អ្នកយកព័ត៌មានទូរទស្សន៍ហង្សមាសជួបគ្រោះថ្នាក់បាក់ដៃ
រាជធានីភ្នំពេញ ៖ បុរសម្នាក់ជាអ្នកសារព័ត៌មានទូរទស្សន៍ហង្សមាស
រាជធានីភ្នំពេញ ៖ បុរសម្នាក់ជាអ្នកសារព័ត៌មានទូរទស្សន៍ហង្សមាស
រាជធានីភ្នំពេញ ៖ បុរសម្នាក់ជាអ្នកសារព័ត៌មានទូរទស្សន៍ហង្សមាសជិះម៉ូតូទៅធ្វើការជិះគេចជង្ហុកត្រូវម៉ូតូមួយគ្រឿងទៀតដែលជិះច្រាសទិសគ្នាបុកបណ្ដាលឱ្យដួលបាក់ដៃខាងឆ្វេង ហេតុការណ៍នេះបានកើតឡើងកាលពីវេលាម៉ោង៧យប់ថ្ងៃទី៥ ខែមេសា ឆ្នាំ២០១៧ ត្រង់ចំណុចផ្លូវលំ ភូមិទួលពន្សាំង សង្កាត់ពន្សាំង ខណ្ឌព្រែកព្នៅ ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០០៦ ពណ៌ខ្មៅ បើកបរដោយបុរសម្នាក់ជាអ្នកយកព័ត៌មានទូរទស្សន៍ហង្សមាសប្រចាំនៅខណ្ឌពោធិ៍សែនជ័យ ជិះតាមផ្លូវលំក្នុងទិសដៅពីកើតទៅលិច លុះមកដល់ចំនុចកើតហេតុបានជិះគេចជង្ហុកក៏ត្រូវម៉ូតូមួយគ្រឿងទៀតម៉ាកគុបជ្រុង ពណ៌ទឹកប៉ិច បើកបរដោយនារីម្នាក់ក្នុងទិសដៅពីលិចទៅកើត បើកច្រាសទិសគ្នា ហើយម៉ូតូគុបជ្រុងនោះជិះនៅកណ្ដាលផ្លូវបានជិះទៅបុកម៉ូតូរបស់អ្នកយកព័ត៌មានចំហៀងខាងឆ្វេងបណ្ដាលឱ្យអ្នកយកព័ត៌មានបាក់ដៃខាងឆ្វេង រីឯខាងម៉ូតូគុបវិញដួលសន្លប់មួយសន្ទុះដឹងខ្លួនវិញចំណែកម៉ូតូទាំងសងខាងរងការខូចខាតតែម៉ូតូគុបខូចច្រើនជាង ។
បន្ទាប់ពីកើតហេតុភ្លាមនោះដោយសារតែឃើញខាងរងគ្រោះបាក់ដៃនារីជាអ្នកជិះម៉ូតូគុប ជ្រុងបានយល់ព្រមជួយចេញថ្លៃព្យាបាលរបួសទើបជនរងគ្រោះបានឲ្យអ្នកប្រជាពលរដ្ឋជួយលើកម៉ូតូទាំងសងខាងចេញពីកន្លែងកើតហេតុ ។ ក្រោយពេលកើតហេតុនារីជាអ្នកជិះ ម៉ូតូគុបជ្រុងបានទូរស័ព្ទហៅបងប្អូនជាច្រើននាក់មកដល់បែរជាឈ្លោះប្រកែកជាមួយភាគី រងរបួសមួយសន្ទុះហើយបាននិយាយថា រូបគេក៏រងរបួស និងខូចម៉ូតូដែរ គេមិនព្រមសងសំណងទេគឺសុំស្មើគ្នា ។ ដោយសារតែខាងក្រុមគ្រួសារខាងរងរបួសមិនចង់មានរឿងវែង ឆ្ងាយក៏យល់ព្រមស្មើគ្នា សុខចិត្តដឹកអ្នករងរបួសតាមរថយន្តសង្គ្រោះរបស់អង្គភាព៧១១ ដឹកយកទៅព្យាបាលនៅមន្ទីរពេទ្យព្រះកុសុមៈ ដោយនារីដែលជិះម៉ូតូបន្ទាប់ពីឈ្លោះប្រកែកជាមួយអ្នករងរបួសអស់ចិត្តហើយពេលដែលឃើញរថយន្តសង្គ្រោះអង្គភាព៧១១ ទៅដល់បានធ្វើជារកកលសន្លប់ម្តងទៀតត្រូវសាច់ញាតិប្រញាប់ប្រញាល់ដឹកចេញទៅបាត់ ៕
ចែករំលែកព័តមាននេះ