មិត្តសម្លា.ប់មិត្ត ! ប្រើកូនកាំបិតចូលចាក់បុរសម្នាក់ដល់ក្នុងបន្ទប់
រាជធានីភ្នំពេញ ៖ បុរសម្នាក់ត្រូវរងរបួសធ្ងន់ហូរឈាមស្រោចពេញខ្លួនប្រាណដោយសារជន២នាក់
រាជធានីភ្នំពេញ ៖ បុរសម្នាក់ត្រូវរងរបួសធ្ងន់ហូរឈាមស្រោចពេញខ្លួនប្រាណដោយសារជន២នាក់
រាជធានីភ្នំពេញ ៖ បុរសម្នាក់ត្រូវរងរបួសធ្ងន់ហូរឈាមស្រោចពេញខ្លួនប្រាណដោយសារជន២នាក់ ដែលគេស្គាល់ថា ជាមិត្តភក្តិបានប្រើកូនកាំបិតចូលទៅចាក់ប្រហារប៉ុនប៉ងសម្លាប់ដល់ក្នុងបន្ទប់ផ្ទះជួល នៅចំណុចភូមិតាង៉ូវ ស្ថិតក្នុងសង្កាត់និរោធ ខណ្ឌច្បាអំពៅ នាវេលាម៉ោង៩និង៣០នាទីព្រឹកថ្ងៃទី ៦ ខែមេសា ឆ្នាំ២០១៧ នេះ ។ ជនរងគ្រោះមានឈ្មោះ សក្តិ ភេទប្រុស អាយុ២៧ឆ្នាំ មានទីលំនៅផ្ទះជួលកន្លែងកើតហេតុ ។
តាមការរៀបរាប់របស់នារីជាប្រពន្ធ ដែលឈ្មោះ ឃុំ ស្រីល័ក្ខ អាយុ២៦ឆ្នាំ បានឱ្យដឹងថា នៅមុនពេលកើតហេតុខ្លួន និងប្តីបានសម្រាកនៅផ្ទះធម្មតាលុះវេលាខាងលើស្រាប់តែមានមនុស្សមកគោះទ្វារបន្ទប់ ហើយខ្លួនក៏ដើរចេញមកបើក ស្រាប់តែឃើញបុរស២នាក់ដែលនាងស្គាល់ថា ជាមិត្តភក្តិរបស់ប្តីខ្លួន បានសម្រុកចូលមកវាយ និងប្រើកូនកាំបិតចាក់ប្រហារទៅលើបុរសជាប្តីយ៉ាងសាហាវ អាចថាប៉ុនប៉ងសម្លាប់ ។ ឃើញដូចនេះនារីជាប្រពន្ធក៏ស្ទុះទៅជួយប្តីតែត្រូវជនសង្ស័យទាំង២នាក់វាយជាច្រើនដៃបណ្តាលឱ្យដួលហើយនាងព្យាយាមរត់ចេញមកក្រៅស្រែកឱ្យគេឯងជួយ ។ ក្រោយនារីជាប្រពន្ធព្យាយាមស្រែករកអន្តរាគមន៍ពីអ្នកជិតខាងរួចមកជនសង្ស័យទាំង២នាក់នោះរត់ចេញពីបន្ទប់ហើយរត់គេចខ្លួនបាត់ស្រមោល ។
នារីជាប្រពន្ធឱ្យដឹងទៀតថា ជនសង្ស័យទាំង២នាក់ដែលចូលមកចាក់ប្រហារប្តីខ្លួនគឺជាមិត្តភក្តិរបស់គាត់ពួកគេទាំង២មានឈ្មោះ រតនា អាយុ២៧ឆ្នាំ និងម្នាក់ទៀតឈ្មោះ រ៉ូ អាយុ២៤ឆ្នាំ ។ នាងមិនដឹងថា ប្តីរបស់ខ្លួនមានទំនាស់ ឬមានគំនុំអ្វីជាមួយជនសង្ស័យទាំង២ឡើយ ។ ដោយឡែកបុរសជាប្តីមិនអាចរៀបរាប់អ្វីបានទាំងអស់ព្រោះពេលនេះកំពុងស្ថិតក្នុងដំណាក់កាលសង្គ្រោះបន្ទាន់ ។
យ៉ាងណាមិញករណីខាងលើនេះសមត្ថកិច្ចសន្និដ្ឋានថាអាចជាករណីគំនុំធ្លាប់មានទាស់ទែងគ្នាពីមុនមកព្រោះជនសង្ស័យ និងជនរងគ្រោះជាមនុស្សធ្លាប់ស្គាល់គ្នានេះបើតាមការអះអាងរបស់នារីជាប្រពន្ធ ចំពោះជនសង្ស័យទាំង២សមត្ថកិច្ចកំពុងតាមប្រមាញ់ព្រោះមានតំរុយច្រើនក្នុងការតាមរក ៕
ចែករំលែកព័តមាននេះ