នាំគ្នាមកចាក់ប្រហារដល់បន្ទប់ ព្រោះតែស្នេហាត្រីកោណ
រាជធានីភ្នំពេញ ៖ កាលពីព្រឹកថ្ងៃទី០៦ មេសា ២០១៧នេះ នៅខណ្ឌច្បារអំពៅ មានករណីចាក់ប្រហារ បណ្ដាលឲ្យបុរសម្នាក់ រងរបួសធ្ងន់ គឺជាករណីស្នេហាត្រីកោណ
រាជធានីភ្នំពេញ ៖ កាលពីព្រឹកថ្ងៃទី០៦ មេសា ២០១៧នេះ នៅខណ្ឌច្បារអំពៅ មានករណីចាក់ប្រហារ បណ្ដាលឲ្យបុរសម្នាក់ រងរបួសធ្ងន់ គឺជាករណីស្នេហាត្រីកោណ
រាជធានីភ្នំពេញ ៖ កាលពីព្រឹកថ្ងៃទី០៦ មេសា ២០១៧នេះ នៅខណ្ឌច្បារអំពៅ មានករណីចាក់ប្រហារ បណ្ដាលឲ្យបុរសម្នាក់ រងរបួសធ្ងន់ គឺជាករណីស្នេហាត្រីកោណ ជនសង្ស័យម្នាក់ក្នុងចំណោមបក្ខពួក២នាក់ ត្រូវបានចាប់ឃាត់ខ្លួនហើយ ។ ជនសង្ស័យរូបនោះមានឈ្មោះ ដារ៉ូ ភេទប្រុស អាយុ២៥ឆ្នាំ មានទីលំនៅផ្ទះជួលក្បែរផ្សារចាស់ ស្ថិតក្នុងសង្កាត់វត្តភ្នំ ខណ្ឌដូនពេញ។ រូបគេត្រូវបានសមត្ថកិច្ចឃាត់ខ្លួន នាវេលារសៀលថ្ងៃទី០៦ ខែមេសា ឆ្នាំ២០១៧នេះ នៅចំណុចទីតាំងស្នាក់នៅ ក្រោយចាក់ប្រហារបុរសសង្សារថ្មីរបស់អតីតប្រពន្ធឲ្យរងរបួស។
សូមបញ្ជាក់ថា ក្នុងអំពើចាក់ប្រហារនេះ បង្កឡើយដោយជន២នាក់ ទី១.ឈ្មោះ ដារ៉ូ ខាងលើ (អតីតប្តីប្រពន្ធជនរងគ្រោះ) និងម្នាក់ទៀតឈ្មោះ រតនា អាយុ២៧ឆ្នាំ (រត់គេចខ្លួន)។ លោក ម៉ៅ សឿត អធិការរងនគរបាលខណ្ឌច្បារអំពៅ ទទួលជំនាញព្រហ្មទណ្ឌ បានឲ្យដឹងថា ករណីខាងលើផ្តើមចេញពីករណីស្នេហាត្រីកោណ ដោយពីដំបូងជនបង្កឈ្មោះ ដារ៉ូ ជាអតីតប្តីរបស់នារីជាប្រពន្ធជនរងគ្រោះ ធ្លាប់រួមរស់នៅជាមួយគ្នាច្រើនឆ្នាំកន្លងមក។
លុះប៉ុន្មានខែចុងក្រោយ នារីខាងលើ បានបែកចិត្តទៅរស់នៅជាមួយបុរសរងគ្រោះ បង្កឲ្យអតីតបុរសជាប្តី រងការខូចចិត្តរហូតខឹងសម្បារកើតចិត្តស្អប់ ឈានដល់ការរៀបចំគម្រោងតាមដានរហូតស្គាល់កន្លែងស្នាក់នៅ រួចក៏ចូលទៅចាក់ប្រហារដល់ក្នុងបន្ទប់តែម្តង។ នារីជាអតីតប្រពន្ធជនបង្ក និងជាសង្សារជនរងគ្រោះបច្ចុប្បន្នមានឈ្មោះ ឃុំ ស្រីល័ក្ខ អាយុ២៦ឆ្នាំ មុខរបរកម្មកររោងចក្រ។ ដោយឡែកបុរសជាសង្សារបច្ចុប្បន្នមានឈ្មោះ សក្តិ ភេទប្រុស អាយុ២៧ឆ្នាំ។
គួររំលឹកថា កាលពីវេលាម៉ោង៩ និង៣០នាទីព្រឹកថ្ងៃទី ០៦ ខែមេសា ឆ្នាំ២០១៧ មានករណីចាក់ប្រហារមួយបង្កឡើងដោយជនសង្ស័យ២នាក់ ប្រើកាំបិតចុងស្រួចមួយដើមចាក់ទៅលើបុរសម្នាក់បណ្តាល ឲ្យរងរបួសហូរឈាមសព្វប្រាណ នៅចំណុចបន្ទប់ផ្ទះជួលគ្មានលេខ ចំណុចភូមិតាង៉ូវ ស្ថិតក្នុងសង្កាត់និរោធ ខណ្ឌច្បាអំពៅ ។ សូមបញ្ជាក់ថា ជនសង្ស័យបង្កហេតុទាំង២ និងជនរងគ្រោះ ជាមិត្តភក្តិនឹងគ្នាបច្ចុប្បន្ន។ ពេលនេះ ជនសង្ស័យឈ្មោះ រតនា កំពុងរត់គេចខ្លួន។
តាមការរៀបរាប់របស់នារីជាប្រពន្ធ ដែលមានឈ្មោះ ឃុំ ស្រីល័ក្ខ អាយុ២៦ឆ្នាំ បានឲ្យដឹងថា នៅមុនពេលកើតហេតុខ្លួន និងបុរសជាសង្សារ បានសម្រាកនៅផ្ទះធម្មតា លុះវេលាខាងលើ ស្រាប់តែមានមនុស្សមកគោះទ្វារបន្ទប់ ហើយខ្លួន ក៏ដើរចេញមកបើក ស្រាប់តែឃើញ បុរស២នាក់ដែលនាងស្គាល់ថា ជាមិត្តភក្តិរបស់ប្តីខ្លួន បានសម្រុកចូលមកវាយ និងប្រើកូនកាំបិតចាក់ប្រហារទៅលើបុរសជាប្តី យ៉ាងសាហាវ អាចថាប៉ុនប៉ងសម្លាប់។
ឃើញដូចនេះ នារីជាប្រពន្ធក៏ស្ទុះទៅជួយប្តី តែត្រូវជនសង្ស័យទាំង២នាក់វាយជាច្រើនដៃ បណ្តាលឲ្យដួល ហើយនាងព្យាយាមរត់ចេញមកក្រៅស្រែកឲ្យគេឯងជួយ ។ ក្រោយពីនារីជាប្រពន្ធព្យាយាមស្រែករកអន្តរាគមន៍ពីអ្នកជិតខាងរួចមក ជនសង្ស័យទាំង២នាក់នោះ រត់ចេញពីបន្ទប់ហើយរត់គេចខ្លួនបាត់ស្រមោល ។ បន្ទាប់ពីកើតហេតុ កម្លាំងអាជ្ញាធរបានចុះអន្តរាគមន៍ និងជួយទំនាក់ទំនងទៅកាន់រថយន្តសាមុយ នៃមន្ទីរពេទ្យបង្អែកមានជ័យ ឲ្យមកទទួលយកទៅសង្គ្រោះភ្លាមៗ៕
ចែករំលែកព័តមាននេះ