ទីក្រុងហាណូយ តម្លៃនៃការនាំចូលចំណីនិងសម្ភារសម្រាប់ចិញ្ចឹមសត្វរបស់វៀតណាម ត្រូវបានគេមើលឃើញថា មានកំណើនពីមួយឆ្នាំទៅមួយឆ្នាំ ស្មើនឹង៤១,៦% ក្នុងរយៈពេលត្រីមាសទី១ឆ្នាំនេះ ។ នេះបើយោងតាម
ទីក្រុងហាណូយ តម្លៃនៃការនាំចូលចំណីនិងសម្ភារសម្រាប់ចិញ្ចឹមសត្វរបស់វៀតណាម ត្រូវបានគេមើលឃើញថា មានកំណើនពីមួយឆ្នាំទៅមួយឆ្នាំ ស្មើនឹង៤១,៦% ក្នុងរយៈពេលត្រីមាសទី១ឆ្នាំនេះ ។ នេះបើយោងតាមសេចក្ដីថ្លែងការណ៍របស់ក្រសួងកសិកម្ម និងអភិវឌ្ឍន៍ជនបទ ។
សេចក្ដីថ្លែងការណ៍ឲ្យដឹងថា ក្នុងរយៈពេល៣ខែដើមឆ្នាំនេះ ការនាំចូលចំណីសត្វ និងសម្ភារទាំងនោះមានតម្លៃ៩៥៥លានដុល្លារ ខណៈដែលខែមីនាកន្លងទៅមានចំនួន៣៤៣លានដុល្លារអាមេរិក ។
ក្រសួងដដែលនិយាយថា វៀតណាមបាននាំចូលផលិតផលទាំងនោះភាគច្រើនមកពីប្រទេសអាហ្សង់ទីន ស្មើ៤៧,២%នៃចំនួននាំចូលសរុប ខណៈនាំចូលពីអាមេរិកស្មើ១៥,៧% នាំចូលពីឥណ្ឌា៤,២% និងពីប្រទេសចិន៣,៤% ។
នៅក្នុងការអភិវឌ្ឍផ្នែកផ្សេងទៀត នាយកដ្ឋានបសុសត្វនៃក្រសួងនេះ បានផ្ញើលិខិតផ្លូវការមួយទៅអ្នកនាំចូលចំណីសត្វទាំងអស់នៅប្រទេសវៀតណាម ដើម្បីសុំឲ្យពួកគេបញ្ឈប់នាំចូលនូវផលិតផលចំណីសត្វមួយចំនួនផ្ទុកសារធាតុអង់ទីប៊ីយ៉ូទិក ដែលជំរុញឲ្យមានការធំធាត់បានឆាប់រហ័ស ចាប់ពីថ្ងៃទី១ មករា ឆ្នាំ២០១៨ ខាងមុខតទៅ ៕
ចែករំលែកព័តមាននេះ