អតីតគ្រូបង្វឹកJuventusនិយាយថាBarcelonaខ្សោយប្រព័ន្ធការពារ
អតីតគ្រូបង្វឹកក្រុម Juventus នាឆ្នាំ ២០០៤-២០០៦ លោក Fabio Capello បានលើកឡើងថា រនាំងការពាររបស់ក្រុម Barcelona មិនសូវរឹងមាំទេ ដូច្នេះ
អតីតគ្រូបង្វឹកក្រុម Juventus នាឆ្នាំ ២០០៤-២០០៦ លោក Fabio Capello បានលើកឡើងថា រនាំងការពាររបស់ក្រុម Barcelona មិនសូវរឹងមាំទេ ដូច្នេះការយកប្រៀបទៅលើចំណុចខ្សោយមួយនេះ គឺជាគន្លឹះសំខាន់សម្រាប់ក្រុម Juventus ដើម្បីបន្តក្តីស្រមៃឆ្លងផុតវគ្គ ៨ក្រុមចុងក្រោយបាន ។
លោក Capello និយាយថា៖ «ក្រុម Barcelona មិនដឹងពីរបៀបរៀបចំប្រព័ន្ធការពារឱ្យរឹងមាដូច Juventus នោះទេ » ។ យ៉ាងណាមិញលោកបន្ថែមថា៖ «ការប្រកួតតទល់ជាមួយក្រុម Barcelona នាពេលខាងមុខនេះ កីឡាករក្រុម Juventus មិនអាចឈរសម្រាកបានឡើយ គឺត្រូវរត់រហូតដល់នាទីទី ៩៥ ព្រោះថា Barcelona អាចធ្វើឱ្យលទ្ធផលផ្លាស់ប្តូរបានភ្លាមៗត្រឹមតែរយៈពេល ៣ឬ៤នាទីប៉ុណ្ណោះ »។
ទន្ទឹមគ្នានេះដែរ លោក Capello ក៏បានលើកឡើងពីចំណុចខ្សោយរបស់ក្រុមJuventus ផងដែរដោយលោកលើកឡើងថា Juventus មិនអាចគ្រប់គ្រងបាល់បានល្អឡើយពេលប្រកួតប៉ះជាមួយក្រុម Napoli កាលពីថ្ងៃទី២ មេសាកន្លងទៅ ។ លោក Capello និយាយថា៖ «Napoli គ្រប់គ្រងបាល់បានយ៉ាងល្អ ហើយប្រសិនបើក្រុម Barcelona អាចធ្វើបានដែរនោះ វានឹងក្លាយជាបញ្ហាធំសម្រាប់ក្រុមJuventus »៕
ចែករំលែកព័តមាននេះ