គ្រាន់តែដេកលើគ្រែសោះ បានលុយ១៣.០០០ដុល្លារ
តាមប្រភពព័ត៌មាន Metro បានឲ្យដឹងថា អ្នកវិទ្យាសាស្ត្រត្រូវការមនុស្សមកធ្វើពិសោធន៍ដោយដេកលើគ្រែរយៈពេល៦០ថ្ងៃ ហើយនឹងផ្តល់ប្រាក់ជូន១៣.០០០ដុល្លារ។
បារាំង ៖ តាមប្រភពព័ត៌មាន Metro បានឲ្យដឹងថា អ្នកវិទ្យាសាស្ត្រត្រូវការមនុស្សមកធ្វើពិសោធន៍ដោយដេកលើគ្រែរយៈពេល៦០ថ្ងៃ ហើយនឹងផ្តល់ប្រាក់ជូន១៣.០០០ដុល្លារ។
វិទ្យាសា្ថនវេជ្ជសាស្ត្រ និងសរីរវិទ្យាក្នុងអវកាស នៅទីក្រុង Toulouse ប្រទេសបារាំង ចង់រកមនុស្សមកធ្វើការពិសោធន៍ដោយដេកលើគ្រែរយៈពេល៦០ថ្ងៃ ដើម្បីរកផលប៉ះនៅបរិយាកាសគ្មានទំនាញទម្ងន់មកលើរាងកាយមនុស្សក្នុងរយៈពេលយូរ។
អ្វីដែលអ្នកមានចំណាប់អារម្មណ៍ត្រូវធ្វើ គឺត្រូវដាក់យ៉ាងហោច ស្មាម្ខាងនៅលើគ្រែគ្រប់ពេលវេលា រួមទាំងនៅពេលបត់ជើងតូច និងបត់ជើងធំ។
ការពិសោធន៍នេះ គឺបែងចែកក្រុមមនុស្សទៅជាពីរក្រុម។ ក្រុមទីមួយ គឺជាក្រុមដែលគេឲ្យថ្នាំប្រឆាំងនឹងផលប៉ះពាល់ពីបរិយាកាសគ្មានទំនាញទម្ងន់។ រីឯក្រុមទីពីរ គេមិនឲ្យប្រើប្រាស់ថ្នាំអ្វីទាំងអស់។
ការឲ្យដេកលើគ្រែនេះ គឺគេចាត់ទុកថា ដូចទៅនឹងការរស់នៅក្នុងបរិយាកាសគ្មានទំនាញទម្ងន់ដែរ។
លោកវេជ្ជបណ្ឌិត Arnaud Beck បានមានប្រសាសន៍ថា ៖ «គោលគំនិតនៃការសិក្សានេះ គឺដើម្បីធ្វើឲ្យដូចទៅនឹងការរស់នៅក្នុងស្ថានីយអាកាសអន្តរជាតិ (ISS)។ នៅក្នុងអំឡុង២សបា្តហ៍ដំបូង អ្នកវិទ្យាសាស្ត្ររបស់យើងនឹងធ្វើតេសទៅលើគ្រប់អ្នកស្ម័គ្រចិត្ត។ រយៈពេល៦០ថ្ងៃក្រោយមកពួកគេត្រូវតែដេកលើគ្រែរហូត»៕
ចែករំលែកព័តមាននេះ