កុំទុកចិត្តមនុស្សមិនដែលស្គាល់
រាជធានីភ្នំពេញ ៖ បុរសអ្នករត់ម៉ូតូឌុបម្នាក់បានរត់ត្រហេបត្រហបទៅកាន់ប៉ុស្តិ៍នគរបាលចោមចៅ ដើម្បីដាក់ពាក្យប្ដឹងឲ្យជួយអន្តរាគមន៍ បន្ទាប់ពីបានដឹកម៉ូយប៉ះចំចោរដោយមិនដឹងខ្លួន ហើយត្រូវ
រាជធានីភ្នំពេញ ៖ បុរសអ្នករត់ម៉ូតូឌុបម្នាក់បានរត់ត្រហេបត្រហបទៅកាន់ប៉ុស្តិ៍នគរបាលចោមចៅ ដើម្បីដាក់ពាក្យប្ដឹងឲ្យជួយអន្តរាគមន៍ បន្ទាប់ពីបានដឹកម៉ូយប៉ះចំចោរដោយមិនដឹងខ្លួន ហើយត្រូវ
រាជធានីភ្នំពេញ ៖ បុរសអ្នករត់ម៉ូតូឌុបម្នាក់បានរត់ត្រហេបត្រហបទៅកាន់ប៉ុស្តិ៍នគរបាលចោមចៅ ដើម្បីដាក់ពាក្យប្ដឹងឲ្យជួយអន្តរាគមន៍ បន្ទាប់ពីបានដឹកម៉ូយប៉ះចំចោរដោយមិនដឹងខ្លួន ហើយត្រូវចោរប្រើល្បិចខ្ចីម៉ូតូជិះយកគេចខ្លួនបាត់ស្រមោល។ ហេតុការណ៍នោះបានកើតឡើងកាលពីវេលាម៉ោង១២ថ្ងៃត្រង់ ថ្ងៃទី៦ ខែមេសា ឆ្នាំ២០១៧ នៅក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
បុរសរងគ្រោះឈ្មោះ សឿង ណាង អាយុ៤០ឆ្នាំ មុខរបររត់ម៉ូតូឌុប មានទីលំនៅក្នុងភូមិព្រៃរូង ឃុំគីរីមានជ័យ ស្រុកបរសេដ្ឋ ខេត្តកំពង់ស្ពឺ ស្នាក់នៅផ្ទះជួលនៅក្នុងភូមិត្រពាំងថ្លឹង សង្កាត់ចោមចៅ បាត់បង់ម៉ូតូ១គ្រឿងម៉ាកហុងដាឌ្រីម សេ១២៥ ស៊េរីឆ្នាំ២០១៧ ពណ៌ខ្មៅ ពាក់ស្លាលេខភ្នំពេញ 1GF-7545។
បុរសរងគ្រោះបានប្រាប់ឲ្យនគរបាលដឹងថា នៅមុនពេលកើតហេតុ គាត់បានដឹកជនសង្ស័យម្នាក់ចេញពីម្ដុំផ្សារទួលពង្រ ភូមិទួលពង្រ សង្កាត់ចោមចៅ ឆ្ពោះទៅកាន់ផ្សារត្រពាំងថ្លឹង ស្ថិតនៅតាមផ្លូវវ៉េងស្រេង ភូមិត្រពាំងថ្លឹង សង្កាត់ចោមចៅ ក្នុងតម្លៃ៤ពាន់រៀល លុះពេលទៅដល់ត្រង់ចំណុចមុខផ្ទះសំណាក់មួយកន្លែង ជនសង្ស័យបានឲ្យឈប់ រួចបានប្រាប់ថា ដល់ផ្ទះរបស់ខ្លួនហើយ បន្ទាប់មកបានខ្ចីម៉ូតូជិះដោយប្រាប់ថា ទៅដឹកប្អូនតែមួយភ្លែតប៉ុណ្ណោះ រួចក៏ជិះយកទៅបាត់រហូតតែម្ដង។ ក្រោយពេលដឹងថា ចាញ់បោកគេ គាត់ក៏បានធ្វើដំណើរទៅកាន់ប៉ុស្តិ៍នគរបាលចោមចៅ ដាក់ពាក្យបណ្ដឹងសុំឲ្យនគរបាលជួយអន្តរាគមន៍៕
ចែករំលែកព័តមាននេះ