រាជធានីភ្នំពេញ ៖ បន្ទប់អាសនៈតាំងធម៌នៅជាន់ទី២ រួមទាំងសម្ភារមួយចំនួន ត្រូវអគ្គីភ័យឆាបឆេះអស់ទាំងព្រឹក បង្កឲ្យមានការភ្ញាក់ផ្អើលកាលពីវេលាម៉ោង៧ និង៤០នាទីព្រឹក
រាជធានីភ្នំពេញ ៖ បន្ទប់អាសនៈតាំងធម៌នៅជាន់ទី២ រួមទាំងសម្ភារមួយចំនួន ត្រូវអគ្គីភ័យឆាបឆេះអស់ទាំងព្រឹក បង្កឲ្យមានការភ្ញាក់ផ្អើលកាលពីវេលាម៉ោង៧ និង៤០នាទីព្រឹក ថ្ងៃទី៧ ខែមេសា ឆ្នាំ២០១៧ ស្ថិតនៅផ្ទះលេខ១២២ ក្រុមទី៧ ភូមិផ្សារតូច សង្កាត់ទួលសង្កែ ខណ្ឌឬស្សីកែវ។ ទោះបីជាយ៉ាងណា ត្រូវប្រជាពរដ្ឋជួយពន្លត់ទាន់មិនបណ្តាលឲ្យឆេះរាលដាលឡើយ។ អគ្គីភ័យ នេះត្រូវបានម្ចាស់អះអាងថា បណ្តាលមកពីទុស្សេខ្សែភ្លើងអំពូលតាំងនៅលើអាសនៈនោះ។
ម្ចាស់ផ្ទះដែលកើតមានអគ្គិភ័យនោះឈ្មោះ ខាត់ សុធា ភេទប្រុស អាយុ៣៦ឆ្នាំ ស្នាក់នៅកន្លែងកើតហេតុខាងលើ។ តាមប្រភពព័ត៌មានបានឱ្យដឹងថា នៅមុនពេលកើតហេតុ គេឃើញផ្សែងខ្មៅហុយខ្មួលចេញតាមបង្អូចបន្ទប់អាសនៈនោះ បង្កឱ្យមានកាភ្ញាក់ផ្អើលដល់អ្នកជិតខាងបាននាំគ្នាស្រែកប្រាប់ម្ចាស់ផ្ទះ មានភ្លើងឆាបឆេះផ្ទះជាន់ទី២។ ភ្លាមៗអ្នកជិតខាងបាននាំគ្នាជួយពន្លត់ ដោយខ្លះជួយយកទុយោបាញ់ទឹក និងយកបំពង់ពន្លត់អគ្គិភ័យមកបាញ់ពន្លត់អស់ចំនួន៥បំពង់ អស់រយៈពេលប្រមាណកន្លះម៉ោងទើបភ្លើងរលត់អស់ទៅវិញ។
តាមម្ចាស់ផ្ទះបានឱ្យដឹងថា មូលហេតុដែលបណ្តាលឱ្យឆាបឆេះនោះផ្តើមចេញមកពីរូបគាត់ដាក់់ព្រីលើអាសនៈ ដើម្បីដោតខ្សែភ្លើង អំពូលភ្លើងពណ៌ចម្រុះរាយព័ទ្ធលើតាមអសានៈដើម្បីបំភ្លឺហើយខ្សែភ្លើងនោះបានទុស្សេឆាបឆេះតែម្តង៕
ចែករំលែកព័តមាននេះ