ក្រៅពីអត្ថប្រយោជន៍របស់ប្រព័ន្ធរំលាយអាហារ និងលក្ខណសម្បត្តិក្នុងការប្រឆាំងនឹងជំងឺមហារីកម្រេចក៏មានអត្ថប្រយោជន៍ជាច្រើនដល់សុខភាពខួរក្បាលរបស់អ្នក ។ សូមអានអត្ថបទខាងក្រោមដើម្បីដឹងពីអត្ថប្រយោជន៍ទាំងនោះ។
ក្រៅពីអត្ថប្រយោជន៍របស់ប្រព័ន្ធរំលាយអាហារ និងលក្ខណសម្បត្តិក្នុងការប្រឆាំងនឹងជំងឺមហារីកម្រេចក៏មានអត្ថប្រយោជន៍ជាច្រើនដល់សុខភាពខួរក្បាលរបស់អ្នក ។ សូមអានអត្ថបទខាងក្រោមដើម្បីដឹងពីអត្ថប្រយោជន៍ទាំងនោះ។
១-ជំងឺញ័រចុងដៃចុងជើង
យោងតាមការសិក្សាដែលបានចេញផ្សាយនៅក្នុងខែធ្នូ ឆ្នាំ២0១២ សារជាតិ piperine ដែលជាធាតុផ្សំសកម្មនៅក្នុងម្រេចជួយបញ្ឈប់អង់ស៊ីមមួយដែលធ្វើឲ្យខូចខាតដល់អ៊័រម៉ូនដូប៉ាមីន ដែលជាសញ្ញាសរសៃប្រសាទមួយខ្វះខាតចំពោះអ្នកដែលមានជំងឺញ័រចុងដៃចុងជើងនេះ។
២-ជំងឺបាត់បង់ការចងចាំ
នៅក្នុងការសិក្សាមួយផ្សេងទៀតនៅឆ្នាំ២0១២ ដែលបានចេញផ្សាយនៅក្នុងព្រឹត្តិបត្រនៃជំងឺបាត់បង់ការចងចាំ វាត្រូវបានគេរកឃើញថា ការរួមបញ្ចូលម្រេចខ្មៅក្នុងរបបអាហារអាចជួយការពារជំងឺថយចុះសមត្ថភាពខួរក្បាលនេះ ។
៣-ជំងឺធ្លាក់ទឹកចិត្ត
ប្រសិនបើអ្នកមានអារម្មណ៍បាក់ទឹកចិត្តក្នុងមួយរយៈពេលនេះ ខួរក្បាលរបស់អ្នកប្រហែលជាកំពុងបាត់បង់សារជាតិគីមីដែលធ្វើឲ្យអ្នកមានភាពសប្បាយរីករាយ គឺអ៊័រម៉ូន Serotonin ។ ការសិក្សាបានណែនាំថា សារជាតិ piperine ដែលជាធាតុផ្សំសកម្មនៅក្នុងម្រេចអាចជួយក្នុងការបញ្ចេញអ៊័រម៉ូនខាងលើ និងបំបាត់អារម្មណ៍ធ្លាក់ទឹកចិត្តរបស់អ្នក។
៤-ជំងឺប្រកាច់
ការសិក្សាមួយចេញផ្សាយនៅក្នុងព្រឹត្តិបត្រជីវសាស្ត្រ និងឱសថនៅឆ្នាំ២០១០ បានរកឃើញថា សារជាតិ piperine ដែលមាននៅក្នុងម្រេចខ្មៅអាចគ្រប់គ្រងលំហូរនៃជាតិកាល់ស្យូមដែលបណ្តាលឱ្យកោសិកាសរសៃប្រសាទបញ្ចេញសារធាតុបញ្ជូនសញ្ញាសរសៃប្រសាទ។ ការស្រាវជ្រាវនេះក៏បានបង្ហាញថា ការទទួលទានម្រេចខ្មៅក៏ជួយការពារកោសិកាប្រសាទផងដែរ ។
៥-ជំងឺដាច់សរសៃឈាមខួរក្បាល
ការសិក្សាដែលបានចេញផ្សាយនៅក្នុងព្រឹត្តិបត្រនៃការព្យាបាលមនុស្សចាស់អាមេរិកបានបង្ហាញថា ការស្រងក្លិនម្រេចខ្មៅលាយជាមួយប្រេងធ្វើឱ្យផ្នែកមួយនៃខួរក្បាលសកម្មដែលផ្នែកនោះមានមុខងារគ្រប់គ្រងលើការលេបចំណីអាហារ ។ អ្នកចូលរួមនៃការស្រាវជ្រាវនេះ គឺជាអ្នកដែលមានជំងឺដាច់សរសៃឈាមខួរក្បាលដែលសមត្ថភាពក្នុងការលេបរបស់ពួកគេមានភាពអន់ថយដោយសារតែជំងឺនេះ ៕ សហការី
ចែករំលែកព័តមាននេះ