កូនប្រុសធ្លាប់ដុតផ្ទះប្អូនប្តឹងដាក់គុកចេញមកវិញលួចដុតផ្ទះម្តាយឆេះអស់
ខេត្តបន្ទាយមានជ័យ ៖ កូនប្រុសធ្លាប់ដុតផ្ទះប្អូនប្តឹងដាក់គុកចេញមកវិញលួចដុតផ្ទះម្តាយឆេះអស់
ខេត្តបន្ទាយមានជ័យ ៖ កូនប្រុសធ្លាប់ដុតផ្ទះប្អូនប្តឹងដាក់គុកចេញមកវិញលួចដុតផ្ទះម្តាយឆេះអស់ត្រូវបានឃាត់ខ្លួននៅម៉ោង១០យប់ថ្ងៃទី៥ ខែមេសា ឆ្នាំ២០១៧ ស្ថិតភូមិ-ឃុំរហាលស្រុកព្រះនេត្រព្រះ ។
លោកវរសេនីយ៍ត្រី ស៊ិន រ៉ាស៊ី មេបញ្ជាការកងរាជអាវុធហត្ថស្រុកព្រះនេត្រព្រះបានប្រាប់ថាម្ចាស់ផ្ទះដែលត្រូវអគ្គីភ័យឆាបឆេះអស់ទាំងស្រុងមានឈ្មោះ អន រី ភេទស្រី អាយុ៦០ឆ្នាំ ជាស្ត្រីមេម៉ាយ រស់នៅភូមិកើតហេតុ ផ្ទះដែលត្រូវអគ្គីភ័យឆាបឆេះ១ខ្នងទាំងស្រុងធ្វើឡើងពីឈើប្រង់ស័ង្កសី បាតក្តា ជញ្ជាំងប្រក់ស្លឹក មានបណ្តោយ៧ម៉ែត្រ ទទឹង៦ម៉ែត្រដែលខូចខាតទ្រព្យសម្បត្តិទាំងស្រុង ។
ស្ត្រីជាម្ចាស់ផ្ទះបានបញ្ជាក់ថា ផ្ទះដែលឆេះអស់ទាំងស្រុងនេះគឺពិតជាកូនប្រុសរបស់គាត់បានលួចដុតនៅពេលដែលគាត់មិនបានដេកនៅក្នុងផ្ទះព្រោះកូនប្រុសរបស់គាត់ឈ្មោះ ចិម វិចិត្រ ភេទប្រុស អាយុ៣១ឆ្នាំ ពេលដែលស្រវឹងធ្លាប់គំរាមដុតផ្ទះរបស់គាត់ចោលទើបគាត់មិនហ៊ានដេកនៅលើផ្ទះត្រូវបានកូនប្រុសលួចដុតចោលខូចខាត់ទ្រព្យសម្បត្តិអស់ប្តឹងកម្លាំងនគរបាលប៉ុស្តិ៍ឃាត់ខ្លួនបានភ្លាមៗតែម្តង ។ កូនប្រុសដែលលួចដុតផ្ទះរបស់ចោលនេះធ្លាប់ជាប់គុកម្តងហើយដោយលួចដុតផ្ទះប្អូនបង្កើតចោល ៕
ចែករំលែកព័តមាននេះ