តងទៀត។
ពាក់ព័ន្ធក្នុងករណីខាងលើនេះ បើតាមលោក ចាប ច័ន្ទវិទ្យា អភិបាលស្រុកលើកដែក ដែលអ្នកសារព័ត៌មានយើងទទួលបានថា លោកបានកំពុងដាក់បទបញ្ជាយ៉ាងម៉ឺងម៉ាត់ឲ្យមន្ត្រីនគរបាលស្រុក ត្រូវរកអ្នកពាក់ព័ន្ធទាំងអស់ មិនឲ្យរួចខ្លួនជាដាច់ខាត និងបានបញ្ជាឲ្យសមត្ថកិច្ចប្រមូលភស្តុតាងផ្សេងៗក្នុងផ្ទះសំណាក់ ដូចជាវីដេអូ និងឲ្យហៅម្ចាស់ផ្ទះសំណាក់ «វិសាល រង្សី» មកសួរនាំ ដើម្បីដាក់បន្ទុកឲ្យបានតឹងរ៉ឹងបំផុត។
ទោះបីជាយ៉ាងណាក៏ដោយ ប្រជាពលរដ្ឋក្នុងមូលដ្ឋានបានកំពុងដាក់ការសង្ស័យទៅលើសមត្ថកិច្ចនគរបាលស្រុកលើកដែក ដែលមានលោកវរសេនីយ៍ឯក អាំ ធូ ជាអធិការថា ចុះរថយន្ត០២គ្រឿងទៀត ម៉ាកព្រូដស ពាក់ស្លាកលេខ ភ្នំពេញ 2BK-5103 និងរថយន្ត Corolla ស្លាកលេខ ភ្នំពេញ 2I-2771 ហេតុអ្វីលោកមិនឲ្យជំនាញបញ្ចូលជាវត្ថុតាងក្នុងរបាយការណ៍មុនផ្ញើឲ្យថ្នាក់ដឹកនាំ ឬមួយទុកឆាក្ដៅ?៕
ចែករំលែកព័តមាននេះ